قازىرگى تاڭدا وبلىستا 18 جاسقا دەيىنگى 263 000 - نان استام ءجاسوسپىرىم بار. دەرەكتەرگە سۇيەنسەك, رەسپۋبليكا كولەمىندە سوڭعى 10 جىلدا جاسوسپىرىمدەر اراسىنداعى قۇقىق بۇزۋشىلىق فاكتىلەرى ازايىپ, ماڭعىستاۋ وبلىسىندا 65 %- عا تومەندەگەن. جاسوسپىرىمدەردىڭ قىلمىسىن بولدىرماۋ باعىتىندا وبلىس مەكتەپتەرىندە مەدياتسيا كابينەتتەرى اشىلىپ, «مەيىرىمدى سوت» جوبالارى ىسكە اسىرىلۋدا. ەندى مەكتەپتەردە مەدياتورلار مەن پسيحولوگتار تۇسىندىرمە جۇمىستارىن جۇرگىزىپ وتىرادى. وڭىردە 2001 جىلى اشىلعان «دەۆيانتتى مىنەز-ق ۇلىقتى بالالارعا ارنالعان مەكتەپ-ينتەرناتتا» ورال, اتىراۋ, اقتوبە, استانا قالالارىنان كەلگەن 9 تاربيەلەنۋشى بار, 3-ەۋى ماڭعىستاۋ وبلىسىنان. مۇندا تاربيەلەنۋشىلەردىڭ دەنى وتباسىنان كەتىپ قالعان, سونداي-اق وقۋدان قاشىپ, پسيحولوگيالىق كۇيزەلىستە جۇرگەن 11-18 جاس ارالىعىنداعى جاسوسپىرىمدەر. ولارمەن جۇيەلى تۇردە پروفيلاكتيكالىق جۇمىستار جۇرگىزىلەدى, ءتۇرلى ۇيىرمەلەرگە قاتىستىرىلادى, قوعام قايراتكەرلەرىمەن كەزدەسۋلەر ۇيىمداستىرىلادى. بۇل ورتالىقتان اشىلعالى 249 بالا تاربيەلەنىپ شىقسا, 236 بالا وتباسىلارىنا قايتارىلعان. ال, 5-ەۋى وسكەمەن قالاسىنداعى «ەرەكشە رەجيمدەگى مەكتەپ-ينتەرناتقا» جىبەرىلسە, 8 بالا كامەلەت جاسقا تولۋىنا بايلانىستى ورتالىقتان شىعىپ كەتكەن. مۇنداعى تاربيەلەنۋشىلەر جازعى ماۋسىمدا ساۋىقتىرۋ لاگەرلەرىندە, «جاسىل ەل» جاستار جاساعىندا ەڭبەك ەتەدى.
- جالپى جىل باسىنان بەرى جاسوسپىرىمدەر اراسىندا اسا اۋىر قىلمىس تىركەلمەدى. 2018 جىلى 20, بيىل 7 قۇقىق بۇزۋشىلىق وقيعاسى تىركەلگەن. قانداي دا ءبىر قىلمىسقا بارعان ءجاسوسپىرىمدى, «قيىن بالا» تىزىمىنە قوسپاي, پسيحولوگ, الەۋمەتتىك پەداگوگتاردىڭ قاتىسۋىمەن ءتۇسىندىرۋ جۇمىستارى جۇرگىزىلەدى, دەيدى وبلىستىق پوليتسيا دەپارتامەنتى, جەرگىلىكتى پوليتسيا قىزمەتى باسقارماسى يۋۆەنالدى پوليتسيا توبىنىڭ اعا ينسپەكتورى ەلۆيرا كاسانوۆا.
وبلىس بويىنشا 141 مەكتەپتە, 95 ينسپەكتور قىزمەت ەتەدى. سەنبى, جەكسەنبى كۇندەرى جۇرگىزىلگەن پراكتيكالىق شارالاردىڭ ناتيجەسىندە, 3 ايدا تۇنگى ۋاقىتتا اتا-اناسىز كوشەدە جۇرگەن 850 بالانىڭ اتا-اناسىنا اكىمشىلىك حاتتاما تولتىرىلعان. بۇگىنگى تاڭدا 215 بالا تىزىمدە تۇر, ونىڭ 79 -ى پروفيلاكتيكالىق تىزىمگە الىنسا, 130 بالا ارنايى تىزىمگە ەنگىزىلگەن.
ماڭعىستاۋ وبلىسى
