سۋرەتتى تۇسىرگەن ورازبەك ساياحات
Nur Otan پارتياسى ۇسىنعان پرەزيدەنتتىككە كانديدات قاسىم-جومارت توقاەۆتى قولداۋ ماقساتىنداعى جيىنعا قالالىق ءماسليحات دەپۋتاتى قوبىلانبەك قوجين, وڭىردەگى مەدياتسيا ورتالىعىنىڭ جەتەكشىسى ولگا نيكولاشينا باستاعان سەنىمدى وكىلدەر ءسوز سويلەپ, الداعى 9 ماۋسىمدا ەلىمىزدە كەزەكتەن تىس وتەتىن پرەزيدەنتتىك سايلاۋعا قاتىسۋدىڭ ماڭىزدىلىعىن, لايىقتى كانديداتقا تاڭداۋ قاجەتتىگىن اتاپ ءوتتى.
ال, Nur Otan پارتياسىنىڭ مۇشەسى, «پاۆلودار مۇناي-حيميا زاۋىتى» جشس باس ديرەكتورى وسپانبەك السەيىتوۆ بولاشاق ءۇشىن دۇرىس تاڭداۋ جاساۋ كەرەكتىگىن ايتتى.
- ءبىز قازىر دۇرىس باعىتتا كەلە جاتىرمىز. ەلىمىزگە وسى باعىتتان وزگەرۋگە بولمايدى. ەلباسى باستاعان جولى ارى قاراي جالعاسىن تابۋى ءتيىس. سول سەبەپتى, بولاشاق ءۇشىن دۇرىس تاڭداۋعا ءتيىسپىز, - دەدى وسپانبەك السەيىتوۆ.
سونىمەن بىرگە, س. تورايعىروۆ اتىنداعى وبلىستىق كىتاپحانادا سايلاۋدى باقىلاۋعا كەلەتىن حالىقارالىق بايقاۋشىلارعا كومەك كورسەتۋ ورتالىعى اشىلدى.
ورتالىق مۇشەسى, عالىم عاني ەلمۇراتوۆتىڭ ايتۋىنشا, وبلىسقا 400-گە تارتا باقىلاۋشى كەلمەكشى.
ورتالىقتا سايلاۋعا شەتەلدەن كەلەتىن باقىلاۋشىلارعا ورتالىق جۇمىس جاساۋعا ارنالعان قۇرال-جابدىقتارمەن جابدىقتالىپ, ينتەرنەت جەلىسىنە قوسىلعان.
