ۇكىمەت • 29 ءساۋىر، 2019

2025 جىلعا دەيىن «اۋىل – ەل بەسىگى» جوباسىمەن اۋىل تۇرعىندارىنىڭ 80%-ى قامتىلادى

883 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا «اۋىل – ەل بەسىگى» جوباسىن ىسكە اسىرۋ ماسەلەسى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

پرەمەر-ءمينيستردىڭ ورىنباسارى ج. قاسىمبەك تۇڭعىش پرەزيدەنت – ەلباسى نۇرسۇلتان نازارباەۆتىڭ بيىلعى 27 اقپانداعى «Nur Otan» پارتياسىنىڭ XVIII سەزىندە بەرگەن تاپسىرماسىنا سايكەس «اۋىل – ەل بەسىگى» جوباسىن ىسكە اسىرۋ باستالعانىن ايتىپ ءوتتى.

جوبانىڭ نەگىزگى ماقساتى — اۋىل تۇرعىندارىنىڭ تۇرمىس ساپاسىن جاقسارتۋ، اۋىلدىق اۋماقتاردىڭ الەۋمەتتىك ورتاسىن جاڭعىرتۋ، ولاردى وڭىرلىك ستاندارتقا دەيىن جەتكىزۋ. جوبا شەڭبەرىندە الەۋمەتتىك جانە ينجەنەرلىك ينفراقۇرىلىمداردى دامىتۋ، اۋىل حالقىنىڭ الەۋمەتتىك يگىلىكتەر مەن مەملەكەتتىك قىزمەتتەرگە قولجەتىمدىلىگىن قامتاماسىز ەتۋ جانە جالپى جايلى ءومىر ءسۇرۋ ورتاسىن قالىپتاستىرۋ بويىنشا بىرقاتار مىندەتتەردىڭ شەشىمى تابىلاتىن بولادى.

ج. قاسىمبەك الداعى جىلدارى اۋىلدىق ەلدى مەكەندەردى باسىمدىلاۋ ءۇشىن ەسەپتەۋ كورسەتكىشتەرىنىڭ ادىستەمەسى مەن مودەلى جەتىلدىرىلىپ جاتقانىن ءمالىم ەتتى. وڭىرلىك ستاندارتتار – بۇل ازاماتتاردىڭ ءومىر ءسۇرۋ ساپاسىنىڭ كورسەتكىشتەرى. ولارعا الەۋمەتتىك يگىلىكتەر مەن مەملەكەتتىك قىزمەتتەر قولجەتىمدىلىگىنىڭ ناقتى كريتەريلەرىنىڭ ءتىزىمى، سونداي-اق ءومىر ءسۇرۋ ءۇشىن ادامداردى قاجەتتى ينفراقۇرىلىمدارمەن قامتاماسىز ەتۋ كىرەدى. ماسەلەن، تىرەك اۋىلداردا سالالىق نورماتيۆتەرگە سايكەس كەلەتىن كەم دەگەندە 19 اۋىلدىق وكرۋگ ورتالىقتارىندا جانە 26 اۋىل-اۋدان ورتالىقتارىندا وبەكتىلەر مەن قىزمەتتەردىڭ بولۋى كوزدەلەدى. وسىعان بايلانىستى ينفراقۇرىلىمدىق جوبالاردى قولدانىستاعى مەملەكەتتىك باعدارلامالار شەڭبەرىندە ىسكە اسىرۋ كەزىندە «بيۋدجەتتىك سۇزگى» (باسىمدىقتى قارجىلاندىرۋ) قامتاماسىز ەتىلە وتىرىپ، تىرەك اۋىلداردى دامىتۋدا كەشەندى ءتاسىل قولدانىلدى.

جوبانى ىسكە اسىرۋعا رەسپۋبليكالىق بيۋدجەتتەن 2019–2021 جىلدارى 90 ملرد تەڭگە ءبولۋ كوزدەلگەن، ونىڭ ىشىندە 2019 جىلى 30 ملرد تەڭگە بولىنەتىن بولادى.

وڭىرلەردەگى اكىمدىكتەرمەن بىرلەسىپ بيىل 52 اۋىلدىق ەلدى مەكەن ىرىكتەپ الىندى، وندا 454 ءىس-شارا ىسكە اسىرىلاتىن بولادى، ونىڭ ىشىندە 247 ءىس-شارا — كولىك ينفراقۇرىلىمىن دامىتۋعا، 135 ءىس-شارا – الەۋمەتتىك ينفراقۇرىلىمدى دامىتۋعا جانە 72 ءىس-شارا — تۇرعىن ءۇي-كوممۋنالدىق شارۋاشىلىعىن دامىتۋعا باعىتتالعان.

باستى نازار ءىرى ەلدى مەكەندەرگە – ياعني جيناقتالعان وزەكتى ينفراقۇرلىمدىق پروبلەمالاردى جىلدام شەشۋدى قاجەت ەتەتىن، حالىق سانى كوپ اۋدان ورتالىقتارىنا اۋدارىلدى. قارجىلاندىرۋدىڭ كولەمى ءبىر اۋدان ورتالىعىنا ورتا ەسەپپەن شامامەن 670 ملن تەڭگەنى قۇرايدى. قازىرگى ۋاقىتتا جوبالاردى ىسكە اسىرۋعا جەرگىلىكتى بيۋدجەتتەن 4،7 ملرد تەڭگە نەمەسە 15،8% باعىتتالدى.

جوبانى ءتيىمدى ىسكە اسىرۋ ءۇشىن ۆيتسە-پرەمەر ج. كاسىمبەكتىڭ توراعالىعىمەن جوبالىق وفيس قۇرىلدى. وسى سياقتى وڭىرلىك وفيستەر وبلىستاردا اكىمدەردىڭ توراعالىعىمەن قۇرىلاتىن بولادى. وڭىرلىك جوبالىق وفيستەردىڭ ەسەبى ءاربىر ەكى اپتا سايىن تىڭدالاتىن بولادى. جوبانى تىكەلەي ۇيلەستىرۋدى جانە اكىمشىلەندىرۋدى قر ۇلتتىق ەكونوميكا مينيسترلىگى جۇزەگە اسىرادى.

سونىمەن قاتار، پارلامەنت جانە ءماسليحات دەپۋتاتتارىنىڭ، قوعام قايراتكەرلەرىنىڭ، ۇكىمەتتىك ەمەس ۇيىمدار جانە بۇقارالىق اقپارات قۇرالدارى وكىلدەرىنىڭ قاتىسۋىمەن جوباعا قوعامدىق مونيتورينگ ۇيىمداستىرىلاتىن بولادى.

ۇكىمەت جەلىسى بويىنشا ناقتىلانعان بيۋدجەت قابىلداندى. جوبالاردى جۇزەگە اسىرۋ بويىنشا ماقساتتى ترانسفەرتتەر وڭىرلەرگە جولداناتىن بولادى.

اكىمدىكتەر، ءوز كەزەگىندە، بولىنگەن قاراجاتتى ۋاقىتىلى ءارى ءتيىمدى يگەرۋدى قامتاماسىز ەتىپ، جوبالاردى جۇزەگە اسىرۋدىڭ ءتيىستى راسىمدەرىن ساپالى جۇرگىزىپ — كونكۋرستاردى جاريالاپ، ولاردىڭ تاجىريبەلىك ىسكە اسىرىلۋىن باستاۋى قاجەت.

2025 جىلعا دەيىن «اۋىل – ەل بەسىگى» جوباسىن ىسكە اسىرۋ دامۋ الەۋەتى جوعارى (تىرەك اۋىلدار) 2 مىڭعا جۋىق اۋىلدىق ەلدى مەكەننىڭ الەۋمەتتىك جانە ينجەنەرلىك ينفراقۇرىلىمىن جاڭعىرتۋعا مۇمكىندىك بەرەدى. بۇل، سونداي-اق، اۋىل مەن قالا اراسىنداعى، دامۋ دەڭگەيلەرى ءارتۇرلى اۋىلدىق ەلدى مەكەندەر اراسىنداعى كوشى-قون پروتسەسىنە وڭ اسەر ەتەدى.

7 جىل ىشىندە «كىشى ۋربانيزاتسيا» پروتسەستەرىن قامتۋ جانە 2025 جىلى حالىق سانى 600 مىڭ ادامعا ءوسىپ، 6،1 ملن ادامعا جەتەتىن تىرەك اۋىلداردا قولايلى ءومىر ءسۇرۋ ورتاسىن قۇرۋ كوزدەلگەن.

«2019 جىلى باستاپقى كەزەڭدە ءبىز 52 اۋدان ورتالىعىن جاڭعىرتامىز، بۇل 700 مىڭعا جۋىق ادامنىڭ نەمەسە اۋىل حالقىنىڭ 9%-ىنىڭ تۇرمىس ساپاسىن جاقسارتادى. 2025 جىلعا قاراي بارلىق اۋىل تۇرعىندارىنىڭ 80%-ىن وڭىرلىك ستاندارتتار جۇيەسىنە سايكەس قاجەتتى يگىلىكتەرمەن جانە قىزمەتتەرمەن قامتاماسىز ەتۋ جوسپارلانعان»، دەدى ج. قاسىمبەك.

جۇرگىزىلىپ جاتقان شارالار اۋىلدىق جەرلەردى دامىتۋعا جاڭا سەرپىن بەرەدى جانە جالپى العاندا ەكونوميكاعا وڭ اسەر ەتەدى.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار