نەگىزگى باعىتتارى ءتۇسىندىرىلدى
سەنبى, 20 ءساۋىر 2013 0:53
قازاقستان رەسپۋبليكاسىنىڭ دەنساۋلىق ساقتاۋ ءمينيسترى ساليدات قايىربەكوۆا زەينەتاقى جۇيەسىن جاڭعىرتۋدىڭ نەگىزگى باعىتتارىن ءتۇسىندىرۋ ماقساتىندا قوستاناي وبلىسىندا جۇمىس ساپارىمەن بولىپ قايتتى.
مينيستر ساپارى بارىسىندا قوستانايداعى №1 جانە №4 ەمحانادا, رۋدنىيدا قالالىق ەمحانادا, جۋىردا وبلىستاعى ەكىنشى كارديولوگيالىق ورتالىق اشىلعان قالالىق اۋرۋحانادا جانە پەرزەنتحانادا بولدى.
س.قايىربەكوۆا جۇرتشىلىقپەن كەزدەسۋلەرىندە قازاقستانداعى زەينەتاقى جۇيەسىن جاڭعىرتۋ ءبىر جاعىنان اتالعان جۇيە جۇمىس ىستەي باستاعاننان بەرگى كەزەڭدە ماكروەكونوميكالىق جاعدايدىڭ وزگەرۋىنە, ەكىنشى جاعىنان زەينەتاقىمەن قامتاماسىز ەتۋ جۇيەسىندە بولاتىن وزگەرىستەرگە بايلانىستى ەكەنىن اڭگىمەلەدى.
سەنبى, 20 ءساۋىر 2013 0:53
قازاقستان رەسپۋبليكاسىنىڭ دەنساۋلىق ساقتاۋ ءمينيسترى ساليدات قايىربەكوۆا زەينەتاقى جۇيەسىن جاڭعىرتۋدىڭ نەگىزگى باعىتتارىن ءتۇسىندىرۋ ماقساتىندا قوستاناي وبلىسىندا جۇمىس ساپارىمەن بولىپ قايتتى.
مينيستر ساپارى بارىسىندا قوستانايداعى №1 جانە №4 ەمحانادا, رۋدنىيدا قالالىق ەمحانادا, جۋىردا وبلىستاعى ەكىنشى كارديولوگيالىق ورتالىق اشىلعان قالالىق اۋرۋحانادا جانە پەرزەنتحانادا بولدى.
س.قايىربەكوۆا جۇرتشىلىقپەن كەزدەسۋلەرىندە قازاقستانداعى زەينەتاقى جۇيەسىن جاڭعىرتۋ ءبىر جاعىنان اتالعان جۇيە جۇمىس ىستەي باستاعاننان بەرگى كەزەڭدە ماكروەكونوميكالىق جاعدايدىڭ وزگەرۋىنە, ەكىنشى جاعىنان زەينەتاقىمەن قامتاماسىز ەتۋ جۇيەسىندە بولاتىن وزگەرىستەرگە بايلانىستى ەكەنىن اڭگىمەلەدى.
زاڭناماعا ەنگىزىلگەلى جاتقان وزگەرىستەردىڭ سەبەپتەرى, مىسالى, الەمنىڭ بارلىق ەلىنە ءتان جۇمىسسىزدىق پروبلەمالارى جانە تۇرعىندار جاسىنىڭ ۇلعايۋى تۋرالى ايتىلدى. قازىرگى ۋاقىتتا كوپتەگەن ەلدەردە الەۋمەتتىك قورعاۋ سالاسىندا رەفورمالار جۇرگىزىلىپ, ازاماتتاردى ەڭبەك قىزمەتىن جالعاستىرۋعا ىنتالاندىرۋ شارالارى اتقارىلۋدا. ۇكىمەت ايەلدەردىڭ زەينەتكەرلىككە شىعۋ جاسىن كوتەرە وتىرىپ, ولاردىڭ ەڭبەكپەن قامتىلۋ دەڭگەيىن ارتتىرىپ, جۇمىس ورىندارىنىڭ ساقتالۋىن قامتاماسىز ەتەدى. زەينەتاقىمەن قامتاماسىز ەتۋ تۋرالى زاڭدا قاراستىرىلعان زەينەتكەرلىككە ەرتە شىعۋ مۇمكىندىكتەرى تۋرالى اڭگىمەلەندى.
جالپى, زەينەتاقى جۇيەسىن جاڭعىرتۋ بىرىڭعاي جيناقتاۋشى زەينەتاقى قورىن قۇرۋدى جانە زەينەتاقى جۇيەسىنىڭ تيىمدىلىگىن كوتەرۋدى قاراستىرادى. سونىمەن قاتار, جيناقتاۋشى زەينەتاقى جۇيەسى قىزمەتتەرىمەن تۇرعىنداردى قامتۋ كولەمىن كەڭەيتۋ, زەينەتاقى جاسىن بىرىزدەندىرۋ, ەرەكشە ەڭبەك جاعدايىندا جۇمىس ىستەيتىندەر ءۇشىن كاسىبي زەينەتاقى جارنالارىن ەرىكتىدەن مىندەتتى تۇرىنە اۋىستىرۋ سياقتى ماسەلەلەر تالقىلانۋدا.
«ەگەمەن-اقپارات».
