ۇلتتىق قۇراماداعى تاجىريبەلى سپورتشى, الەم چەمپيوناتىنىڭ قولا جۇلدەگەرى نيكولاي چەبوتكو باس كوماندا قاتارىندا جوق. سونداي-اق, الەم چەمپيوناتىنىڭ قولا جۇلدەگەرى الەكسەي پولتورانين, سپورت شەبەرى انگەلينا شۋرىگا مەن مارينا ماتروسوۆا, يرينا بىكوۆا مەن انجەليكا تاراسوۆا جانە حالىقارالىق دارەجەدەگى سپورت شەبەرى ەلەنا كولومينا ۇلتتىق قۇراماعا قابىلدانعان جوق.
«جاڭا ماۋسىمدا كوماندادان 6 سپورتشى كەتتى. نيكولاي چەبوتكو سپورتتاعى مانسابىن اياقتاسا, پولتورانين حالىقارالىق شاڭعى فەدەراتسياسىنىڭ شەشىمىمەن جارىستاردان ۋاقىتشا شەتتەتىلدى. بالا كۇتىمىنە بايلانىستى دەمالىستا وتىرعان ولگا ماندريكا قاتارعا قوسىلدى. ال قالعان قىزدارىمىز وتكەن ماۋسىندا العا قويىلعان ماقساتتى ورىنداي المادى. سوندىقتان, كوپ شىعىندالماۋدى ءجون دەپ تاۋىپ, كوماندا قۇرامىن قىسقارتتىق», - دەيدى شاڭعى جارىسى تۇرلەرىنەن ۇلتتىق فەدەراتسياسىنىڭ باس حاتشىسى اندرەي نەۆزوروۆ.
الداعى ماۋسىمدا سىنعا تۇسەتىن شاڭعىشىلار:
1. ولجاس كليمين
2. ۆيتالي پۋحكالو
3. دەنيس ۆولوتكا
4. ەۆگەني ۆەليچكو
5. كونستانتين بورتسوۆ
6. نايل باشماكوۆ
7. اسەت ديۋسەنوۆ
8. يۆان ليۋفت
9. داۋلەت راحيمباەۆ
10.ۆالەريا تيۋلەنەۆا
11. اننا شەۆچەنكو
12. داريا رياجكو
13. ەلميرا مۋتاگاروۆا
14. ولگا ماندريكا
15. كسەنيا شالىگينا
