سپورت • 04 مامىر، 2019

مەرگەندەر ميۋنحەندە سايىسقا تۇسەدى

967 رەت كورسەتىلدى

21-23 مامىر ارالىعىندا گەرمانيانىڭ ميۋنحەن قالاسىندا نىسانا كوزدەۋدەن الەم كۋبوگىنىڭ كەزەڭدىك سايىسى وتەدى.

وليمپيادا ليتسەنزيالارى ساراپقا سالىناتىن جارىستا قازاقستاننىڭ تۋى استىندا يۋري يۋركوۆ، الەكساندرا مالينوۆسكايا، ەليزاۆەتا كورول، ۆيولەتتا ستاروستينا، ۆلاديمير يساچەنكو، يليا فەدين، الەكسەي كلەيمەنوۆ، راشيد يۋنۋسمەتوۆ، يرينا لوكتيونوۆا، يۋليا كومەندرا، ەلدار يمانقۇلوۆ جانە ەليزاۆەتا بەزرۋكوۆا سىندى سپورتشىلار ونەر كورسەتەدى.

ميۋنحەندەگى جارىستا العاشقى ەكى ورىندى يەلەنگەن مەرگەندەر توكيو وليمپيداسىندا كۇش سىناسۋ قۇرمەتىنە يە بولادى. ال ەگەر كوش باسىنان كورىنگەن سپورتشىلار بۇعان دەيىنگى دودالاردا جولدامانى قالتاعا باسقان بولسا، وندا ءۇشىنشى جانە ءتورتىنشى ساتىلارعا تابان تىرەگەن سپورتشىلار ءۇشىن دە وليمپيا ويىندارىنا قاتىسۋعا داڭعىل جول اشىلادى.

الەم كۋبوگىنىڭ كەزەڭدىك سايىسىنا تىڭعىلىقتى دايارلانۋ ماقساتىندا ولگا دوۆگۋن جاتتىقتىراتىن ۇلتتىق كوماندامىز سول ەلدىڭ گاننوۆەر قالاسىندا وتەتىن حالىقارالىق تۋرنيرگە قاتىسۋدى قۇپ كورىپ وتىر.

سوڭعى جاڭالىقتار

الماتى ماڭىندا جەر سىلكىندى

ايماقتار • بۇگىن، 10:02

جاس تەننيسشىلەرمەن كەزدەسۋ

تەننيس • بۇگىن، 07:47

جاس عالىمنىڭ جەتىستىگى

عىلىم • بۇگىن، 07:43

ۇقساس جاڭالىقتار