وقيعا
سەنبى, 25 مامىر 2013 2:40
ەكى كيلو سىناپ توگىلدى
وسكەمەن قالاسىندا مۇنىڭ الدىندا دا تۇرعىن ءۇيدىڭ اۋلاسىنا اسا قاۋىپتى سىناپتىڭ توگىلگەنى ءجونىندە سۋىت حابار تاراعان. ەندى اراعا ءبىر اي سالىپ ءوسكەمەندەگى كيروۆ كوشەسىندە قوقىس جاشىگىنىڭ جانىندا ەكى كيلوعا جۋىق سىناپتىڭ توگىلگەنى راستالدى.
سەنبى, 25 مامىر 2013 2:40
ەكى كيلو سىناپ توگىلدى
وسكەمەن قالاسىندا مۇنىڭ الدىندا دا تۇرعىن ءۇيدىڭ اۋلاسىنا اسا قاۋىپتى سىناپتىڭ توگىلگەنى ءجونىندە سۋىت حابار تاراعان. ەندى اراعا ءبىر اي سالىپ ءوسكەمەندەگى كيروۆ كوشەسىندە قوقىس جاشىگىنىڭ جانىندا ەكى كيلوعا جۋىق سىناپتىڭ توگىلگەنى راستالدى.
قۇتقارۋشى ماماندار سۋىت حاباردى ەستي سالىسىمەن جانۇشىرىپ جەتىپ, سۇيىق زاتتى دەرەۋ جيناپ الدى جانە پوليتسيا قىزمەتكەرلەرىنە تاپسىردى. ال سىناپ توگىلگەن جەردى پەرمانگانات كاليمەن زالالسىزداندىردى. ناتيجەسىندە ادامدار قاۋىپتى ۋلى زاتتان امان قالدى.
وڭداسىن ەلۋباي,
«ەگەمەن قازاقستان».
وسكەمەن.
_________________
8-ءشى قاباتتان قۇلاپ, امان قالدى
كورەر جارىقتارى, كەلەر كەلەشەكتەرى بار ەكەن. استانا قالاسىندا, ەسىلدىڭ سول جاعالاۋىندا بوي كوتەرىپ جاتقان «حيلتون» اتتى ەليتالى مەيمانحانانى سالىسىپ جۇرگەن ءۇش جىگىت سەگىزىنشى قاباتتان جەرگە قۇلاپ ءتۇسىپ, اۋپىرىممەن امان قالدى.
وسىلاي عاجايىپتىڭ عالاماتىمەن جاندارىن كەۋدەلەرىندە ساقتاپ قالعان ءۇش جىگىت تە سول بويدا ءارتۇرلى دەنە جاراقاتىمەن اۋرۋحاناعا جەتكىزىلدى. توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, بۇل وقىس وقيعا بەيسەنبى كۇنى ورىن العان. وسى كۇنى كۇندىز جىگىتتەر اتالمىش قوناقۇيدىڭ قاسبەتىندە جۇمىس جاساپ جاتقان. «ءۇيدىڭ 8-ءشى قاباتى تۇسىندا «بازيس فاساد» جشس-ىندا ەڭبەك ەتەتىن 1994 جىلى تۋعان ەكى جىگىت جانە 1993 جىلى تۋعان ءبىر جىگىت تۇرعان كوتەرگىش قۇرىلعى كەنەت جەرگە قاراي قۇلاپ تۇسكەن», – دەلىنگەن حابارلامادا.
قالاي دەگەندە دە, جاس جۇمىسشى جىگىتتەردى ءبىر قۇدىرەتتى كۇش ساقتاپ قالدى.
ساكەن مايلىباي.
