رەسەيلىك سەناتور فورۋم الەمدىك جانە ايماقتىق اۋقىمداعى وزەكتى ماسەلەلەردى تالقىلاۋعا قاجەتتى پىكىرتالاس الاڭىنا اينالعانىن اتاپ ءوتتى.
«فورۋم ءوسىپ-وركەندەپ, دامۋ ۇستىندە, سانى جاعىنان دا, قاتىسۋشىلار دەڭگەيى جاعىنان دا, پىكىرسايىستار اۋقىمى جاعىنان دا قۋاتتى شاراعا اينالىپ كەلەدى», - دەپ اتاپ ءوتتى ول. ەامف اۋقىمى كەڭ, سۇرانىسقا يە كۇن ءتارتىبىن وربىتە تۇسەدى دەپ ەسەپتەيدى فەدەراتسيا كەڭەسى كوميتەتىنىڭ توراعاسى.
د. نازارباەۆا رەسەي فەدەراتسياسى فەدەراتسيا كەڭەسىنىڭ توراعاسى ۆالەنتينا ماتۆيەنكونىڭ ەامف قاتىسۋشىلارىنا ارنالعان قۇتتىقتاۋ ءسوزى مەن فورۋمعا قاتىسقانى ءۇشىن ك.كوساچەۆكە العىس ايتتى. قۇتتىقتاۋدا «وزەكتى ماسەلەلەر جونىندەگى فورۋمنىڭ پىكىرى ەۋرازيا اياسىنان تىس جەرلەردە ەستىلەتىنىنە» سەنىم بىلدىرىلگەن بولاتىن.
تاراپتار ءوزارا ءتيىمدى ىنتىماقتاستىقتىڭ تەڭدەسى جوق الەۋەتىن اتاپ ءوتتى. پارلامەنتارالىق ۇنقاتىسۋ تۋرالى ايتا كەلىپ, تاراپتار پارلامەنت سەناتى مەن فەدەراتسيا كەڭەسىنىڭ سالالىق كوميتەتتەرى اراسىنداعى ىنتىماقتاستىقتىڭ ءتيىمدى سيپاتىنا توقتالدى جانە قازاقستان رەسپۋبليكاسى مەن رەسەي فەدەراتسياسى پارلامەنتتەرىنىڭ جوعارعى پالاتالارى اراسىنداعى ىنتىماقتاستىق جونىندەگى كوميسسيانىڭ جۇمىسى ناتيجەلى بولىپ كەلە جاتقانىن اتاپ ءوتتى. كوميسسيانىڭ 14-ءشى وتىرىسى 24-25 مامىردا الماتىدا وتەدى.
ق. كوساچەۆ سونداي-اق سەنات باسشىسىنا رەسەي فەدەراتسياسىنا ساپارمەن كەلۋگە شاقىرۋىن جەتكىزدى.
