نۇر-سۇلتان قالاسىندا بىرنەشە جىلدان بەرى ۆەلوسيپەدتەردى اۆتوماتتى جالعا بەرۋ جۇيەسى جۇمىس ىستەيدى. Astana Bike اقپاراتى بويىنشا, جوبانىڭ ماڭىزدى ماقساتتارىنىڭ ءبىرى – قالا تۇرعىندارى مەن تۋريستەرگە قوزعالىس ءۇشىن قولجەتىمدى كولىك ۇسىنۋ.
1 مامىردان باستاپ Astana Bike جوباسى التىنشى ۆەلوماۋسىمدى ىسكە قوستى. تۇراقتى پايدالانۋشىلاردىڭ كوپتەگەن وتىنىشتەرى بويىنشا قوسىمشا تاريفتىك جوسپارلار ازىرلەندى. ەندى ابونەمەنتتى ءبىر ايعا, ءۇش ايعا جانە ءبىر جىلعا ساتىپ الۋعا بولادى. 1 اي - 2 500 تەڭگە; 3 اي (توقساندىق) - 6 000 تەڭگە;
1 جىل - 10 000 تەڭگە. وزگەرىستەر سونداي-اق SMS تاريفتەرىنە دە قاتىستى. 1 كۇن (تاۋلىك) - 3 500 تەڭگە; 3 كۇن - 9 000 تەڭگە; 7 كۇن/اپتا - 17 500 تەڭگە.
«كارتوچكالىق تاريفتەردىڭ يكەمدى جۇيەسى قالا تۇرعىندارىنا ابونەنتتەردى بەلگىلى ءبىر مەرزىمدەرگە عانا ساتىپ الۋعا مۇمكىندىك بەرەدى.
SMS-قولجەتىمدىلىك ءتاريفى نۇر-سۇلتان قالاسىنا كونفەرەنتسيالار, كورمەلەر مەن دەمالۋعا كەلگەن ادامدار ءۇشىن ىڭعايلى بولادى», – دەيدى قوعامدىق قوردىڭ اتقارۋشى ديرەكتورى الماگۇل قاسىموۆا.
