مەملەكەت باسشىسى ەۋروپالىق كەڭەس توراعاسىنىڭ ساپارى قازاقستان مەن ەۋروپالىق وداق اراسىنداعى بايلانىستاردىڭ دامۋىنا تىڭ سەرپىن بەرەتىنىن ايتتى.
– ءسىزدىڭ بۇل ساپارىڭىزدىڭ ءمانى زور. ءبىزدىڭ ءوزارا ءتيىمدى ىنتىماقتاستىعىمىز تەك كەڭەيە بەرەتىنىنە سەنىمدىمىن. ەكى تاراپ تا كوزدەگەن ماقساتقا جەتۋگە مۇددەلى بولعاندىقتان, ءبىزدىڭ قارىم-قاتىناسىمىزدىڭ بولاشاعى جارقىن, – دەدى قاسىم-جومارت توقاەۆ.
دونالد تۋسك قازاقستانعا ساپارمەن كەلۋگە شاقىرعانى ءۇشىن مەملەكەت باسشىسىنا ريزاشىلىق ءبىلدىردى.
– قوناقجايلىق تانىتقاندارىڭىز ءۇشىن كوپ راحمەت. ءبىزدىڭ سىزدەرمەن تاجىريبەمىز بەن ءوزارا قارىم-قاتىناستارىمىزدىڭ تاريحى ورتاق. گەوگرافيالىق اراقاشىقتىقتىڭ ۇلكەن بولعانىنا قاراماستان, قازاقستان ءبىز ءۇشىن وڭىرلىك تۇرعىدان عانا ەمەس, سونداي-اق, جاھاندىق دەڭگەيدە دە ماڭىزدى ءارى تۇراقتى سەرىكتەس سانالادى, – دەدى ەۋروپالىق كەڭەس باسشىسى.
اڭگىمەلەسۋ بارىسىندا تاراپتار ءارتۇرلى سالاداعى قازاقستان مەن ەۋروپالىق وداق ىنتىماقتاستىعىنىڭ پەرسپەكتيۆالارىن تالقىلادى.
