ءومىردىڭ ءسانى مەن ءمانى
سەيسەنبى, 1 قاڭتار 2013 8:23
ادام بالاسىنىڭ بارلىعى جىلدان جاقسىلىق كۇتەدى. مەن دە سول ءار كۇننەن, ءار ايدان, ءار جىلدان جاقسىلىق كۇتكەن قاراپايىم جانداردىڭ ءبىرىمىن.
ەلىمىز تاۋەلسىزدىك العالى, مىنە, جيىرما ەكى جاڭا جىلدى قارسى الىپپىز. قۇدايعا شۇكىر, وسى جىلداردىڭ ىشىندە قازاق ەلىنىڭ بەرەكە-بىرلىگى جەر-جاھانعا تانىلىپ, الەم ساياساتكەرلەرىنىڭ جىلى لەبىزدەرىنە يە بولا باستادى. بۇل تابىسقا, ارينە, ەلدەگى سارابدال ساياساتتىڭ دا وڭ اسەرى بولدى.
سەيسەنبى, 1 قاڭتار 2013 8:23
ادام بالاسىنىڭ بارلىعى جىلدان جاقسىلىق كۇتەدى. مەن دە سول ءار كۇننەن, ءار ايدان, ءار جىلدان جاقسىلىق كۇتكەن قاراپايىم جانداردىڭ ءبىرىمىن.
ەلىمىز تاۋەلسىزدىك العالى, مىنە, جيىرما ەكى جاڭا جىلدى قارسى الىپپىز. قۇدايعا شۇكىر, وسى جىلداردىڭ ىشىندە قازاق ەلىنىڭ بەرەكە-بىرلىگى جەر-جاھانعا تانىلىپ, الەم ساياساتكەرلەرىنىڭ جىلى لەبىزدەرىنە يە بولا باستادى. بۇل تابىسقا, ارينە, ەلدەگى سارابدال ساياساتتىڭ دا وڭ اسەرى بولدى.
ويتكەنى, ونبەيتىن داۋدان, بولمايتىن سوزدەن بۇقارا حالىق بويىن اۋلاق سالىپ, ناقتى ىسپەن, ونىڭ ىشىندە ەلدىڭ ەكونوميكاسىن كوتەرۋگە بەلسەنە اتسالىسىپ, ەڭسەسىن تىكتەپ الدى. سونىڭ ناتيجەسىندە, ەلدەگى ءبىلىم مەن عىلىم دامىپ, ءبىر عانا دەنساۋلىق ساقتاۋ سالاسىنىڭ وزىندە ۇلان-عايىر جۇمىس اتقارىلدى.
ەلىمىزدە حالىق دەنساۋلىعىن كوتەرۋگە باعىتتالعان مەملەكەتتىك باعدارلامالاردىڭ جۇزەگە اسىرىلۋى ناتيجەسىندە, اسىرەسە, جۇرەك-قان تامىر اۋرۋلارىن ەمدەۋ سالاسى جاقسى ناتيجە بەرە باستادى. بۇل ماسەلە ەلىمىزدە كارديوحيرۋرگيانى دامىتۋ بويىنشا مەملەكەتتىك باعدارلاما قابىلداۋ جونىندەگى تاپسىرمادان باستاۋ الىپ وتىر. وسىدان بەس جىل بۇرىن, ياعني وبلىس ورتالىعىنداعى كارديوحيرۋرگيا ورتالىعى اشىلعاننان بۇگىنگە دەيىن كلينيكادا جۇرەككە ارنالعان مىڭداعان وتالار جاسالدى. ءتىپتى, سابيلەرگە دە كۇردەلى حيرۋرگيالىق وتالار جاسالا باستادى. بۇل جەتىستىك ەمەي نەمەنە؟
حالقىمىزدا «ءبىرىنشى بايلىق – دەنساۋلىق, ەكىنشى بايلىق – اق جاۋلىق, ءۇشىنشى بايلىق – ون ساۋلىق» دەگەن جاقسى ءسوز بار. سول ايتقانداي, دەنساۋلىق بولماسا اق جاۋلىقتىڭ دا, ون ساۋلىقتىڭ دا ءسانى مەن ءمانى بولمايدى. سوندىقتان بولار, ەلباسى نۇرسۇلتان نازارباەۆتىڭ «قازاقستان-2050» ستراتەگياسىندا دا ەلدىڭ ەڭ ءبىرىنشى بايلىعى – حالىق دەنساۋلىعىن جاقسارتۋ تۋرالى باسا ايتىلعان.
دانا حالقىمىز, تاعى ءبىر قاناتتى سوزىندە «جىلى-جىلى سويلەسەڭ, جىلان ىنىنەن شىعادى» دەيدى. سونداي-اق, ۇيىنە قاپەلىمدە كىرىپ كەتكەن جىلاننىڭ باسىن اق قۇيىپ, شىعارىپ جىبەرەدى. مەن دە ەلىمىزدىڭ بوساعاسىنان «باسىما اق قۇيار ما ەكەن» دەگەن ۇمىتپەن كىرىپ كەلە جاتقان جاڭا جىل – جىلان جىلىنان ەجەلگى اتا-بابالار داستۇرىمەن جۇرەگىمدى جارىپ شىققان جىلى سوزىممەن «قازاقستان حالقىنىڭ دەنساۋلىعى مىقتى بولىپ, جاستارى ۇزارعان ۇستىنە ۇزارا تۇسسە ەكەن» دەپ تىلەيمىن.
سەيىتحان جوشىباەۆ,
تاراز قالاسىنداعى «كارديوحيرۋرگيا ورتالىعىنىڭ»
ديرەكتورى, «قازاقستان جۇرەك-قان تامىرلارى
حيرۋرگتەرى اسسوتسياتسياسىنىڭ» توراعاسى.
جامبىل وبلىسى.
