جينالعاندار الدىندا سويلەگەن سوزىندە رەسپۋبليكالىق ساياسي ۇيىمنىڭ سقوف توراعاسىنىڭ ءبىرىنشى ورىنباسارى ەۆگەني گلوتوۆ سايلاۋشىلار ءوز ۇسىنىستارى مەن تىلەكتەرىن پرەزيدەنتتىككە كانديدات قاسىم-جومارت توقاەۆتىڭ قوعامدىق قابىلداۋ بولمەلەرى, موبيلدىك ۇگىت-ناسيحات توپتارى ارقىلى جەتكىزۋ مۇمكىندىكتەرى قاراستىرىلعانىن اتاپ كورسەتتى.
«بۇل جالپىۇلتتىق اكتسيا – قاسىم-جومارت توقاەۆتىڭ باستاماسى. ءار ءوتىنىش, ءار پىكىر, ءار تىلەك كانديداتقا جەتۋى وتە ماڭىزدى! ناقتى جاعدايلاردى, سايلاۋشىلاردى قانداي ماسەلەلەر تولعاندىراتىنىن ءبىلۋ ارقىلى الداعى باعدارلامالار ءتۇزىلىپ, باسىم باعىتتاردى ايقىنداۋعا سەپتىگىن تيگىزەدى. مەن جۇرتشىلىقتى نەمقۇرايلى بولماۋعا, اكتسياعا بەلسەندى قاتىسۋعا شاقىرامىن. ءبىر عانا ءسوز كوپ نارسەنى وزگەرتە الادى», دەدى ە. گلوتوۆ.
سايلاۋشىلاردىڭ ۇسىنىستارى مەن تىلەكتەرىن جيناۋ پرەزيدەنتتىككە كانديداتاتتىڭ سەنىم بىلدىرگەن وكىلدەرى مەن قوعامدىق بەلسەندىلەر ارقىلى جۇزەگە اسىرىلىپ, ءتيىستى مەملەكەتتىك ورگاندارعا جىبەرىلەدى.
Jas Otan جق جەرگىلىكتى فيليالىنىڭ توراعاسى ابىلايحان قايروللاەۆتىڭ پىكىرىنشە جاستار الەۋمەتتىك جەلىلەر ارقىلى ەرەكشە بەلسەندىلىك تانىتۋدا. باستى ماقسات ەل مۇددەسى جولىندا بىرلەسە ءىس-قيمىل اتقارۋ بولىپ تابىلادى.
