ەركەكتەر يتتىك جاسادى
بەيسەنبى, 4 ءساۋىر 2013 2:03
وقيعا ماڭعىستاۋ وبلىسىنىڭ قاراقيا اۋدانىنا قاراستى جەتىباي اۋىلىندا ورىن الدى. كەشكى ساعات 8-دەر شاماسىندا اكەسى دۇكەننەن مينەرالدى سۋ الىپ كەل دەپ جۇمساعان 15 جاسار قىزدى جولدان الدەكىمدەر كۇشتەپ كولىككە وتىرعىزادى. قورقىپ ايقايلاعان قىزدىڭ الدىمەن قالتاسىنان ازىن-اۋلاق اقشاسىن الىپ, ءوزىن اياقتالماعان قۇرىلىس عيماراتىنا الىپ كەلەدى. قۇرىلىس ىشىندە جاس قىزدى زورلاپ, ۇرىپ-سوعىپ, دەنەسىنە تەمەكى كۇيدىرىپ باسىپ, بىلگەندەرىن جاسايدى.
بەيسەنبى, 4 ءساۋىر 2013 2:03
وقيعا ماڭعىستاۋ وبلىسىنىڭ قاراقيا اۋدانىنا قاراستى جەتىباي اۋىلىندا ورىن الدى. كەشكى ساعات 8-دەر شاماسىندا اكەسى دۇكەننەن مينەرالدى سۋ الىپ كەل دەپ جۇمساعان 15 جاسار قىزدى جولدان الدەكىمدەر كۇشتەپ كولىككە وتىرعىزادى. قورقىپ ايقايلاعان قىزدىڭ الدىمەن قالتاسىنان ازىن-اۋلاق اقشاسىن الىپ, ءوزىن اياقتالماعان قۇرىلىس عيماراتىنا الىپ كەلەدى. قۇرىلىس ىشىندە جاس قىزدى زورلاپ, ۇرىپ-سوعىپ, دەنەسىنە تەمەكى كۇيدىرىپ باسىپ, بىلگەندەرىن جاسايدى.
كولىك ىشىندەگى تورتەۋ كەيىننەن «جاس ءيىس» بار دەپ بەسىنشىسىن شاقىرىپ, قىزدى ەرتەڭگى ساعات 10-عا دەيىن اۋرەلەيدى. ماڭعىستاۋ وبلىستىق ءىىد تەرگەۋ باسقارماسى باستىعىنىڭ ورىنباسارى, پوليتسيا كاپيتانى ا.وماروۆتىڭ ايتۋىنشا, جەلىككەندەر البىرتتىققا بوي الدىردى دەيتىن جاستار ەمەس, كىشىسى 24, ۇلكەنى 31 جاستاعى كىسىلەر ەكەن. ءتىپتى, شاقىرتۋمەن كەلگەن بەسىنشى قىلمىسكەر 45 جاستاعى قىرما ساقال دەگەن سىبىس بار. ءۇيلى-كۇيلى, بالالى-شاعالى بۇلاردىڭ بىرقاتارى ايتۋلى مۇناي كومپانياسىندا جۇمىس جاسايتىن بولىپ شىقتى. قىلمىسكەرلەردىڭ قولىنان امان قالعان قىز ۇيىنە كەلىپ, ءمان-جايدى اتا-اناسىنا باياندايدى. قۇقىق قورعاۋشىلار كوپ ۇزاماي-اق قولعا تۇسىرگەن كۇدىكتىلەردى قىز اينىتپاي تانىعاندىقتان, ءتيىستى ورىندار تەرگەۋ امالدارىن جۇرگىزۋدە. جاساعان قىلمىستارى ءۇشىن ەندى ولار 8 جىلدان 15 جىلعا دەيىن اباقتىنىڭ ارجاعىن مەكەن ەتۋى مۇمكىن.
قازاقى باۋىرمالدىقتىڭ, يماندىلىقتىڭ ۇياسى سانالاتىن اۋىلدا ورىن العان بۇل وقيعا تالاي جاننىڭ جانىن ءتۇرشىكتىرىپ وتىر. اسىلى, «تاماعى توقتىق, قايعىسى جوقتىق, ازدىرار ادام بالاسىن» دەگەن وسى بولسا كەرەك.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
