ونىڭ العاشقى لەگى, اتاپ ايتقاندا, 6 ميلليون سيگ تۇقىمداس بالىقتىڭ دەرناسىلدەرى ەسىل وزەنىنە بوساتىلدى. ولار ۋىلدىرىق تۇرىندە اكەلىنىپ, جارتى جىل بويى «ۆەيسا» اپپاراتتارى ارقىلى ينكۋباتسيالىق تسەحتا ءوسىرىلىپتى. پەتروپاۆل بالىق پيتومنيگىنىڭ ديرەكتورى ەرجان جۇماباەۆتىڭ سوزىنە قاراعاندا, بۇل ماقسات ءۇشىن رەسپۋبليكالىق قازىنادان 42 ميلليون تەڭگە بولىنگەن. تاسىمالداۋعا ارنالعان 59 پوليەتيلەندى پاكەتتەردىڭ ارقايسىسىنا 100 مىڭداي شاباق سالىنىپ, وتتەگىمەن تولتىرىلىپ, بارلىق ءۇردىس ارنايى قۇرىلعان كوميسسيانىڭ باقىلاۋىندا بولعان.
«ستاتيستيكا بويىنشا بالىق پيتومنيگىندە وسىرىلگەن دەرناسىلدەردىڭ 30 پروتسەنتى عانا امان قالادى ەكەن. تابيعي ورتا ءۇشىن دا بۇل قالىپتى كورسەتكىش دەيدى» دەيدى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ ءبولىم جەتەكشىسى ەرلان ءتاشىموۆ.
ال قىركۇيەك ايىنىڭ سوڭىندا پەتروپاۆل بالىق پيتومنيگىنىڭ قىزمەتكەرلەرى ەسىل وزەنىنىڭ سۋ قويمالارىنا تۇقى شاباقتارىن جىبەرۋدى باستايدى. مەملەكەتتىك تاپسىرىس – 1 ميلليون 66 مىڭ.
بۇدان تىسقارى كولدەردى جالعا العان كاسىپكەرلەردىڭ سۇرانىستارى جانە بار.
