مايدا مونشاق – قازىرگى زامانعى ساندىك-قولدانبالى ونەر مەن ديزاينداعى وزەكتى دە تانىمال ماتەريال. اتالمىش ونەر جارمەڭكەسىندە كوپشىلىك نازارىنا 20 شەبەردىڭ مونشاقتى قولدانۋ, اشەكەي, كيىم اكسەسسۋارلارى, اۆتورلىق قۋىرشاقتار, ينتەرەردى ساندەۋ بۇيىمدارى سياقتى شىعارماشىلىق جۇمىستارى ۇسىنىلادى.
نەگىزگى ەكسپوزيتسيادان باسقا, قازاقستانداعى مايدا مونشاق ءتىزۋ ونەرى قاۋىمداستىعىنىڭ ۇجىمدىق كورمەسى اياسىندا ەكى جوبا اتقارىلادى, ولار: «مايدا مونشاق ەلدەردى, حالىقتار مەن كونتينەنتتەردى بىرىكتىرەدى» جانە «مونشاق-قۋىرشاق» تاندەمى.
«مايدا مونشاق ەلدەردى, حالىقتار مەن كونتينەنتتەردى بىرىكتىرەدى» فوتوجوباسىنىڭ تۇجىرىمداماسى ءتۇرلى ەلدەر مەن داۋىرلەردىڭ ەتنيكالىق كولوريتىن, داستۇرلەرىن, ماتەريالدىق مادەنيەتىنىڭ ەرەكشەلىكتەرىن الەم حالىقتارى ايەلدەرىنىڭ سۇلۋلىعىنىڭ كوركەمدىك بەينەسى ارقىلى بەرۋگە جانە سونىمەن بىرگە اشەكەيلەر مەن اكسەسسۋارلاردى كورسەتۋگە ۇمتىلۋىمەن تۇجىرىمدالادى. مايدا مونشاقتى شەكتەۋ مۇمكىن ەمەس –ونى قاي جەردە بولسا دا, كىم دە بولسا پايدالانۋىنا ەركى بار. مايدا مونشاق ءتىزۋ ونەرى ءۇشىن ءتىل ءبىلۋدىڭ قاجەتى جوق, ول كەز كەلگەن تىلدە سويلەپ, كەز كەلگەن حالىقتىڭ, ۇلتتىڭ, تۇتاس ەلدىڭ مادەنيەتىن كورسەتە الادى. جوبا ەكسپوزيتسياسىندا ورتاق يدەيامەن بىرىككەن, بىراق ورىندالۋى ءار ءتۇرلى مونشاق ءتىزۋ ونەرىنىڭ كەرەمەت 12 تۋىندىسى جانە مايدا مونشاق ءتىزۋ ونەرى شەبەرلەرىنىڭ, فوتوگرافتىڭ, شاشتارازدىڭ, ءۆيزاجيستىڭ شىعارماشىلىق ىنتىماقتاستىعىنىڭ ناتيجەسى بولعان فوتوروبوتتار دا كورسەتىلەدى», –دەيدى مۋزەيدىڭ ءباسپاسوز حاتشىسى كلارا يساباەۆا.
كورمەنى 7-30 ماۋسىم ارالىعىندا ساعات 11.00-دەن 19.00-گە دەيىن تاماشالاۋعا بولادى.
