باتىس قازاقستان وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ اقپاراتى بويىنشا, 2019 جىلعى 9 مامىردا شامامەن ساعات 21.39-دا «102-گە» كۋاگەرلەردەن نازارباەۆ داڭعىلىنداعى 196-شى ءۇيدىڭ 2-ءشى قاباتىنداعى بالكوندا «ايۋدىڭ» جۇرگەنى تۋرالى حابار كەلىپ تۇسكەن. ال, الەۋمەتتىك جەلى قولدانۋشىلارى قونجىقتى سۋرەتكە ءتۇسىرىپ, تاراتقان ەدى.
پوليتسيا قىزمەتكەرلەرى جوعارىدا كورسەتىلگەن مەكەن-جايعا كەلگەن سوڭ شاقىرۋ فاكتىسى راستالدى.
ءىستى قاراۋ بارىسىندا انىقتالعانداي ايۋدىڭ يەسى اقتاۋ قالاسىنىڭ تۇرعىنى م.ي.تالاسپاەۆا (1977 ج. ت.) بولىپ شىقتى, ول قونجىققا تيەسىلى بارلىق قاجەتتى قۇجاتتى كورسەتكەن.
وسى فاكتى بويىنشا تالاسپاەۆاعا بىرقاتار سۇراقتار قويىلدى. بەلگىلى بولعانداي, ول 2019 جىلى 8 مامىردا تسيرككە ۇيرەتۋ ماقساتىندا قوڭىر ايۋدىڭ قونجىعىن رەسەيدىڭ ۋفا قالاسىنان ساتىپ العان.
ودان كەيىن ولار ورال قالاسىنا تۇنەۋگە كەلىپ, نازارباەۆ داڭعىلىنداعى 196 ءۇيدى جالداعان. ايۋدىڭ يەسىنىڭ ايتۋىنشا, كەيىن ولار قونجىقتى پاتەردە قالدىرىپ, ازىق-ت ۇلىك الۋعا شىعىپ كەتكەن.
وسى ۋاقىتتا ول بالكونعا شىعىپ, ءوتىپ بارا جاتقان ادامداردى قورقىتىپ ۇلگەرگەن.
الايدا, قىلمىستىق جانە اكىمشىلىك قۇقىق بۇزۋشىلىق بولماعاندىقتان بۇل ماسەلەگە قاتىستى ەشقانداي شارالار قولدانىلمايتىنىن جازدى ساكەن دىلداحمەت.
