بۇل – بۇكىل الەمدە قولعا الىنعان ۇدەرىس
سارسەنبى, 24 ءساۋىر 2013 2:29
ەڭبەك جانە حالىقتى الەۋمەتتىك قورعاۋ ءمينيسترى سەرىك ابدەنوۆ قاراعاندى وبلىسىندا ساپارمەن ءجۇر. جۇمىس ساپارى بارىسىندا سەرىك ابدەنوۆ تەمىرتاۋ جانە قاراعاندى قالالارىنا تابان تىرەپ, جۇمىسشىلارمەن كەزدەسۋ وتكىزدى. جيىنعا قاتىسۋ بارىسىندا ەلىمىزدەگى زەينەتاقى جۇيەسىن جاڭعىرتۋعا قاتىستى ساۋالدارعا جاۋاپ بەرىپ, اتالمىش جوبانىڭ تيىمدىلىگىن تىلگە تيەك ەتتى. ءمينيستردىڭ ساپارى بۇدان كەيىن جەزقازعان قالاسىندا جالعاسادى.
سارسەنبى, 24 ءساۋىر 2013 2:29
ەڭبەك جانە حالىقتى الەۋمەتتىك قورعاۋ ءمينيسترى سەرىك ابدەنوۆ قاراعاندى وبلىسىندا ساپارمەن ءجۇر. جۇمىس ساپارى بارىسىندا سەرىك ابدەنوۆ تەمىرتاۋ جانە قاراعاندى قالالارىنا تابان تىرەپ, جۇمىسشىلارمەن كەزدەسۋ وتكىزدى. جيىنعا قاتىسۋ بارىسىندا ەلىمىزدەگى زەينەتاقى جۇيەسىن جاڭعىرتۋعا قاتىستى ساۋالدارعا جاۋاپ بەرىپ, اتالمىش جوبانىڭ تيىمدىلىگىن تىلگە تيەك ەتتى. ءمينيستردىڭ ساپارى بۇدان كەيىن جەزقازعان قالاسىندا جالعاسادى.
تەمىرتاۋ قالاسىندا مينيستر ءوندىرىس ورىندارىنىڭ جۇمىسشىلارى, ءبىلىم بەرۋ, دەنساۋلىق ساقتاۋ, مادەنيەت, سپورت سالالارىنىڭ, كاسىپوداقتار جانە قوعامدىق ۇيىمدار وكىلدەرىمەن كەزدەسۋلەر وتكىزدى.
– زەينەتاقى جۇيەسىن جەتىلدىرۋ جولىنداعى قادامداردىڭ بارلىعى دا جيناقتالعان قارجىنىڭ تولىق ساقتالۋى مەن تۇراقتى وسىمگە قول جەتكىزۋ ماقساتىندا جاسالىپ جاتىر, – دەيدى مينيستر. ۇلتتىق بانك پەن ەڭبەك جانە حالىقتى الەۋمەتتىك قورعاۋ, قارجى جانە ەكونوميكالىق جوسپارلاۋ مينيسترلىكتەرىنىڭ ماماندارىنان قۇرالعان ۆەدومستۆوارالىق جۇمىس توبى دايىنداعان زاڭ جوباسى جيناقتاۋشى زەينەتاقى جۇيەسىن ءبىر رەتكە كەلتىرۋگە مۇمكىندىك بەرەدى. ءارى بۇل سالاداعى جۇمىستاردىڭ جاريالىلىعىن قامتاماسىز ەتپەك. نەگىزگى ماقسات – رەسپۋبليكا حالقىنىڭ كەلەشەكتە دە جەتكىلىكتى دارەجەدە زەينەتاقىعا قول جەتكىزۋىنە مۇمكىندىك جاساۋ.
وسىدان كەيىن ۆەدومستۆو باسشىسى قاراعاندىعا تابان تىرەدى. وندا دا ول ءارتۇرلى سالا قىزمەتكەرلەرىمەن, كاسىپ يەلەرى جانە مەملەكەتتىك مەكەمە باسشىلارىمەن كەزدەسۋلەر وتكىزدى.
سەرىك ابدەنوۆتىڭ ايتۋىنشا, زەينەتاقى جۇيەسىن جاڭعىرتۋ ماسەلەسى كۇللى عالامدىق ۇردىسكە اينالىپ وتىر. تەك بۇل ماسەلەنى قوعام بولىپ بىرلەسە قولعا العاندا عانا جۇيەلى تۇردە ءبىر رەتكە كەلتىرۋگە بولادى.
– وسى ماقساتتا ءبىزدىڭ ماماندار ءاربىر ءوڭىردى ارالاپ, جۇزەگە اسىرىلىپ جاتقان جوبانىڭ ءتيىمدى تۇستارىن ءتۇسىندىرىپ قايتتى. ويتكەنى, قولدانىستاعى جوبانىڭ ءتيىمسىز تۇستارىن بايقاپ وتىرمىز. ۇلەستىڭ كەمۋى سالدارىنان جيناقتىق زەينەتاقى جۇيەسى قارقىن الىپ كەتە الماي وتىر. ونىڭ ۇستىنە ەڭبەك ءوتىلىنىڭ ماردىمسىزدىعىنان جەتكىلىكتى دارەجەدە زەينەتاقى جيناعىنا قول جەتكىزە المايتىن قىزمەتكەرلەردىڭ دە قاتارى ارتىپ كەلەدى. بۇل بولاشاقتا زەينەتاقى تولەۋ جۇيەسىنىڭ كۇرت ازايۋىنا الىپ كەلەتىن جايت, – دەپ اتاپ وتكەن مينيستر بۇگىنگى تاڭدا مەملەكەت تاراپىنان ميلليونداعان قازاقستاندىقتاردىڭ قولجەتىمدى زەينەتاقى جۇيەسىنە قول جەتكىزۋىنە بارىنشا ۇمتىلىس تانىلىپ جاتقانىن ايتتى.
ءمينيستردىڭ ساپارى ەندى جەزقازعان وڭىرىندە جالعاسادى. وندا ساتباەۆ, قاراجال قالالارى مەن ۇلىتاۋ اۋدانىنىڭ تۇرعىندارىمەن كەزدەسۋلەر وتكىزۋ جوسپارلانعان. ەكى كۇنگە سوزىلاتىن بۇل ساپاردا ەڭبەك جانە حالىقتى الەۋمەتتىك قورعاۋ ءمينيسترى كەمىندە 1,5 مىڭنان استام اداممەن كەزدەسەدى دەپ كۇتىلۋدە.
«ەگەمەن-اقپارات».
