«بوگەما» – ناعىز ماحاببات داستانى

«بوگەما» – سىرعا تولى دراما ورىن الاتىن ليريكالىق وپە­را. وتكەن اپتادا ەلوردا ءتو­رىن ونەردىڭ عاجايىپ مەيرا­مى­نا اينالدىرعان ايتۋلى شى­عارما وپەرانىڭ التىن قو­رىنا «مادام باتتەرفلياي»، «تۋ­ران­دوت» سىندى تەڭدەسسىز تۋىن­دى­لار سالعان يتاليالىق كوم­پو­زيتوردىڭ كەزەكتى كلاسسيكاسى. مۋ­زىكاتانۋشىلاردىڭ سوزىنشە، «بوگەمانىڭ» مۋزىكاسى سازدى ءارى ەلىكتىرەتىن اۋەنگە قانىق. وركەسترلىك پارتيالاردىڭ اسەرلى سان الۋاندىعى، ەكپىندى قارقىنى ءان سالۋ مانەرلىلىگىن ايقىنداي تۇسەدى ەكەن. سوندىقتان بولسا كەرەك، كەزەكتى پرەمەراعا «اس­­تانا وپەرانىڭ» ەڭ ۇزدىك سو­ليس­تەرى ىرىكتەلىپ الىندى. قوس قۇ­رامدا ونەر كورسەتكەن ءارتىس­تەر ساحنادا كاسىبيلىكتىڭ ۇزدىك ۇلگىسىن پاش ەتتى. ميمي پار­تياسى – ماريا مۋدرياك پەن ماي­را مۇحامەدقىزىنىڭ ساراپ­­تاۋىندا ساحناعا شىقسا، رۋدولف – مەدەت شوتاباەۆ، جان تاپين، مارسەل – سۇندەت باي­عوجين، تالعات مۇساباەۆ، كول­لەن – تايىر ءتاجى­عۇلوۆ، بو­لات ەسىمحانوۆ، شونار – ان­درەي بوريسەنكو، ەرجان سايپوۆ، ميۋ­زەتتا – سالتانات احمەتوۆا، الفيا كاريموۆا، التسيندور – ار­مين بابايان، تايىر تاجىعۇلوۆ، بەنۋا – تال­عات عالەەۆ، ماعجان امان­جو­لوۆ، پار­پينول – بەيىم­بەت تا­ڭا­رىقوۆ، رامزات بالاكيشيەۆ، سەر­جانت – سامات جارىلقاسىنوۆ، باقتيار وماروۆتىڭ ورىنداۋىندا كورەرمەنىن قۋانتتى.

– جاقىندا عانا ءوزىم باس پارتيالاردىڭ ءبىرىن سومداعان دج.ءروسسينيدىڭ «جىبەك ساتى» وپەراسى پرەمەراسىنىڭ وتۋىنە بايلانىستى، «بوگەمانى» وتە قىسقا مەرزىمدە ءسىڭىرىپ، ساراپ­تاۋعا تۋرا كەلدى. «جىبەك ساتى» مەن «بو­گەما» تۇساۋكەسەرلەرىنىڭ ارا­سى 10 كۇن­نەن ءسال اسادى ەكەن. سوعان قاراماستان، قارقىندى جۇمىس ىستەدىك. قيىن بولسا دا، ماعان بۇل پرو­تسەسس وتە قاتتى ۇنا­دى. ءاسى­رەسە كلاسسيكانىڭ ءانشىنىڭ كە­مەل­دەنىپ، كاسىبي شىڭ­دالۋىنا بەرەر پايداسى مول. وسى تۇرعىدان كەلگەندە، يتا­ليادان ارنايى شا­قى­رىل­عان رەجيسسەر اندرەا بەر­نارد مىرزامەن جۇمىس ىستەۋ ءبىز ءۇشىن ۇلكەن مەكتەپ بولدى دەسەك، ارتىق ايتقاندىق ەمەس. ول ءار­تىستەردەن نەنى تالاپ ەتۋدى بىلەتىن جاقسى رەجيسسەر، بىلىكتى مامان»، – دەپ مارسەل پارتيا­سىن­دا جارقىراي كورىنگەن ءسۇن­دەت بايعوجين پرەمەرالدى دايىندىق جۇمىستارىمەن جان-جاقتى تانىستىرىپ وتسە، وپە­راداعى باستى پارتيا ميمي ءرولىن ءوزىنىڭ باي شىعارماشىلىق ءتاجى­ريبەسىندە العاش رەت ساحنا تورىنە شىعارعان قازاقستاننىڭ ەڭبەك سىڭىرگەن قايراتكەرى مايرا مۇحامەدقىزى ءوز اسەرىن بىلايشا جەتكىزدى:

– وپەرادا بەرىلگەن ءپاريجدىڭ اتموسفەراسى مەنىڭ جانىما وتە جاقىن، سەبەبى بۇل كەرەمەت شاھاردا ءومىرىمنىڭ 7 جىلىن ءوت­كەردىم. ءدامحانا، تەمىر جول بە­كەتى مەن فابريكا – مۇنىڭ بار­لىعى مەنى فرانتسيانىڭ قاق ورتاسىندا جۇرگەندەي عاجايىپ سەزىمگە بولەدى. ءبىر قىزىعى، پاريج وپەرا تەاترىندا ميۋزەتتا پارتياسىن بىرنەشە مارتە ورىندادىم، بىراق ۇنەمى ميمي بولىپ ساحناعا شىققىم كەلەتىن. جوعارى سوپرانودا داۋىستاردىڭ جىل سايىن تومەندەي تۇسەتىن ەرەكشەلىگى بار، سوندىقتان ول كەزدە بۇل پارتيا مەنىڭ داۋىسىما ساي كەلمەدى. اراعا بىرنەشە جىل سالىپ، اقىرى مىنە داۋىسىم دا دايىن بولدى. ميمي بۇعان دەيىن ساحنا كورگەن قويىلىمداردا ءالسىز، ناۋقاس قىز رەتىندە كورسەتىلەتىن. بىراق ءبىزدىڭ ورىنداۋىمىزدا بۇرىنعىلاردان وزگەرەك بولماق. ول ءوزىنىڭ جاستىق جالىن، جىگەرىمەن ەرەكشەلەنەدى. ءتىپتى دۇنيەدەن وزار ساتىندە دە سول ءومىر سۇيگىشتىگىنەن اينىمايدى. ميمي كوز جۇمار الدىندا جىگىت وعان: – سەن اتقان تاڭداي اجار­لىسىڭ، – دەيدى. سوندا بويجەتكەن: – جوق، باتقان كۇندەي، – دەپ جاۋاپ بەرەدى. وپەراداعى ءدال وسى سوزدەر مەنىڭ جانىمدى ەرەك­شە تەبىرەنتتى. ءومىر قىسقا، ءبا­رىمىز دە و دۇنيەگە اتتانامىز، الايدا جەر بەتىندە عاسىر عۇمىر كە­شىپ تە ناعىز ماحابباتتىڭ نە ەكەنىن ۇعىنا الماي وتكەن ادام قان­شاما؟! «بوگەما» ارقىلى تىڭ­دار­مانىمىزعا ءومىردىڭ وسى ءبىر ءپالساپاسىن ۇعىندىرعىمىز كەلدى، دەيدى ءانشى.

قازاق-يتاليان تالانتتارىنىڭ تاماشا شىعارماشىلىق تاندە­مىنەن تۋعان قويىلىم شىن ءما­نىندە كورەرمەنىنىڭ كوڭىل تۇك­پىرىنەن ورىن العانى ءسوزسىز. قويۋشى ديريجەر – دجۋزەپپە اكۋا­ۆيۆا، قويۋشى رەجيسسەر – اندرەا بەرنارد، ستسەنوگراف – ەتسيو فريدجەريو، كوستيۋمدەر بويىنشا سۋرەتشى «وسكار» سىي­لىعىنىڭ يەگەرى – فرانكا سكۋار­چاپينو، باس حورمەيستەر – قا­زاقستاننىڭ ەڭبەك سىڭىرگەن قايراتكەرى ەرجان ءداۋىتوۆ باس­تاعان ءوز ءىسىنىڭ شەبەرلەرى جاھان حالقى جاقسى بىلەتىن وپە­رانى جاڭاشىل باعىتتا باپ­تاپ، ق­و­يىلىمعا بۇعان دەيىنگى ساراپ­تاۋ­لارعا مۇلدەم ۇقسا­ماي­تىن ءوز­گەشە ساحنالىق عۇ­مىر سىيلادى. الەمدى ادەمى اۋە­نىمەن ءال­ديلەگەن دج.پۋچچيني مۇ­راسى وسى­­لايشا باس شاھار كورەر­مەن­دە­رىنىڭ ورتاسىنا كوك­تەم­نىڭ شۋاق­­­تى كۇنىمەن بىرگە قاي­تىپ ورا­­لىپ، ماحاببات پەن مە­يىرىمگە ءشو­لىر­كەگەن جۇرەكتەرگە قاي­تالانباس جىلىلىق نۇرىن سىيلادى.