قوعام تاراپىنان تۇسىنىستىك تاپقان كەزدەسۋلەر
سەنبى, 20 ءساۋىر 2013 0:51
پارلامەنت ءماجىلىسىنىڭ دەپۋتاتتارى جانە مينيسترلىك قىزمەتكەرلەرىنىڭ قاتىسۋىمەن وتكەن ساپار 3-12 ءساۋىر ارالىعىن قامتىدى. وسى مەرزىم ىشىندە ءارتۇرلى ءوندىرىس قىزمەتكەرلەرىمەن كەزدەسۋلەر وتكىزىلىپ, الەۋمەتتىك نىسانداردا جيىندار ۇيىمداستىرىلىپ, جۇرتشىلىققا ايەلدەردىڭ زەينەت جاسىن ۇزارتۋ ارقىلى حالىقتىڭ جۇمىسپەن قامتىلۋىن جانە زەينەت جاسى تاياعان ادامداردىڭ جۇمىس ورنىنىڭ ساقتالۋىنا قول جەتكىزۋگە بولاتىنى تۋرالى جان-جاقتى ءتۇسىندىرمە جۇمىستارى جۇرگىزىلدى. سونىمەن قاتار, ءوڭىر تۇرعىندارىن تولعاندىرىپ جۇرگەن زەينەتاقى قورلارىن بىرىكتىرىپ, ءبىر جۇيەگە كەلتىرۋ سەكىلدى ماڭىزدى ماسەلەلەر قوزعالدى.
سەنبى, 20 ءساۋىر 2013 0:51
پارلامەنت ءماجىلىسىنىڭ دەپۋتاتتارى جانە مينيسترلىك قىزمەتكەرلەرىنىڭ قاتىسۋىمەن وتكەن ساپار 3-12 ءساۋىر ارالىعىن قامتىدى. وسى مەرزىم ىشىندە ءارتۇرلى ءوندىرىس قىزمەتكەرلەرىمەن كەزدەسۋلەر وتكىزىلىپ, الەۋمەتتىك نىسانداردا جيىندار ۇيىمداستىرىلىپ, جۇرتشىلىققا ايەلدەردىڭ زەينەت جاسىن ۇزارتۋ ارقىلى حالىقتىڭ جۇمىسپەن قامتىلۋىن جانە زەينەت جاسى تاياعان ادامداردىڭ جۇمىس ورنىنىڭ ساقتالۋىنا قول جەتكىزۋگە بولاتىنى تۋرالى جان-جاقتى ءتۇسىندىرمە جۇمىستارى جۇرگىزىلدى. سونىمەن قاتار, ءوڭىر تۇرعىندارىن تولعاندىرىپ جۇرگەن زەينەتاقى قورلارىن بىرىكتىرىپ, ءبىر جۇيەگە كەلتىرۋ سەكىلدى ماڭىزدى ماسەلەلەر قوزعالدى.
ماسەلەن, وسى جىلدىڭ 8-10 ءساۋىرى ارالىعىندا پاۆلودار وبلىسىندا پارلامەنت ءماجىلىسى دەپۋتاتتارىنىڭ قاتىسۋىمەن وتكەن جيىندا جۇرت الدىنا زەينەتاقى تولەۋ جونىندەگى مەملەكەتتىك ورتالىق (زتمو) باسشىسىنىڭ ءبىرىنشى ورىنباسارى ساۋلە دۇيسەنوۆا شىعىپ, سۇراقتارعا جاۋاپ بەردى. سونداي-اق, وسى كۇندەرى پاۆلوداردا ورتالىق وكىلدەرىنىڭ قاتىسۋىمەن قالاداعى بالالار اۋرۋحاناسىندا تاعى ءبىر جيىن وتكىزىلدى. اتالعان جيىنعا 180-نەن استام مەديتسينا قىزمەتكەرلەرى قاتىستى.
ەكىباستۇز قالاسىندا زەينەتاقى ورتالىعىنىڭ قالالىق فيليالى عيماراتىندا وتكەن جيىندا جۇمىس بەرۋشى كومپانيا وكىلدەرى مەن كاسىپوداق مۇشەلەرى زەينەتاقى جۇيەسىنە قاتىستى ساۋالدارعا جان-جاقتى جاۋاپ الىپ تارقاستى.
سونداي-اق, شىعىس قازاقستان وبلىسىندا دا زەينەتاقى جۇيەسىنە قاتىستى ءارتۇرلى كەزدەسۋلەر ۇيىمداستىرىلدى. ەڭبەك ءجانە حالىقتى الەۋمەتتىك قورعاۋ مينيسترلىگىنىڭ باقىلاۋ جانە الەۋمەتتىك قورعاۋ كوميتەتى توراعاسىنىڭ ورىنباسارى گۇلنار توقسەيىتوۆا حالىقتىڭ نەعۇرلىم ۇزاق ەڭبەك ەتىپ, جيناقتى كوپ جيسا, سوعۇرلىم ارتىق زەينەتاقى الاتىنىن ءارى زەينەت جاسىن بىردەن كوتەرەدى دەپ, بايبالام سالۋ جاڭساق پىكىر ەكەنىن, بۇل ءۇردىستىڭ بىرتىندەپ جۇرەتىنىن, 63 جاستان زەينەتكە تەك 2024 جىلدان باستاپ شىعاتىنىن ايتتى.
ەكى كۇنگە (5-6 ءساۋىر) سوزىلعان كەزدەسۋگە كاسىپوداق ۇيىمدارى وكىلدەرى, سونىمەن قاتار, زتمو ديرەكتورىنىڭ ورىنباسارى س.سابىرجانوۆ جانە اتالمىش ورتالىقتىڭ ءار ايماقتان كەلگەن قىزمەتكەرلەرى قاتىستى.
ەڭبەك مينيسترلىگىنىڭ وكىلدەرى مەن ورتالىق ماماندارىنىڭ قاتىسۋىمەن وتكەن جيىندار اۋىلدى جەرلەردى ۇمىت قالدىرمادى. بورودۋليحا, كوكپەكتى, زىريان اۋداندارىنا قاراستى ەلدى مەكەندەردە دە كەزدەسۋلەر بولىپ ءوتتى. كەلەسى جيىن سەمەيدەگى يادرولىق ورتالىق قىزمەتكەرلەرىنىڭ قاتىسۋىمەن ءوتتى.
5-9 ءساۋىر ارالىعىندا الماتىدا بىرنەشە كەزدەسۋلەر بولدى. «مەملەكەتتىك اننۋيتەتتىك كومپانيا» اق ديرەكتورلار كەڭەسىنىڭ مۇشەسى نۇرجان اليمۇحامەدوۆ باستاپ بارعان ماماندار توبى حالىقارالىق ءىت ۋنيۆەرسيتەتى, ش.ايمانوۆ اتىنداعى «قازاقفيلم» اق, و.تاڭسىقباەۆ اتىنداعى الماتى ساندىك-قولدانبالى ونەر كوللەدجى, ق.احمەتوۆ اتىنداعى دارىندى بالالارعا ارنالعان سپورت مەكتەپ-ينتەرناتى جانە سىزگانوۆ اتىنداعى ۇلتتىق حيرۋرگيالىق عىلىمي ورتالىعىندا كەزدەسۋ وتكىزدى. اتالمىش جيىنعا پارلامەنت ءماجىلىسىنىڭ دەپۋتاتتارى گۇلنار يقسانوۆا, ايتكۇل ساماقوۆا, گۇلميرا يسىمباەۆا قاتىستى.
ال قاراعاندى جانە تەمىرتاۋ قالالارىنداعى «يمستالكوم», «كاراگاندينسكي مەلكومبينات», «تنك تياتر» كومپانيالارى جانە «تپك ريگەر فارماتسەۆتيكالىق لوگيستيكالىق كەشەنى» بازاسىنداعى «مەملەكەتتىك الەۋمەتتىك ساقتاندىرۋ قورى» اق پرەزيدەنتى الماس قۇرمانوۆتىڭ قاتىسۋىمەن وتكەن كەزدەسۋلەردە «قازاقستان-2050» ستراتەگياسى, زەينەتاقى جۇيەسىن جەتىلدىرۋ جانە بىرىڭعاي زەينەتاقى قورىن قۇرۋ ماسەلەلەرى بويىنشا تىڭداۋلار بولدى. سونىمەن قاتار, 8 ساۋىردە وبلىس اكىمى اپپاراتىنىڭ قىزمەتكەرلەرى, اۋدان اكىمدەرى, زتمو قىزمەتكەرلەرى جانە جۇمىسپەن قامتۋ ورتالىعى ماماندارىنىڭ قاتىسۋىمەن تۇسىندىرمە جۇمىستارى ءجۇرگىزىلسە, كەلەسى كۇنى «ارسەلور ميتتال تەمىرتاۋ» كومپانياسىنىڭ قىزمەتكەرلەرىمەن كەزدەسۋ بولدى. 11 ءساۋىردەگى جيىن قاراعاندى وبلىستىق «نۇر وتان» حدپ اكتيۆتەرىنىڭ قاتىسۋىمەن ءوتتى.
باس-اياعى 9 كۇنگە سوزىلعان كەزدەسۋلەردە تەك زەينەتاقى جۇيەسىن جاڭعىرتۋ جۇمىستارى عانا ءتۇسىندىرىلىپ قويماي, ءوڭىر جۇرتشىلىعىنا الەۋمەتتىك ءماسەلەلەرگە قاتىستى ءوز ۇسىنىس-پىكىرلەرىن بىلدىرۋگە مۇمكىندىك بەرىلدى. حالىقتى ايەلدەردىڭ زەينەت جاسىن ۇلعايتۋ, جۇمىسپەن قامتۋ ماسەلەلەرى, زياندى ءوندىرىس وشاقتارىندا ەڭبەك ەتەتىن جۇمىسشىلاردىڭ زەينەتاقى الۋ تەتىكتەرى تولعاندىرىپ وتىر. ماماندار جۇرتتىڭ كوڭىلىندە جۇرگەن, كوكەيگە تۇيگەن ساۋالدارىنا جاۋاپ بەرىپ, جۇيەنى جاڭعىرتۋدىڭ ماڭىزدى قىرلارىن ەگجەي-تەگجەيلى ءتۇسىندىردى.
«ەگەمەن-اقپارات».
