كاتادان كوماندالىق سىندا ەرلەر اراسىندا الماتى, ايەلدەر اراسىندا باتىس قازاقستان وبلىسى توپ جاردى.
ال كۋميتەدەن كوماندالىق سىن اسا تارتىستى ءوتتى. اسىرەسە, شيرەك فينالدا كەزدەسكەن اقتوبە جانە ماڭعىستاۋ وبلىسىنىڭ سپورتشىلارى جانكۇيەر كوڭىلىنەن شىقتى. كوماندا ساپىندا ازيا ويىندارىنىڭ جەڭىمپازى رينات ساعىندىقوۆ پەن اندرەي اقتاۋوۆ سىندى تالانتتى سپورتشىلار بارىنا قاراماستان, اقتوبەلىكتەر كورشى وبلىسقا ەسە جىبەردى.
كوماندالىق كۋميتە, ەرلەر:
1. ماڭعىستاۋ وبلىسى
2. شىمكەنت قالاسى
3. اقتوبە وبلىسى
كوماندالىق كۋميتە, ايەلدەر:
1. ماڭعىستاۋ وبلىسى
2. شىمكەنت قالاسى
3. اتىراۋ جانە الماتى وبلىستارى
سپارتاكيادا ناتيجەسى بويىنشا الماتى جانە شىمكەنت قالالارى جالپىكوماندالىق ەسەپتە ءبىرىنشى ورىندى ءبولىستى.
ەكىنشى ورىندا ماڭعىستاۋ, ءۇشىنشى ورىندا جامبىل وبلىسى ورنالاسقان.
«بيىلعى سپارتاكيادا 2015 جىلى قاراعاندىدا وتكەن جارىستان الدەقايدا جوعارى دەڭگەيدە ۇيىمداستىرىلدى. ەڭ باستى ايىرماشىلىق – سپورتشىلاردىڭ كاسىبي دەڭگەيدە ءوسۋى. كاراتە وليمپيادا باعدارلاماسىنا ەنگەلى بەرى سپورتشىلاردىڭ كورسەتكىشى جوعارىلاعانىن بايقاۋعا بولادى. باسەكەلەستىك دەڭگەيى ارتقان, ءاربىر كاراتەشى بار كۇشىن سارقىپ, سوڭىنا دەيىن شايقاستى. ءبىز كوپتەگەن وبلىستاردىڭ الەۋەتى وسكەنىنە كوز جەتكىزدىك», - دەيدى سپارتاكيادانى قورىتىندىلاپ وتكەن كوماندا باس باپكەرى جاستالاپ ساناۋوۆ.
