- باكۋدەگى الەمدىك Grand Slam تۋرنيرىنە ءبىز جاس سپورتشىلاردى جىبەردىك. ويتكەنى, بىزگە قوسالقى قۇرامدى دا نىعايتۋ كەرەك. تەك الداعى وليمپيادا ويىندارىن عانا ەمەس, ودان كەيىنگى جاعدايدى دا ۇمىتۋعا بولمايدى. كەشە باكۋ تاتاميىندە كۇرەسكەن جاس بالۋاندار 2024 جىلعى پاريج وليمپياداسىنا دەيىن ءپىسىپ-جەتىلەتىن سپورتشىلار. ولاردى بۇگىننەن باستاپ دوداعا قوسىپ, ءىرى جارىستاردا سىناماساق, كەيىن كەش بولادى. سوندىقتان, جۇلدەسىز قالدىق دەپ قوبالجۋدىڭ قاجەتى جوق. ءبارى دە باقىلاۋدا.
ال ۇلتتىق قۇراما ۇزدىكتەرى ازيا چەمپيوناتىنان كەيىن دەرەۋ قىتايدىڭ حوحوت قالاسىندا وتەتىن الەمدىك گران-پري تۋرنيرىنە دايىندىقتى باستاپ كەتتتى.
تاپ وسى حوحوتتاعى تۋرنيردەن باستاپ ۇپاي بەرۋ جۇيەسى وزگەرەدى. ياعني, سپورتشىنىڭ جيعان ۇپايى 100 پايىز ەسەپكە الىنادى. دەمەك, توكيو وليمپياداسىنىڭ جولداماسى ءۇشىن ناعىز تارتىس ەندى باستالماق, - دەيدى ايدىن سماعۇلوۆ.
قىتايداعى باسەكەگە قاتىساتىن سپورتشىلار ءتىزىمى تومەندەگىدەي:
60 كەلى: ەلدوس سمەتوۆ, عۇسمان قىرعىزباەۆ
66 كەلى: ەرلان سەرىكجانوۆ, ەلدوس جۇماقانوۆ
73 كەلى: جانساي سماعۇلوۆ, سەرىك اقىلبەك
81 كەلى: ديدار حامزا, رۋسلان مۇساەۆ
90 كەلى: يسلام بوزباەۆ, ەرسۇلتان مۇزاپپاروۆ
100 كەلى: ايبەك سەرىكباەۆ, ءادىلحان قوزىباەۆ
+100 كەلى: ەراسىل قاجىباەۆ, عالىمجان قىرىقباي
حوحوتتاعى گران-پري ءتۋرنيرى 24-26 مامىر ارالىعىندا وتەدى. جارىسقا الەمنىڭ 47 مەملەكەتىنەن 419 سپورتشى قاتىسادى دەپ كۇتىلۋدە.
