«ماۋسىم اياقتالعالى بەرى ەكى رەت وقۋ-جاتتىعۋ جيىنىن وتكىزدىك. ەكەۋى دە الماتىدا ۇيىمداستىرىلدى. مۇندا نەگىزىنەن جالپى فيزيكالىق جاتتىعۋعا كوڭىل ءبولىندى. تاۋدا ۆەلوسيپەد تەپكەنىمىز جاقسى اسەر بەردى. جيىنعا باس قۇراما سپورتشىلارىنان بولەك, جاسوسپىرىمدەر كومانداسىنىڭ وكىلدەرى دە قاتىستى. قولدان كەلگەنشە تاجىريبەمىزبەن ءبولىسىپ, جول كورسەتۋگە تىرىستىق», - دەيدى ول.
ابزال جاراقاتىنا بايلانىستى وتكەن ماۋسىمدى ورتا جولدان اياقتاۋعا ءماجبۇر بولعان. بۇگىندە سپورتشى تولىق بابىنا ەنۋ ءۇشىن بارىن سالاتىنىن ايتادى.
«قازىرگى ەڭ باستى ماقساتىم - ءوزىمنىڭ بۇرىنعى قالپىما كەلۋ. سپورتتىق بابىما تولىعىمەن ەنەتىن بولسام, جارىستارعا دا الاڭسىز قاتىسارىم ءسوزسىز. قىركۇيەك ايىنا دەيىن تولىقتاي جاراقاتتان ايىعىپ, قاتارعا قوسىلامىن دەگەن ويدامىن. تەك جاراقاتتان امان بولساق ەكەن. جاراقات الۋ قاۋپى سپورتشى ءۇشىن باستى كەدەرگىلەردىڭ ءبىرى. بۇيىرسا, ءبارى جاقسى بولادى», - دەيدى سپورتشى.
ابزال اجىعاليەۆ باستاعان قازاقستاندىق شورت-ترەكشىلەرلىڭ كەلەسى جيىنى استاناداعى «الاۋ» مۇز ايدىنىندا وتەدى.
