شاراينا
بەيسەنبى, 17 قاڭتار 2013 6:59
جارىلىس قۇرباندارى– 82 ادام
سيريانىڭ الەپپو قالاسىندا قوسارلانعان جارىلىس جاسالدى. اتالعان قالاداعى ۋنيۆەرسيتەتتە جۇزەگە اسىرىلعان تاعىلىق ارەكەتتەردەن 80-نەن استام ادام كوز جۇمدى. 160-تان استام ادام ءتۇرلى دەنە جاراقاتتارىن الدى.
بەيسەنبى, 17 قاڭتار 2013 6:59
جارىلىس قۇرباندارى– 82 ادام
سيريانىڭ الەپپو قالاسىندا قوسارلانعان جارىلىس جاسالدى. اتالعان قالاداعى ۋنيۆەرسيتەتتە جۇزەگە اسىرىلعان تاعىلىق ارەكەتتەردەن 80-نەن استام ادام كوز جۇمدى. 160-تان استام ادام ءتۇرلى دەنە جاراقاتتارىن الدى.
شاھار گۋبەرناتورى موحامەد ۆاحيد اككادتىڭ ايتۋىنشا, ازىرشە ەشقانداي ۇيىم جارىلىستارعا جاۋاپكەرشىلىكتەردى مويىندارىنا الماعان كورىنەدى. ۇكىمەت اسكەرلەرى جارىلىستارعا ب ۇلىكشىلەردى كىنالى دەپ تاپسا, ءوز كەزەگىندە ب ۇلىكشىلەر ۇكىمەت اسكەرلەرىن ايىپتاپ وتىر. قالا باسشىلىعى مەن مەملەكەتتىك تەلەۆيزيا وقيعاعا لاڭكەستىك دەگەن باعا بەردى. ال جارىلعان ۋنيۆەرسيتەت سيريا ارمياسىنىڭ باقىلاۋىنداعى اۋماقتا ورنالاسقان.
ءماليدى بولشەكتەۋگە جول جوق
ۇلىبريتانيا ماليگە تاعى ءبىر اسكەري-كولىك ۇشاعىن كومەككە جىبەرۋ تۋرالى شەشىم قابىلدادى. وسى ارالىقتا اتالعان ەلدەگى فرانتسۋز كونتينگەنتىنىڭ تانكتەرى يسلامشىلار باسىپ العان سولتۇستىك وڭىرلەردى قايتارۋ ءۇشىن جولعا شىقتى.
فرانتسۋزدارعا باتىس افريكا ەلدەرى ەكونوميكالىق قوعامداستىعىنا كىرەتىن مەملەكەتتەردىڭ قارۋلى كۇشتەرى دە كومەك قولدارىن سوزۋعا بىلەك سىبانىپ وتىر. ولار جاقىن كۇندەرى مالي بيلىگىنە جاردەمدەسۋگە اتتاناتىن اسكەري كونتينگەنت جاساقتاماق. ونىڭ قۇرامىنا 3300 سولدات كىرەتىن بولادى. ال كونتينگەنت كوت-د,يۆۋار, بەنين, گانا, نيگەر, سەنەگال, بۋركينا-فاسو جانە توگو ەلدەرىنىڭ اسكەريلەرىنەن قۇرالادى.
ءيزرايلدى بالاعاتتاماعان ءجون
اقش-تىڭ مەملەكەتتىك دەپارتامەنتى ەگيپەت پرەزيدەنتى مۇحاممەد مۋرسيدەن يزرايل مەن ونىڭ ازاماتتارىنا قاتىستى ءوزىنىڭ بالاعات مازمۇنىنداعى مالىمدەمەلەرىنەن باس تارتۋدى تالاپ ەتتى. م.مۋرسي 2010 جىلدىڭ قاڭتار ايىندا جاريالانعان سۇحباتىندا يزرايلگە قاتىستى قاتتىراق سويلەپ قويعان بولاتىن.
مەملەكەتتىك دەپارتامەنتتەگىلەر م.ءمۋرسيدىڭ «قانسورعىشتار», «دوڭىزدار مەن مايمىلداردىڭ ۇرپاقتارى» دەگەن سوزدەرىن قاتتى ايىپتاعان پىكىر تانىتتى. بۇل جونىندە ۆەدومستۆونىڭ رەسمي وكىلى ۆيكتوريا نۋلاند مالىمدەدى. ونىڭ سوزىنە قاراعاندا, ەگيپەت پرەزيدەنتى باسقا دىندەگى ادامداردىڭ دا قۇقىن قۇرمەتتەيتىنىن دالەلدەۋى ءتيىس. م.ءمۋرسيدىڭ سۇحباتى «مۇسىلمان باۋىرلار» قوزعالىسىنىڭ كوشباسشىسى بولىپ تۇرعان كەزىندە جاريالانعانىن ايتا كەتەيىك.
«ارمان لاينەرلەرى» ۇشۋى توقتاتىلدى
جاپونيانىڭ All Nippon Airways جانە Japan Airlines اۆياكومپانيالارى «ارمان لاينەرلەرى» اتالىپ كەتكەن بوينگ-787 ۇشاقتارىنىڭ ۇشۋىن توقتاتۋعا شەشىم قابىلدانعانىن حابارلادى.
مۇنداي شەشىم سوڭعى كەزدەرى اتالعان ۇشاق تۇرلەرىنە قاتىستى قاۋىپتى جاعدايلاردىڭ ءجيى ورىن الۋلارىنا بايلانىستى قابىلدانىپ وتىر. ەندى اتالعان اۆياكومپانيالار بوينگ-787-ءنىڭ ۇشۋلارىن وزدەرىنىڭ پاركتەرىندەگى وسى ۇلگىدەگى بارلىق ۇشاقتاردى ەگجەي-تەگجەيلى تەكسەرۋلەردەن وتكىزگەننەن كەيىن عانا قايتا باستاماق. كەشە ياماگۋتي قالاسىنان توكيوعا ۇشىپ شىققان بوينگ-787 ۇشاعى اپاتتى جاعدايدا اۋەجايعا قايتا قوندىرىلعان بولاتىن.
قارۋ ۇستاپ ۇيرەنگەندەر قارسى
اقش-تىڭ تەحاس شتاتىنان سەناتور ستيۆ ستوكمەن ەگەر پرەزيدەنت باراك وباما جارلىقتارىنىڭ كومەگىمەن قارۋ-جاراققا باقىلاۋ ورناتۋدىڭ جاڭا ەرەجەلەرىن قالىپتاستىراتىن بولسا, وندا پرەزيدەنتتىڭ يمپيچمەنتى تۋرالى ماسەلە كوتەرەتىنىنە ۋادە بەردى.
س.ستوكمەننىڭ سوزىنە قاراعاندا, اقش پرەزيدەنتى رەسپۋبليكانىڭ نەگىز قالاۋشى قاعيداتتارىنا ۇياتسىزدىقپەن شابۋىل جاساۋدى جۇزەگە اسىرۋدا جانە بۇل كونستيتۋتسيا تالاپتارىنا دا قايشى كەلەدى. سوندىقتان سەناتور وباماعا كۇرەستىڭ قانداي ءتۇرىن پايدالانىپ بولسا دا قارسى شىعاتىنىن مالىمدەۋدە. ال پرەزيدەنتتىڭ مۇنداي قادامعا سوڭعى كەزدەرى ەلدە وڭدى-سولدى قارۋ قولدانۋ وقيعالارى جيىلەپ كەتۋىنە بايلانىستى بارۋعا ءماجبۇر بولىپ وتىرعانى تۇسىنىكتى.
ەرەجە بۇزۋ ءليميتى بەلگىلەنبەك
قىرعىزستان استاناسى – بىشكەك قالاسىنىڭ باسشىلىعى ءاربىر مارشرۋتتى تاكسي ءۇشىن ەرەجە بۇزۋ ءليميتىن بەلگىلەۋ تۋرالى شەشىم قابىلدادى. ەگەر ەرەجە بۇزۋ وقيعالارى شەكتەۋدەن اسىپ كەتسە, كولىك جولاۋشىلار تاسىمالداۋ ءۇشىن پايدالانىلمايتىن بولادى.
بۇل تۋرالى بىشكەك مەرى يسا ومىرقۇلوۆ جاريا ەتتى. ول سونداي-اق اتالعان باستاما مارشرۋتتى تاكسيلەر جۇرگىزۋشىلەرى جول بەرەتىن كوپتەگەن جول ەرەجەسىن بۇزۋلارعا قاتىستى ارىز-شاعىمداردان اياق الىپ ءجۇرۋ مۇمكىن بولماي قالعاندىقتان كوتەرىلىپ وتىرعانىن كولدەنەڭ تارتتى. ءسويتىپ, ءار كولىك ءۇشىن ەڭ كوپ دەگەندە 15-20 ەرەجە بۇزۋ قاراستىرىلماق ەكەن.
قىسقا قايىرىپ ايتقاندا:
لوندوننىڭ ورتالىعىندا تىكۇشاق قۇرىلىس كرانىنا سوعىلدى. كراننىڭ جەرگە قۇلاۋى سالدارىنان ەكى ادام وپات بولدى. وقيعاعا كوز بايلاعان قالىڭ تۇمان سەبەپ بولعان سەكىلدى.
ۇندىستان اسكەريلەرى كاشميردە 16 قاڭتارعا قاراعان ءتۇنى پاكستاندىق اسكەري قىزمەتشىنى ولتىرگەن. بۇل جونىندە پاكستان ارمياسىنىڭ وكىلىنە سىلتەمە جاساي وتىرىپ, «رەيتەر» اگەنتتىگى حابارلادى.
مەملەكەتتىك دۋما دەپۋتاتتارى قوعامدىق ورىنداردا تەمەكى شەگۋگە وراي ايىپ كولەمىن ايقىندادى. قوعامدىق ورىندارعا, زاڭ بويىنشا, مەيرامحانالار مەن ءدامحانالار, اۋرۋحانالار مەن دۇكەندەر, كولىك جانە باسقا دا تەمەكى شەگۋگە بولمايتىن جەرلەر كىرەدى.
ينتەرنەت ماتەريالدارى نەگىزىندە ازىرلەندى.
