ماجارستان پوليتسياسى دۋنايدا سەرۋەندەپ جۇرگەن كاتەرگە سوعىسقان كەمەنىڭ 64 جاستاعى كاپيتانىن قاماۋعا الدى. ول ادامداردىڭ ومىرىنە قاۋىپ توندىرگەن سالعىرتتىعى ءۇشىن كۇدىككە ءىلىندى.
وقيعا سالدارىنان وڭتۇستىك كورەيانىڭ جەتى ازاماتى قازا تاپتى. وعان قوسا 21 ادام ءىز-ءتۇسسىز جوعالعاندار قاتارىندا. بىراق, مامانداردىڭ ايتۋىنشا, ولاردى ءتىرى تابۋ مۇمكىندىگى وتە تومەن.
ماجار ۇكىمەتىنىڭ حابارلاۋىنشا, كاتەردەگى جەتى جولاۋشى قۇتقارىلىپ, ولارعا ءتيىستى مەديتسينالىق كومەك كورسەتىلگەن, ال قابىرعاسىن سىندىرىپ العان ءبىر جولاۋشى ازىرگە اۋرۋحانادا.
ەستەرىڭىزگە سالار بولساق, 29 مامىردا دۋناي وزەنىندە تۋريستەردى قىدىرتىپ, ماجارستان پارلامەنتى تۇسىنداعى ايلاققا توقتاعان كاتەردى باسقا كەمە كەلىپ سوققان. اپات كەزىندە وڭتۇستىك كورەيالىق تۋريستەر مىنگەن كاتەردە 34 ادام بولىپتى.
