قىتايداعى تۋرنيرگە قازاقستان قۇراماسىنىڭ ءۇش سپورتشىسى قاتىسادى. ولار – دارحان ءاسادىلوۆ (60 كەلى), دانيار يۋلداشەۆ (84 كەلى) جانە سوفيا بەرۋلتسەۆا (+68 كەلى).
كوماندا كوشباسشىسى دارحان ءاسادىلوۆ تۇركيادا وتكەن ا سەرياسى اياسىنداعى تۋرنيردە جۇلدەسىز قالعان بولاتىن. شانحايدا دارحاننىڭ الدىندا ۇپاي جيناپ, جەڭىسكە جەتۋ مىندەتى تۇر. وليمپيادالىق رەيتينگتە ءاسادىلوۆ ءۇشىنشى ورىندا كەلەدى.
سوفيا بەرۋلتسەۆا ستامبۋلداعى باسەكەدە ۇزدىك ۇشتىككە ەنىپ, ماڭىزدى رەيتينگىلىك ۇپايعا قول جەتكىزدى. ال دانيار يۋلداشەۆ بىرنەشە ايعا سوزىلعان ساتسىزدىكتەر سەرياسىن شانحايدا تۇزەتۋگە دايىن ەكەنىن ايتادى.
كاراتەدەن قازاقستان كومانداسى بۇل كۇندەرى الماتىداعى ءاىۆا اكادەمياسىنىڭ بازاسىندا بىرلەسكەن وقۋ-جاتتىعۋ جيىندارىن وتكىزىپ جاتىر.
