بۇدان كەيىن استانالىق دارىگەرلەر شەبەرلىك ساعاتىن وتكىزىپ, تاجىريبەلەرىمەن ءبولىستى.
«جىل سايىن وسى دەرتكە شامامەن 150 مىڭداي ادام شالدىعادى. ەستۋ مۇشەسى قابىنۋىنىڭ سالدارىنان كەسەل اسقىنىپ, ونىڭ سوڭى اۋىر كەرەڭ بولىپ قالۋ سەكىلدى اۋىر زارداپتارعا سوقتىرۋى مۇمكىن. قۇلاققا وتا جاساۋ كەزىندە قولدانىلاتىن ميكروسكوپ ەلىمىز بويىنشا ءۇش قالادا عانا بار. سونىڭ ءبىرى – پەتروپاۆل. مۇنداي وتا بۇعان دەيىن نۇر-سۇلتان مەن الماتىدا عانا جۇزەگە اسىرىلىپ كەلگەن. بۇل قۇرىلعى قۇلاقتىڭ ىسىنگەن, ىرىڭدەگەن, قابىنعان جەرلەرىنە وتا جاساۋعا مۇمكىندىك بەرەدى», دەيدى شتاتتان تىس باس لور-دارىگەر ارمان ابىلەۆ.
وبلىستىق بالالار اۋرۋحاناسى لور بولىمشەسىنىڭ مەڭگەرۋشىسى ابزال بولەكباەۆ جەرگىلىكتى دارىگەرلەر بىلىكتىلىكتەرىن ۇنەمى جەتىلدىرىپ وتىراتىنىن, ەمدەۋ مەكەمەسى زاماناۋي مەديتسينالىق قوندىرعىلارمەن تولىقتىرىلعانىن جەتكىزدى. ميكروسكوپپەن قوسا ميكروتەمپانالدىق جيىندىق, پروتەزدەر مەن شۋنتتار ساتىپ الىنعان.
استانالىق لور-دارىگەرلەردىڭ وڭىردەگى جۇمىس ساپارى ءبىر ايعا جالعاسادى.
سولتۇستىك قازاقستان وبلىسى
