«قاسىم-جومارت توقاەۆتىڭ پرەزيدەنتتىك وكىلەتتىگىن توقتاتۋىنا قاتىستى ايتار بولسام, زاڭدا مۇنداي تالاپ جوق. دەمەك, قاسىم-جومارت توقاەۆ ەلىمىزدىڭ زاڭناماسىنا سايكەس قازاقستاننىڭ پرەزيدەنتى قىزمەتىن تولىقتاي اتقارا بەرەدى. ەگەر ول ۇگىت-ناسيحات شارالارىنا قاتىساتىن بولسا, وندا مۇنداي ارەكەتتەردىڭ بارلىعى زاڭعا سايكەس قاتاڭ جۇزەگە اسىرىلۋى ءتيىس. ياعني, ۇگىت-ناسيحات جۇرگىزىلەتىن ورىن زاڭدى تۇردە راسىمدەلۋى قاجەت. قوعامدىق شتاب پەن شارا وتەتىن ورىندى ۇسىناتىن زاڭدى تۇلعا اراسىندا كەلىسىمشارت بولۋى كەرەك. تولەم جاسالۋى ءتيىس», - دەدى ماۋلەن اشىمباەۆ.
سونىمەن قاتار ول پرەزيدەنتتىككە كانديدات قاسىم-جومارت كەمەل ۇلىن قولداعان 315 مىڭ قول جينالعانىن جەتكىزدى.
«بۇل قولدار قازاقستاننىڭ بارلىق وبلىستارىنان, وڭىرلەردەن جينالدى. بۇل جۇمىسقا قاسىم-جومارت كەمەل ۇلىنىڭ سەنىمدى وكىلدەرى قاتىستى. بىرنەشە مىڭ سەنىمدى وكىل تىركەلىپ, وسى جۇمىستىڭ باسى-اياعىندا ءجۇردى. سوندىقتان بۇل قولداردى ءبىر-ەكى وبلىستا ەمەس, بۇكىل ەل وڭىرلەرىنەن جينالدى دەپ ايتۋعا تولىق نەگىز بار. وسى رەتتە نەگە مۇنان دا كوپ ەمەس دەگەن سۇراققا كەلەر بولساق, كانديداتىمىز ءبىزدىڭ الدىمىزعا ونداي ماقسات قويمادى. ونداي ماقساتتىڭ كەرەگى دە جوق شىعار. جالپى, بۇل جەردە نەگىزگى ماسەلە زاڭدا كورسەتىلگەن تالاپتان بىرنەشە ەسە قول جينالدى. ول تىركەۋگە جەتكىلىكتى. ەكىنشىدەن, وسىنشاما ازاماتتىڭ قول قويۋىنان ءبىزدىڭ كانديداتىمىزدىڭ سايلاۋعا قاتىسۋىن حالىق قولداپ وتىر دەپ تە قورىتىندى جاساي الامىز», - دەدى ول.
