كوڭىل كوڭىلدەن سۋ ىشەدى
سارسەنبى, 9 قاڭتار 2013 7:34
وتكەن جىلدىڭ 19 جەلتوقسانىندا قۇدايكول اۋىلىنىڭ تۇرعىنى ناسكەي حاۆايدىڭ وتباسىندا وقىس وقيعا ورىن الدى. سول ءتۇنى اۋىل شەتىندە تۇراتىن ازاماتتىڭ قوراسىنداعى 20 توننادان ارتىق ءشوبى وتقا وراندى.
ناسكەي حاۆاي وتكەن جىلى «جۇمىسپەن قامتۋ – 2020» باعدارلاماسىنا قاتىسىپ نەسيە اقشاسىنا 12 باس مال ساتىپ العان بولاتىن. جەلتوقساننىڭ 19-نان 20-نا قاراعان ءتۇنى ناسكەيمەن كورشى تۇراتىن مەكتەپ ديرەكتورى وت جاعاتىن ورىندى قاراۋ ءۇشىن ۇيىنەن شىعىپ, كوچەگاركاعا بەت العان. وسى كەزدە كورشىسىنىڭ قوراسىنان شىعىپ جاتقان ءورتتى كورىپ, دەرەۋ ەلدى كومەككە شاقىرادى. اۋىل تۇرعىندارى اياقتارىنان تىك تۇرىپ, ءورتتى سوندىرۋگە بار كۇشتەرىن سالدى. وكىنىشكە قاراي, ءشوپ تۇگەلدەي ورتەنىپ كەتتى.
سارسەنبى, 9 قاڭتار 2013 7:34
وتكەن جىلدىڭ 19 جەلتوقسانىندا قۇدايكول اۋىلىنىڭ تۇرعىنى ناسكەي حاۆايدىڭ وتباسىندا وقىس وقيعا ورىن الدى. سول ءتۇنى اۋىل شەتىندە تۇراتىن ازاماتتىڭ قوراسىنداعى 20 توننادان ارتىق ءشوبى وتقا وراندى.
ناسكەي حاۆاي وتكەن جىلى «جۇمىسپەن قامتۋ – 2020» باعدارلاماسىنا قاتىسىپ نەسيە اقشاسىنا 12 باس مال ساتىپ العان بولاتىن. جەلتوقساننىڭ 19-نان 20-نا قاراعان ءتۇنى ناسكەيمەن كورشى تۇراتىن مەكتەپ ديرەكتورى وت جاعاتىن ورىندى قاراۋ ءۇشىن ۇيىنەن شىعىپ, كوچەگاركاعا بەت العان. وسى كەزدە كورشىسىنىڭ قوراسىنان شىعىپ جاتقان ءورتتى كورىپ, دەرەۋ ەلدى كومەككە شاقىرادى. اۋىل تۇرعىندارى اياقتارىنان تىك تۇرىپ, ءورتتى سوندىرۋگە بار كۇشتەرىن سالدى. وكىنىشكە قاراي, ءشوپ تۇگەلدەي ورتەنىپ كەتتى.
ەسەسىنە قورا-قوپسى امان ساقتالىپ قالدى. كوپ كەشىكپەي ءورت سوندىرۋشىلەر دە كەلىپ جەتتى. ءايتسە دە, حاۆايدىڭ ءشوبى نە سەبەپتى ورتەنگەنى ءالى كۇنگە دەيىن بەيمالىم. ول قاق-سوقپەن جۇمىسى جوق, بىرتوعا ازامات. سوندىقتان ءالدەكىمدەر ونىڭ قوراسىنا قاستىقپەن وت قويدى دەپ ايتا المايمىن, – دەيدى اۋىل اكىمى اقان سەيىلجانوۆ.
اقان مارات ۇلىنىڭ ايتۋىنشا, اۋىل حالقى ازاماتتىڭ باسىنا تۇسكەن قايعىعا ورتاقتاسىپ, ورتادان جىلۋ جيناعان. 104 وتباسى 3 مىڭ تەڭگەدەن اقشالاي كومەك بەرگەن. وسى ەلدى مەكەندەگى 3 شارۋا قوجالىعى 6 توننا ءشوپ جەتكىزىپ بەردى. اۋىل اكىمدىگى كومەك رەتىندە پاۆلودارداعى ارزانداتىلعان جەم-ءشوپ دۇكەنىنەن 1 توننا مال ازىعىن ساتىپ اپەردى. تاعى ءبىر جەكە كاسىپكەر حابارلاسىپ, زارداپ شەگۋشىگە جەم-شوپپەن كومەكتەسەتىنىن ايتىپتى.
قيىن-قىستاۋ كەزەڭدە قول ۇشىن بەرىپ, سۇيەۋ بولعان قۇدايكول اۋىلدىق اكىمىنىڭ اپپاراتىنا, تۇرعىندارعا دەگەن ريزالىعىم شەكسىز. ماعان جاساعان جاقسىلىقتارى اللادان قايتسىن! شىنىمدى ايتسام, حالىقتىڭ قامقورلىعىنىڭ ارقاسىندا باسىما تۇسكەن اۋىرتپالىقتى كوتەرىپ كەتتىم. ەلىم امان بولسىن! – دەيدى قازىر ناسكەي حاۆاي تىلدەسكەنىمىزدە تولقي سويلەپ.
اۋىل اكىمى اقان مارات ۇلى دا, زارداپ شەگۋشى ناسكەي حاۆاي دا مالدى قىستان امان الىپ شىعاتىندىقتارىنا سەنىمدى. لايىم سولاي بولعاي!
داريا ەرتايقىزى.
ەكىباستۇز.
