«ازيا چەمپيوناتىندا جىگىتتەر جارادى. قورجىنىمىزدا التى التىن مەدال بار. جالپى ەسەپتە ءبىرىنشى ورىن يەلەدىك. كاسىبي سپورتشىلارىمىز مۇمكىن بولعان ءۇش التىننىڭ بارلىعىن يەلەنسە, 23 جاسقا دەيىنگى جاستار ءبىر التىن, كۇمىس جانە قولا يەلەندى. بۇل كەرەمەت ناتيجە, ءوز ويلاعىنىمىزدى تولىعىمەن جۇزەگە اسىردىق», - دەيدى باس باپكەر.
«ءبىز ءۇشىن ءاربىر جارىستىڭ ورنى ءبىر بولەك. بىرىنشىدەن, قۇرلىق چەمپيوناتىندا 555 رەيتينگىلىك ۇپاي جينادىق. ەكىنشىدەن, ازيا چەمپيوناتى ليتسەنزيالىق تۋرنيرلەر ساناتىندا ەكەنىن ۇمىتپاۋ كەرەك. ءبىز ءبىر جولداما يەلەنىپ ۇلگەردىك. قازان ايىندا ۇپايلار تولىعىمەن ەسەپتەلەدى, سول كەزدە قانشا جولداما العانىمىز انىق بولماق. سونداي-اق, 2020 جىلعى توكيو وليمپياداسىنا ءبىزدىڭ ەلدەن كىم باراتىنىن انىقتايمىز», - دەيدى بازاەۆ.
