دالادا قالدىق قاڭعىرىپ
سەنبى, 26 قاڭتار 2013 7:09
ۇلىم ەرعالي كاسىبىن ودان ءارى دامىتۋ ءۇشىن 2007 جىلى «بانكتسەنتركرەديتتىڭ» پاۆلودار قالاسىنداعى فيليالىنان ايەلى ا.كومەكوۆانىڭ اتىنداعى 4 بولمەلى پاتەردى كەپىلگە قويىپ 4.995.000 تەڭگە, سوسىن پاۆلودار قالاسىنداعى مەنىڭ يەلىگىمدەگى وندىرىستىك بازانى كەپىلگە قويىپ 10.000.000 تەڭگە نەسيە الادى. بىراق جاعدايعا بايلانىستى قاراجات تاۋسىلىپ, ارتىنشا نەبارى 2 اي نەسيەنىڭ تولەنبەي قالعانىن سىلتاۋراتىپ, بانك ە.تورەگەلديەۆتەن نەگىزگى قارىزدىڭ قالدىعى 14.628.454 تەڭگە جانە 426.071 تەڭگە سوت شىعىنىن ءوندىرۋ ءۇشىن 2008 جىلدىڭ 27 مامىر كۇنى پاۆلودار قالالىق ازاماتتىق ىستەر جونىندەگى سوتقا تالاپ ارىز تۇسىرەدى.
سەنبى, 26 قاڭتار 2013 7:09
ۇلىم ەرعالي كاسىبىن ودان ءارى دامىتۋ ءۇشىن 2007 جىلى «بانكتسەنتركرەديتتىڭ» پاۆلودار قالاسىنداعى فيليالىنان ايەلى ا.كومەكوۆانىڭ اتىنداعى 4 بولمەلى پاتەردى كەپىلگە قويىپ 4.995.000 تەڭگە, سوسىن پاۆلودار قالاسىنداعى مەنىڭ يەلىگىمدەگى وندىرىستىك بازانى كەپىلگە قويىپ 10.000.000 تەڭگە نەسيە الادى. بىراق جاعدايعا بايلانىستى قاراجات تاۋسىلىپ, ارتىنشا نەبارى 2 اي نەسيەنىڭ تولەنبەي قالعانىن سىلتاۋراتىپ, بانك ە.تورەگەلديەۆتەن نەگىزگى قارىزدىڭ قالدىعى 14.628.454 تەڭگە جانە 426.071 تەڭگە سوت شىعىنىن ءوندىرۋ ءۇشىن 2008 جىلدىڭ 27 مامىر كۇنى پاۆلودار قالالىق ازاماتتىق ىستەر جونىندەگى سوتقا تالاپ ارىز تۇسىرەدى.
سوت 2008 جىلدىڭ 4 تامىز كۇنى بانكتىڭ پايداسىنا جاۋاپكەردەن بارلىعى 16.816.353 تەڭگە وندىرۋگە شەشىم شىعارادى دا, ا.كومەكوۆانىڭ كەپىلگە قويىلعان 4 بولمەلى پاتەرىن 4.923.660 تەڭگەگە, ال وندىرىستىك بازانى 20.475.207 تەڭگەگە باعالايدى.
ولار 2009 جىلدىڭ 26 تامىزى مەن 30 قىركۇيەگىندە ەش ەسكەرتۋسىز ەكى رەت اعىلشىندىق ادىسپەن 4 بولمەلى پاتەر مەن وندىرىستىك بازانى ساتۋعا اۋكتسيونعا شىعارادى. بىراق ساتىپ الۋشىلاردىڭ جوقتىعىنان م ۇلىكتەر ساتىلماي, وعان ارنايى حاتتاما تولتىرىلادى. سودان 2009 جىلدىڭ 8 قازانى كۇنى پاۆلودار وبلىستىق سوت اكىمشىلىگىنىڭ پاۆلودار قالالىق 1-ءشى اۋماقتىق ءبولىمىنىڭ باستىعى بانككە وسى م ۇلىكتەردى 20 پايىزدىق تومەندەتىلگەن باعامەن ءوز بالانسىنا قابىلداۋىنا ۇسىنىس جاسايدى. بىراق «بتسك» 23.02.2010 جىلعى بەرگەن جازباشا جاۋابىندا بۇل ۇسىنىستان باس تارتادى. دەمەك, زاڭ بويىنشا, اعىلشىندىق جانە گوللاندىق ادىسپەن ساتىلماسا جانە بانك ءوز بالانسىنا الۋدان باس تارتسا, وندا قارىزدى ءوزى جابۋ ءۇشىن م ۇلىكتەر تۇتقىننان شىعارىلماي يەسىنە قايتارىلۋى ءتيىس ەدى. بىراق, بۇل تالاپتار ورىندالماي, 2010 جىلدىڭ 14 ءساۋىر كۇنى 3-ءشى رەت م ۇلىكتەر گوللاندىق ادىسپەن ساتۋعا اۋكتسيونعا قويىلادى. وندا ا.كومەكوۆانىڭ مەنشىگىندەگى 4 بولمەلى پاتەر باستاپقى باعا 4.923.000 تەڭگە ورنىنا 16-شى جۇرىستە 2.560.000 تەڭگەگە ساتىلىپ كەتەدى دە, وندىرىستىك بازا ساتىپ الۋشىنىڭ جوقتىعىنان قالىپ قويادى. ءسويتىپ بۇل وندىرىستىك بازا 2 رەت اعىلشىندىق,1 رەت گوللاندىق ادىسپەن ساتىلىمعا قويىلعانمەن وتپەي قالدى دەگەن ءسوز. ەندى زاڭ بويىنشا, وندىرىستىك بازا قارىزدى تولىعىمەن وتەۋ ءۇشىن ماعان قايتارىلۋى كەرەك ەدى. بىراق ولار كەپىلدىك قۇنى 28.657.020 تەڭگەگە باعالانعان وندىرىستىك بازانىڭ قولدان شىعىپ بارا جاتقانىن بايقاپ, 2010 جىلدىڭ 13 ءساۋىرى كۇنى «بتسك» ءۇش ادرەساتقا – پاۆلودار وبلىستىق سوتتار اكىمشىسىنە پاۆلودار قالالىق 1 اۋماقتىق ءبولىمىنىڭ باستىعىنا جانە «بي-لوگيستيكس» اق فيليالىنىڭ ديرەكتورىنا حات جولداعان بولىپ, 2010 جىلدىڭ 14 ءساۋىر كۇنگى تاڭعى ساعات 10-عا بەلگىلەنگەن اۋكتسيونعا وندىرىستىك بازانى شىعارماۋعا ءوتىنىش بىلدىرەدى. بۇلاي ەتۋگە ەشبىر زاڭدى سەبەپ-سالدارى كورسەتىلمەيدى جانە البەتتە كەرەك ەتىلەتىن ەشقانداي كرەديتتىك كوميسسيانىڭ شەشىمى بولمايدى. اۋكتسيون 2010 جىلدىڭ 14 ساۋىرىندە تاڭعى ساعات 10-عا بەلگىلەنگەندىكتەن, زاڭ بويىنشا, 13 ءساۋىر كۇنى قانداي دا ءبىر ءوتىنىش بەرۋ توقتاتىلىپ, قابىلدانباۋى كەرەك ەدى. سونىمەن بىرگە, ءىس ماتەريالدارىندا بانكتەن كەلگەن بۇل حاتتىڭ پاۆلودار قالالىق اۋماقتىق بولىمىندە اۋكتسيون ءوتىپ كەتكەننەن كەيىن 2010 جىلدىڭ 16 ءساۋىرى كۇنى تىركەلگەنى تايعا تاڭبا باسقانداي بادىرايىپ تۇر. بۇل قاۋلى ءتيىستى ادامدارعا, ياعني بىزگە حابارلانبايدى جانە مەرزىمدى زاڭدى ۋاقىتىندا قارسىلىق ارىز جازۋىمىزعا مۇمكىندىك بەرمەيدى. ارادا تەك 17 كۇن ءوتىپ كەتكەسىن, 2010 جىلعى 30 ساۋىردە ونى قولىمىزعا تاپسىرادى. باسقا ەشقانداي قوسىمشا قۇجاتتار بولمايدى. بۇعان ەرەكشە توقتالىپ وتىرعانىم, كەيىننەن سوت پروتسەسى كەزىندە وسى 14.04.2010 ج. جاسالعان نەگىزگى حاتتاماعا 15.04.2010 ج. جاسالعان قوسىمشا حاتتاما دەگەن پايدا بولدى. سونىمەن ويدا جوقتا, اۋكتسيوننىڭ قاي كۇنى بولاتىنى بىزگە حابارلانباي, 2010 جىلدىڭ 25 تامىزىندا ەش ەسكەرتۋسىز, مەنىڭ جانە بورىشكەر ۇلىمنىڭ قاتىسۋىنسىز وندىرىستىك بازا 2-ءشى رەت گوللاندىق ادىسپەن 9-شى جۇرىستە 11.261.358 تەڭگەگە ساتىلادى. ياعني, اۋكتسيوننىڭ وتكىزىلگەنى كۇماندى بولىپ تۇر. ويتكەنى, حاتتامادا وندىرىستىك بازا مەنىڭ ەمەس, ۇلىم ە.تورەگەلديەۆ پەن ا.كومەكوۆانىڭ جەكە مەنشىك مۇلكى دەپ كورسەتىلەدى. اۋكتسيون شىنىمەن ءوتكىزىلگەندە بۇل ولقىلىقتارعا جول بەرىلمەس ەدى. سودان سوت ورىنداۋشىسى بانك قىزمەتكەرلەرىن ەرتىپ, ماعان اۋىزشا نە جازباشا حابارلاما جاساماي, 2010 جىلدىڭ 20 قىركۇيەك كۇنى بازانىڭ قۇلپىن سىندىرىپ اشىپ كىرەدى, قويمادا قالعان زاتتارىمنىڭ تاعدىرى ءالى كۇنگە بەلگىسىز. ال ۇلىم 7 بىردەي, شيەتتەي بالا-شاعاسىمەن پاتەر جالداپ, كوشەدە قاڭعىپ ءجۇر. ماعان ەندى كىم جاردەم بەرە الادى؟ قۇقىق قورعاۋ ورگاندارى قول ۇشىن سوزا ما؟ ازاماتتىڭ جاعدايىن ەمەس, پايدانى عانا ويلاپ, ءبىر وتباسىن ءۇيسىز-كۇيسىز قالدىرعان بانكيرلەرگە باسۋ ايتار كىم بار؟..
تۇڭعىشباي تورەگەلديەۆ.
پاۆلودار.
