قاتەرگە قارسى قامدانىس
سەنبى, 23 اقپان 2013 8:12
«اۋىرىپ ەم ىزدەگەنشە, اۋىرمايتىن جول ىزدە», دەيدى قازاق ءتامسىلى. اسىرەسە, الەم جۇرتشىلىعىن ۇركىتكەن اتى جامان اۋرۋدىڭ اسقىنىپ السا بوي بەرمەيتىنى بەلگىلى. سوندىقتان ونىڭ الدىن الۋ شارالارى جولعا قويىلىپ كەلەدى.
اقتاۋعا وسى ماقساتتا ماماندار جيىلدى. ولار وبلىستىق دەنساۋلىق ساقتاۋ باسقارماسىمەن جانە سالاماتتى ءومىر سالتىن قالىپتاستىرۋ ورتالىعىمەن بىرلەسە «ونكولوگيالىق اۋرۋلاردىڭ الدىن الۋ» تاقىرىبىندا ونكۇندىك وتكىزدى. ەلىمىزدىڭ سالاماتتى ءومىر سالتىن قالىپتاستىرۋ ۇلتتىق ورتالىعىنان,
سەنبى, 23 اقپان 2013 8:12
«اۋىرىپ ەم ىزدەگەنشە, اۋىرمايتىن جول ىزدە», دەيدى قازاق ءتامسىلى. اسىرەسە, الەم جۇرتشىلىعىن ۇركىتكەن اتى جامان اۋرۋدىڭ اسقىنىپ السا بوي بەرمەيتىنى بەلگىلى. سوندىقتان ونىڭ الدىن الۋ شارالارى جولعا قويىلىپ كەلەدى.
اقتاۋعا وسى ماقساتتا ماماندار جيىلدى. ولار وبلىستىق دەنساۋلىق ساقتاۋ باسقارماسىمەن جانە سالاماتتى ءومىر سالتىن قالىپتاستىرۋ ورتالىعىمەن بىرلەسە «ونكولوگيالىق اۋرۋلاردىڭ الدىن الۋ» تاقىرىبىندا ونكۇندىك وتكىزدى. ەلىمىزدىڭ سالاماتتى ءومىر سالتىن قالىپتاستىرۋ ۇلتتىق ورتالىعىنان, قازاق ونكولوگيا جانە راديولوگيا عىلىمي-زەرتتەۋ ينستيتۋتىنان كەلگەن مامانداردىڭ ماقساتى – ەلباسى ن.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا جۇكتەلگەن مىندەتتەردى ورىنداۋ, سونداي-اق, ونكولوگيالىق اۋرۋلار ماسەلەسىنە قوعامنىڭ نازارىن اۋدارتۋ, قاتەرلى ىسىك اۋرۋلارىن ەرتە انىقتاۋ جونىندە كەڭەس بەرۋ, تۇرعىندارعا سكرينينگتىك تەكسەرۋدىڭ ماڭىزدىلىعىن ءتۇسىندىرۋ.
اجداھا اۋرۋ رەسپۋبليكا بويىنشا جىلىنا 30 مىڭعا تارتا ادامدى تۇزاعىنا ءتۇسىرىپ, ءبىر جىل ىشىندە 17 مىڭنان استام جاننىڭ ءومىرىن جالماپ ۇلگەرەدى. دەرەكتەرگە سۇيەنسەك, ماڭعىستاۋ وبلىسى اۋرۋ كورسەتكىشى بويىنشا رەسپۋبليكادا 2-ورىندا. سوڭعى كەزدەرى جاڭادان 626 سىرقات انىقتالعان. الدىمەن ءسۇت بەزدەرىنىڭ, كەيىنگى ورىنداردا اسقازان مەن وكپەنىڭ قاتەرلى ىسىكتەرى كوش باستاپ تۇر. «ەرتە باستان انىقتاسا الدىن الۋعا بولادى», دەيدى ماماندار. سوندىقتان, ونكۇندىك اياسىندا اقتاۋ قالاسىنداعى №1 جانە №2 ەمحانالاردا, سونداي-اق وبلىستىق ونكولوگيالىق ديسپانسەردە «اشىق ەسىك» كۇندەرى ۇيىمداستىرىلىپ, جەرگىلىكتى ونكولوگ دارىگەرلەر تۇرعىنداردى تەگىن قابىلداپ, اقىل-كەڭەس بەردى, سكرينينگتىك تەكسەرۋلەر وتكىزىلدى. ءۇش كۇن ىشىندە 600-گە جۋىق ادام قارالعان.
– قاتەرلى ىسىك اۋرۋلارى وبلىسىمىزدا سوڭعى كەزدەرى ارتىپ كەلەدى. ونىمەن كوبىنە 40 پەن 60 جاس ارالىعىنداعى ازاماتتار سىرقاتتانادى. ونكۇندىك اياسىندا وتكەن «اشىق ەسىك» كۇندەرىندەگى تەكسەرىستە ەكى ازاماتتان ونىڭ بەلگىلەرى انىقتالدى. قازىر ولاردىڭ بويىنداعى اۋرۋدىڭ قاتەرلى نەمەسە قاتەرسىزدىگىن ايىرۋ ماقساتىنداعى جۇمىستار جۇرگىزىلۋدە, – دەيدى وبلىستىق ونكولوگيالىق ديسپانسەردىڭ ۇيىمداستىرۋ ءبولىمىنىڭ باستىعى امانتۇردى راحمەتوۆ.
ونكۇندىك وبلىستاعى دارىگەرلەر مەن مەدبيكەلەردىڭ بىلىكتىلىگىن ارتتىرۋ ماقساتىنداعى سەمينارمەن قورىتىندىلانىپ, ناتيجەسىندە 70-كە تارتا مامانعا ارنايى كۋالىك تابىس ەتىلدى. اۋرۋدىڭ الدىن الۋ, مامانداردىڭ تولىققاندى جۇمىس جۇرگىزۋى ءۇشىن جايلى ورتا قاجەت ەكەنى بەلگىلى. وسى ورايدا ماڭعىستاۋ وبلىسىندا 100 ورىندىق جاڭا ونكولوگيالىق ديسپانسەر عيماراتى بيىلعى جىلدىڭ سوڭىنا دەيىن پايدالانۋعا بەرىلەدى دەپ كۇتىلۋدە.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
