كونفەرەنتسياعا رەسەي كىتاپ پالاتاسى مەن ەاەو قاتىسۋشى ەلدەردىڭ ۇلتتىق كىتاپ پالاتالارىنىڭ, باسپالاردىڭ, كىتاپ ساۋداسى ۇيىمدارىنىڭ باسشىلارى, اقپاراتتىق تەحنولوگيالار, اۆتورلىق قۇقىق جانە زياتكەرلىك مەنشىك سالاسىنداعى ماماندار, مينيسترلىكتەردىڭ, قوعامدىق ۇيىمدار مەن قورلاردىڭ, كىتاپحانالار, ءبىلىم بەرۋ جانە عىلىمي قوعامداستىقتاردىڭ, سالالىق ءباسپاسوزدىڭ وكىلدەرى قاتىستى.
كونفەرەنتسيا رەسەي مەن ەۋرازيالىق ەكونوميكالىق وداققا قاتىسۋشى ەلدەردەگى كىتاپ باسپالارىن دامىتۋعا, باسپا جانە ەلەكتروندى ونىمدەردى تاراتۋعا ارنالعان. حالىقارالىق ەلەكتروندى فورماتتار مەن دەرەكتەر الماسۋ ستاندارتتارى نەگىزىندە كورپوراتيۆتىك ىنتىماقتاستىق جۇيەسىن قۇرۋداعى بىرىڭعاي تاسىلدەردى قالىپتاستىرۋعا, رەسەي كىتاپ پالاتاسى مەن ەۋرازيالىق ەكونوميكالىق وداققا قاتىسۋشى ەلدەردىڭ ۇلتتىق كىتاپ پالاتالارى بازاسىندا اۆتورلىق شىعارمالار مەن باسپا ونىمدەرىنىڭ بىرىڭعاي اقپاراتتىق الاڭىن قالىپتاستىرۋعا, سونداي-اق اۆتورلىق قۇقىقتى ساقتاۋ جانە زياتكەرلىك مەنشىكتى قورعاۋ ماسەلەلەرىنە ەرەكشە نازار اۋدارىلدى.
كونفەرەنتسياعا ءبىزدىڭ تاراپىمىزدان قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى توراعاسىنىڭ مىندەتىن اتقارۋشى عالىمجان مەلدەشوۆ قاتىسىپ, كىتاپ شىعارۋدىڭ رەسپۋبليكامىزداعى احۋالى تۋرالى بايانداما جاسادى.
عالىمجان مەلدەشوۆ كىتاپ شىعارۋ سالاسىنداعى مەملەكەتتىك قولداۋ تۇرلەرىنە, اتاپ ايتقاندا, مەملەكەتتىك تاپسىرىس بويىنشا شىعارىلاتىن كىتاپتاردىڭ رەسپۋبليكالىق كىتاپحانالارعا تەگىن تاراتىلاتىندىعىنا, اۆتورلاردىڭ قالاماقىسىن رەسپۋبليكالىق بيۋدجەتتەن تولەۋ ارقىلى ولارعا قولداۋ كورسەتىلەتىندىگىنە توقتالدى. مۇنداي شارالار تاۋەلسىز قازاقستاننىڭ زاماناۋي شىنايى كەلبەتىن جاريا ەتەتىن, ءوز حالقىنىڭ تاريحي وتكەنىنە دەگەن ىقىلاستىق پەن قۇرمەت كورسەتۋ ارقىلى وتانىنىڭ كەلەشەگىنە دەگەن جاڭا كوزقاراستى قالىپتاستىرىپ, جاستارعا پاتريوتتىق تاربيە بەرۋدىڭ جاڭا ءيمپۋلسى بولعان جوعارى ساپالى كوركەم ادەبي شىعارمالاردى جاساۋعا ىقپال ەتەتىندىگىن مالىمدەدى.
سونداي-اق عالىمجان سارسەنباي ۇلى ەلىمىزدەگى كىتاپحانالاردىڭ بىرىڭعاي اقپاراتتىق جەلىگە بىرىكتىرىلگەنىن جانە كىتاپحانالاردىڭ بىرىڭعاي كاتالوگى ۇيىمداستىرىلعانىن, قىتاي, تۇركيا, رەسەي, فينليانديا, كورەيا, مالايزيا جانە باسقا دا ەلدەردە قازاقستاندىق ادەبيەت ورتالىقتارىن اشۋ ءىسىن, كىتاپحانا قورىنا مەموريالدىق كوللەكتسيالاردى, قولجازبالاردى, قازاقستاندىق عالىمداردىڭ, قوعام قايراتكەرلەرىنىڭ بىرەگەي باسىلىمدارى مەن الەمنىڭ كوپتەگەن تىلدەرىندەگى الەمدىك ادەبيەتتىڭ سيرەك باسىلىمدارىن سىيعا بەرۋ بويىنشا جۇرگىزىلگەن بىرەگەي اكتسيانى اتاپ ءوتتى.
كىتاپ شىعارۋ سالاسىنداعى مەملەكەتتىك ساياساتتى جۇزەگە اسىرۋ بويىنشا قازاقستان رەسپۋبليكاسى مادەنيەت جانە سپورت مينيسترلىگى اتقارىپ جاتقان شارالارى جونىندەگى ع.س.مەلدەشوۆتىڭ بايانداماسى حالىقارالىق كونفەرەنتسياعا قاتىسۋشىلاردىڭ ۇلكەن قىزىعۋشىلىعىن تۋدىرىپ, اتالعان ءىس-شارانى ۇيىمداستىرۋشىلار «گيلديا كنيجنيكوۆ» كەس پرەزيدەنتى ەسەنكين بوريس سەمەنوۆيچ پەن ءباسپاسوز جانە بۇقارالىق كوممۋنيكاتسيالار بويىنشا فەدەرالدى اگەنتتىكتىڭ كىتاپ كورمەلەرى جانە وقۋدى ناسيحاتتاۋ ءبولىمىنىڭ باستىعى ۆوروپاەۆ الەكساندر نيكولاەۆيچتىڭ تاراپىنان جوعارى باعالاندى.
