بۇل سەلقوستىق پا, نە؟
بەيسەنبى, 30 مامىر 2013 2:47
جاقىندا وتانىمىزدىڭ بارلىق مەكتەپتەرىندە كۇمىس قوڭىراۋ سوعىلىپ, وقۋ جىلى مارەگە جەتتى. سول سوڭعى قوڭىراۋعا ارنالعان ەلورداداعى ءبىر ءبىلىم ورداسىنىڭ سالتاناتتى راسىمىنە قاتىسقان ەدىك. ول ەسىك الدىنداعى الاڭدا ءوتتى. تاپ-تازا كيىنگەن ۇلبىرەگەن ۇلدار مەن اق بانتيگى جەلبىرەگەن قىزعالداقتاي قىزدار ساپ تۇزەپ تۇردى. تاۋەلسىز وتانىمىزدىڭ ءانۇرانى ورىندالعاندا, وقۋشىلار وڭ قولدارىن كەۋدەسىنە قويىپ, جۇزدەرى بال-بۇل جانىپ اۋەنگە ىلەستى. ۇستازدار جانە اتا-انالاردىڭ ءبىر شوعىرى ولارعا قوسىلدى.
بەيسەنبى, 30 مامىر 2013 2:47
جاقىندا وتانىمىزدىڭ بارلىق مەكتەپتەرىندە كۇمىس قوڭىراۋ سوعىلىپ, وقۋ جىلى مارەگە جەتتى. سول سوڭعى قوڭىراۋعا ارنالعان ەلورداداعى ءبىر ءبىلىم ورداسىنىڭ سالتاناتتى راسىمىنە قاتىسقان ەدىك. ول ەسىك الدىنداعى الاڭدا ءوتتى. تاپ-تازا كيىنگەن ۇلبىرەگەن ۇلدار مەن اق بانتيگى جەلبىرەگەن قىزعالداقتاي قىزدار ساپ تۇزەپ تۇردى. تاۋەلسىز وتانىمىزدىڭ ءانۇرانى ورىندالعاندا, وقۋشىلار وڭ قولدارىن كەۋدەسىنە قويىپ, جۇزدەرى بال-بۇل جانىپ اۋەنگە ىلەستى. ۇستازدار جانە اتا-انالاردىڭ ءبىر شوعىرى ولارعا قوسىلدى.
ءبىزدى وكىندىرگەن ءبىر جاي, مەملەكەتىمىزدىڭ ءانۇرانى اسقاق ۇنمەن ايتىلعان تۇستا كەيبىر ازاماتتار, ونىڭ ىشىندە ءوزىمىزدىڭ قانداس باۋىرلارىمىز دا بار, ءمان بەرمەي, قولدارىن قۋسىرىنىپ, نە ارتىنا قايىرا ۇستاپ, ءتىپتى اڭگىمەلەرىن جالعاستىرا بەردى.
وسى ارادا تاعى ءبىر كورىنىستى ايتا كەتسەك دەيمىز. مەكتەپكە ءتيىپ تۇرعان كوشە بويىنداعى ماشينە يەلەرى جول ەرەجەسىن ساقتامادى دەپ, كولىك نومىرلەرىن شەشىپ الىپ, قولتىعىنا قىسىپ جۇرگەن ماي قىزمەتكەرى دە ءانۇران ايتىلىپ جاتقاندا, «قىزمەتىنەن» تانبادى. سوندا ول كولىك جۇرگىزۋشىلەردىڭ زاڭدى بۇزعانىن ءبىلىپ, ءانۇران ايتىلعاندا ءار ازامات بۇلجىتپاي ورىنداۋعا ءتيىس مىندەتتى بىلمەگەنى مە؟
مۇحيتتىڭ ارعى جاعىنداعى اقش جۇرتى, ءتۇبى ءبىر تۇركيالىق باۋىرلارىمىز مەملەكەتىنىڭ ءانۇرانى ايتىلعاندا, وعان كورسەتەتىن قۇرمەتتەرىنىڭ ەرەكشە ەكەنىنەن نەگە ساباق المايمىز؟ ءتۇركيالىق تۋىستارمەن تىلدەسسەڭىز, ءانۇراننىڭ ءسوزى قالاي قابىلدانعانىن كوزدەرىنە جاس الا وتىرىپ ەسكە تۇسىرەدى.
وسىنداي رۋحتىڭ كۇشتىلىگى ءبىزدىڭ سانامىزعا ءالى كۇنگە دەيىن نەگە ورنىقپايدى ەكەن دەگەن وي مازالايدى. مۇنىڭ ارعى جاعىندا كەشەگى بوداندىق زاماننىڭ قالدىق سىزىنان ارىلا قويماعان قۇلدىق قۇردىمى جاتىر ما؟ الدە كەڭ ەتەك قۇنىتسىزدىعىمىز جەلكەدەن تارتا بەرە مە؟
بۇل كەيبىرەۋلەر ءۇشىن جاي نارسەدەي كورىنەر. شىندىعىنا كەلگەندە, ءانۇرانىمىز – تورتكۇل دۇنيەگە ءۇنىمىزدى جەتكىزەتىن مەملەكەتىمىزدىڭ مەرەيلى ۇرانى ەمەس پە؟!
ءبىز ويلارى تازا, بويلارى كىرشىكسىز بۇگىنگى جاس ۇرپاققا مۇنى قازىر ۇعىندىرماساق, كۇنى ەرتەڭ ولار الگىندەي تىرلىگىمىزگە قاراپ, ءانۇران ايتىلعاندا سولاي تۇرا بەرسەك تە بولادى ەكەن عوي دەمەسىنە كىم كەپىلدىك بەرەدى؟ ءانۇران ەستىلگەندە قازاق ەلىنىڭ ءار ازاماتى, قايدا جۇرمەسىن, وڭ قولىن كەۋدەسىنە اپارىپ, ءبىر مينۋت تىكەسىنەن تىك تۇرسا, بۇل ەلدىگىمىزدى, ەلگە دەگەن سىيىمىزدى كورسەتەدى. الگى زاڭدىلىقتى قورعاپ جۇرگەن ماي قىزمەتكەرى جۇمىسىن ءبىر مينۋت توقتاتا تۇرىپ, وتانىنىڭ ءانۇرانى الدىنداعى پارىزىن وتەسە, شۇبىرىپ جاتقان وزگە قالا تۇرعىندارى دا وعان قاراپ بوي تۇزەرى كۇمانسىز. ەندەشە, ءبىز ءوزىمىز ءۇشىن ەمەس, وتان-اناسىن, ءانۇرانىن تىكەلەرىنەن تىك تۇرىپ سىيلاعان ۇرپاقتىڭ كىرشىكسىز ويىنا قىلاۋ تۇسىرمەۋدەگى ادالدىعىمىزدى, ازاماتتىعىمىزدى تانىتساق ۇتىلماس ەدىك. قاۋلاپ ءوسىپ كەلە جاتقان جاستارعا ەلدىك ءرامىزدەرىمىزدى قۇرمەتتەۋدى ءوزىمىز ۇلگى بولىپ ءۇيرەتسەك, ىزەت, ىلتيپاتىمىزبەن كورىنسەك, تاۋەلسىزدىگىمىز ماڭگىلىك ەل بولۋ يدەياسىنا ۇلاسا بەرمەك.
سۇلەيمەن مامەت,
«ەگەمەن قازاقستان».
