اتىراۋدا قازاقستان حالىقتارى بىرلىگى كۇنىنە ارنالعان مەرەكەلىك شارالار باستالدى. سۇلتان بەيبارىس الاڭىنداعى كونتسەرتتىك باعدارلاما مىڭنان استام كورەرمەندى جينادى. مەرەكە قوناقتارى ءۇشىن جەرگىلىكتى 500-گە جۋىق ءارتىس ونەر كورسەتتى.
اتىراۋ وبلىسىنىڭ اكىمى نۇرلان نوعاەۆ قۇتتىقتاۋ سوزىندە ەل اۋماعىندا ءومىر ءسۇرىپ جاتقان ۇلتتار مەن ۇلىستاردىڭ بىرلىگى مەن كەلىسىمى ارقاسىندا قازاقستاندا بەيبىتشىلىك سالتانات قۇرىپ تۇرعانىن اتاپ ءوتتى.
- قازاقستاندا 130, ءبىزدىڭ وبلىستا 20-دان استام ۇلت پەن ۇلىستىڭ وكىلى تۇرادى. ۇلتارالىق تاتۋلىق پەن كەلىسىمنىڭ ارقاسىندا قازاقستان بۇكىل الەمگە دىنارالىق, كونفەسسياارالىق ساياساتى جوعارى دامىعان ەل رەتىندە بەلگىلى بولىپ وتىر. وسى ۇلگى مەن تاجىريبەنى بولاشاق قازاقستاندىقتارعا اماناتتاۋىمىز كەرەك,-دەدى ءوڭىر تۇرعىندارىنا نۇرلان نوعاەۆ.
مەرەكەلىك شارالار قر ۇلتتىق گۆاردياسى ءانسامبلىنىڭ كونتسەرتىمەن جالعاستى. بۇگىن ساعات 20.00-دە اتىراۋ تۇرعىندارى مەن قوناقتارى ءۇشىن ايماقتاعى شىعارماشىلىق ۇجىمدار مەرەكەلىك كونتسەرتتىك باعدارلاما ۇسىنادى.
اتىراۋ
