ونىڭ ىشىندە 800 گرامنان ارتىق گەروين,120 كيلوگرامم ماريحۋانا بار. ەسىرتكى زاتتار پايدالانعان 5 ادامعا قارسى سوتقا دەيىنگى تەرگەۋ امالدارى ءجۇرىپ جاتىر.
ەسىرتكى قىلمىسىنا قارسى ءىس-قيمىل باسقارماسىنىڭ باستىعى قايرات تاسجانوۆتىڭ ايتۋىنشا, جىل سايىن جۇرگىزىلەتىن جەدەل جۇمىستاردىڭ ارقاسىندا, ەسىرتكى ساقتايتىن نەمەسە ساتاتىندار ۇستالادى. مىسالى, قوستاناي قالسىندا 27 جاستاعى ايەل ۇستالدى. قوستاناي اۋدانىندا تۇراتىن ول وبلىس ورتالىعىنان پاتەر جالداپ, سوندا ەسىرتكى زاتتارىن ساتىپ وتىرعان. ونى ۇستاعاندا قالتاسىنان 322 گرامم گەروين تابىلدى. ارى قاراي ونىڭ تۇراتىن پاتەرىن قاراعاندا تاعى دا 451 گرامم گەروين تابىلدى. ايەل قامالدى, وعان سوتقا دەيىنگى تەرگەۋ امالدارى ءجۇرىپ جاتىر.
پوليتسەيلەر قوستاناي قالاسىنداعى تۋبەركۋلەزگە قارسى ديسپانسەر ماڭىنان «مەرسەدەس» ماشيناسىنا ايداپ جۇرگەن 27 جاستاعى جىگىتتى دە كۇدىكپەن ۇستاعان. ودان 1,5 گرامم گاروين, 122 گرامم ماريحۋانا تابىلدى. پوليتسەيلەر جەدەل ىزدەستىرۋ ارقىلى تاعى دا 1985 جىلى جانە 1962 جىلى تۋعان ازاماتتاردى ۇستادى. ولار دا ەسىرتكى زاتتارىن ساتۋمەن, ساقتاۋمەن اينالىسقان.
2019 جىلدىڭ باسىنان باستاپ, قوستانايدا ەسىرتكىگە قاتىستى بارلىعى 153 قىلمىس پەن قۇقىق بۇزۋشىلىقتار انىقتالدى. 12 كيلوگرامعا جۋىق ەسىرتكى زاتتار, ونىڭ ىشىندە 2 كيلوگرامم 700 گرامم گەروين, 4 كيلوگرامم 800 گرامم ماريحۋانا تاركىلەندى.
