جالپى قۇنى 40 ميلليون تەڭگەنى قۇراعان نىسان جامبىل وبلىسى, سارىسۋ اۋدانىنىڭ جانە تۇركىستان وبلىسىنىڭ, سونىمەن قاتار تۇركىستان وبلىسى, سايرام اۋدانىنىڭ قۇرمەتتى ازاماتى كەڭەسبەك ەگىزباەۆتىڭ دەمەۋشىلىگىمەن سالىنىپ وتىر. كەڭەسبەك اقساقال سارىسۋ اۋدانىندا تۋىپ, سوندا ەرجەتكەن ازامات. تۋعان جەرىنە كەلىپ تۋ تىككەن ازامات حالىقپەن جۇزدەسىپ, كوپتىڭ ريزاشىلىعىنا بولەندى.
اللەيا زاماناۋي ۇلگىدە سالىنعان. اللەيا ىشىندە ورىندىقتار, جازدىق ساحنا, اۋدانعا ەڭبەگى سىڭگەن ارداگەرلەردىڭ اتى-جوندەرى جازىلعان مەموريالدى تاقتا جانە تۇنگى شامدار ورناتىلىپ, 107 مەترلىك قۇبىرلى قۇدىق قازىلعان. سونىمەن قاتار, جاسىل جەلەكتەردى سۋارۋعا ارنالعان بۇركىپ شاشاتىن سۋ جۇيەلەرى دە ورناتىلعان. سونداي-اق, اللەيا ىشىنە جالپى كولەمى 1335 شارشى مەترلىك جۇرگىنشىلەر جولاقتارى مەن ورتالىق الاڭشاعا جاساندى توسەمەلەر توسەلگەن. اللەيانىڭ جاسىل الاڭى 3700 شارشى مەتردى قۇرايدى. ال, ونىڭ بەس جاعىنان ساپاسى جوعارى بەينە-باقىلاۋ قۇرىلعىسى ورناتىلعان. «قۇرمەتتى ازاماتتار» اللەياسىنىڭ اشىلۋ سالتاناتىنا الماتى, جامبىل جانە تۇركىستان وبلىستارىمەن قاتار, الماتى, شىمكەنت, تاراز, قاراتاۋ قالالارىنان زيالى قاۋىم وكىلدەرى مەن مەكەمە-كاسىپورىن باسشىلارى قاتىسىپ, جاقسى باستاماعا يگى تىلەكتەرىن جەتكىزدى. شارا بارىسىندا اۋىل تۇرعىندارى قازاقى سالتپەن كەڭەسبەك ەگىزباەۆتىڭ يىعىنا شاپان جاۋىپ, استىنا ات مىنگىزدى. سونىمەن قاتار, جينالعان كوپشىلىك اۋداندىق مادەنيەت ءۇيىنىڭ شىعارماشىلىق توبى دايىنداعان كونتسەرتتىك باعدارلامانى تاماشالاپ, اللەيانىڭ ءىشىن ارالاپ كوردى.
جامبىل وبلىسى
