ەكىنشى دۇنيەجۇزىلىك سوعىس ارداگەرىن تۋعان كۇنىمەن قۇتتىقتاۋعا سولتۇستىكقازاقستاندىق پوليتسيا وكىلدەرى ارنايى كەلىپ, زور قۇرمەت كورسەتتى.
دجۋرا كوبەلەۆ 1917 جىلى وزبەكستاندا كوپبالالى شارۋا وتباسىندا دۇنيەگە كەلگەن. قىزىل اسكەر قاتارىنا شاقىرىلىپ, ستالينگراد ماڭىنداعى قاندى ۇرىستارعا قاتىسقان. كەسكىلەسكەن شايقاستاردىڭ بىرىندە اۋىر جاراقات الىپ, قازاقستاندا ەمدەلگەن. سوعىستان كەيىن مايدانگەر سانالى عۇمىرىن ىشكى ىستەر ورگاندارىنا قىزمەت ەتۋگە باعىتتاپ, زەينەتكە دەيىن ءتۇرلى لاۋازىمداردا ابىرويمەن ەڭبەك ەتتى.
مايدانگەرگە پوليتسيا دەپارتامەنتى باستىعىنىڭ ورىنباسارى قاپەز داۋلەتباەۆ, قالالىق پوليتسيا باسقارماسىنىڭ باستىعى جاندوس مۇقاتوۆ, ارداگەرلەر كەڭەسىنىڭ توراعاسى سەرعازى جۇماعۇلوۆ جىلى لەبىزدەرىن ارناپ, سىي-سياپاتتارىن ۇسىندى.
قادىرمەندى اقساقال وبلىس جۇرتشىلىعىن الدا كەلە جاتقان جەڭىس مەرەكەسىمەن قۇتتىقتاپ, ەلىمىزگە تىنىشتىق, بىرلىك تىلەدى.
