سونداي-اق جىلداعى ءداستۇرمەن بيىل دا ءتۇرلى ساناتتار بويىنشا مەكتەپ بىتىرۋشىلەرگە جوعارى وقۋ ورنىنا تۇسۋگە وبلىس اكىمىنىڭ گرانتى بەرىلەدى. وتكەن جىلى جەرگىلىكتى بيۋدجەتتەن بولىنگەن قارجىعا 175 جاس جوعارى وقۋ ورىندارىندا وقۋعا مۇمكىندىك الدى. ولاردىڭ توقسان پايىزى اتا-اناسىنىڭ قامقورلىعىنسىز قالعان, جەتىم جانە جارتىلاي جەتىم, سونداي-اق از قامتىلعان وتباسىنان شىققان بالالار. قازىرگى تاڭدا ولار ەلىمىزدىڭ 13 جوعارى وقۋ ورنىندا كاسىبي ءبىلىم الۋدا. ال بيىلعى مەكتەپ بىتىرۋشىلەر ءۇشىن وبلىس اكىمىنىڭ 200 ءبىلىم گرانتى تاعايىندالىپ وتىر جانە بۇل مۇمكىندىككە الەۋمەتتىك قولداۋدى تالاپ ەتەتىن وتباسىلاردىڭ بالالارى قول جەتكىزەدى, دەيدى ماماندار.
ەل اراسىندا تەگىن وقۋعا قول جەتكىزۋگە شىنايى مۇقتاج تۇلەكتەر بار. ولاردىڭ ءۇلكەن ومىرگە قادام باسۋىنا مەملەكەتتىڭ, جاناشىر ازاماتتاردىڭ ناقتى قولداۋى قاجەت-اق. ماڭعىستاۋدا بۇل تۇرعىدا گرانتقا ءوتىنىش بىلدىرگەن 200 تۇلەكتىڭ تاعدىرىن ارنايى كوميسسيا شەشەتىن بولادى.
