جىل جەمىستى, ءومىر كەلىستى بولادى
سەيسەنبى, 1 قاڭتار 2013 8:33
قازاق حالقىندا «ءوتكەن جىلعا وكپە جوق, كەلەر جىلدان ءۇمىت كوپ» دەگەن دانالىق ءسوز بار. شىنىندا دا, 2012 جىل قازاقستان حالقى ءۇشىن ەرەكشە تابىستى بولدى. ءبارىن ءتىزىپ جاتپاي, ەكى وقيعانى عانا اتاپ وتسەك. تۇماندى البيون ەلىندە قازاق ەلى سايىپقىراندارىنىڭ جازعى وليمپيادا ويىندارىندا 7 بىردەي التىن القانى جەڭىپ الىپ, 205
جىل جەمىستى, ءومىر كەلىستى بولادى
سەيسەنبى, 1 قاڭتار 2013 8:33
قازاق حالقىندا «ءوتكەن جىلعا وكپە جوق, كەلەر جىلدان ءۇمىت كوپ» دەگەن دانالىق ءسوز بار. شىنىندا دا, 2012 جىل قازاقستان حالقى ءۇشىن ەرەكشە تابىستى بولدى. ءبارىن ءتىزىپ جاتپاي, ەكى وقيعانى عانا اتاپ وتسەك. تۇماندى البيون ەلىندە قازاق ەلى سايىپقىراندارىنىڭ جازعى وليمپيادا ويىندارىندا 7 بىردەي التىن القانى جەڭىپ الىپ, 205 مەملەكەتتىڭ ىشىندە 12-ءشى ورىنعا تابان تىرەۋى, ەكسپو-2017 حالىقارالىق كورمەسىن استانادا وتكىزۋ مارتەبەسىنە يە بولۋى وركەنيەتتى ەلدەردىڭ قاتارىنان ويىپ تۇرىپ ورىن العانىمىزدى دالەلدەسە كەرەك. سارابدال ساياساتكەر ەلباسى ن.نازارباەۆتى ەكونوميكاسى دامىعان الەم مەملەكەتتەرى جەتەكشىلەرىنىڭ بەدەلى مەن ىسكەرلىك قابىلەتىنە ساي مويىنداۋى دا كوپ ماسەلەنىڭ وڭ شەشىلۋىنە ىقپال جاسايتىنى ءتۇسىنىكتى بولسا كەرەك. الداعى ۋاقىتتا دا كوك بايراعى جەلبىرەگەن قازاق ەلى ءوسىپ-وركەندەپ, حالىقتىڭ تۇرمىسى جاقسارىپ, ادامدار ءبىر-بىرىمەن تاتۋ-ءتاتتى ءومىر سۇرە بەرسىن دەپ كەي ساتتە ويعا بەرىلەمىن, تولعانامىن.
ءوڭىردىڭ وركەندەۋ ءورىسى – ءوندىرىس. شىعىس قازاقستان وبلىسى ۇدەمەلى يندۋستريالىق-يننوۆاتسيالىق جوبالاردى قارجىلاندىرۋ بويىنشا ەلىمىزدە كوش باستاپ كەلەدى. تاياۋداعى بىرەر جىلدا جالپى قۇنى 611,9 ميلليارد تەڭگە بولاتىن 39 ينۆەستيتسيالىق جوبا جۇزەگە اسۋى ءتيىس. مۇنىڭ ىشىندە 565,7 ميلليارد تەڭگەنىڭ 9 جوباسى رەسپۋبليكالىق يندۋستريالاندىرۋ كارتاسىنا جاتادى.وتكەن جىلدىڭ وزىندە وڭىردە ونداعان كاسىپورىندار ىسكە قوسىلدى, جاڭادان وتىز مىڭعا تارتا جۇمىس ورىندارى اشىلدى. ەلىمىزدەگى كولىك قۇراستىرۋ زاۋىتىنىڭ كوشباسشىسى «ازيا-اۆتو» وتكەن جىلى 16 مىڭ جەڭىل كولىكتەر قۇراستىرىپ, 48 ميلليارد تەڭگە كىرىس كىرگىزدى. بيىل كاسىپورىن كولىكتەردىڭ 20-عا تارتا ءتۇرىن شىعارماق. كاسىپورىن باسشىلارى جۇمىسشىلارعا ارناپ ءبىر مىڭ پاتەرلىك تۇرعىن ءۇي قۇرىلىسىن باستاماق. «سەماز» سەرىكتەستىگى «بەلارۋس» تراكتورى مەن «داەۆو» اۆتوبۋستارىنا قوسا بيىلدان باستاپ «جەدەل جاردەم» كولىگىن شىعارا باستاماق. «وسكەمەن تيتان-ماگني كومبيناتى» كورەيالىقتارمەن بىرگە تيتان قۇيمالارىن شىعاراتىن جاڭا ءوندىرىستى, «كازتسينك» جشس ريددەر, زىريان قالالارىنداعى بولىمشەلەرىندە ءوندىرىستى ارتتىرۋ ماقساتىندا ءىرى جوبالاردى جۇزەگە اسىرۋدا. وبلىستا وتكەن جىلى 50 تىرەك اۋىلدارى قۇرىلىپ, ولاردىڭ وركەندەۋىنە 18 ميلليارد تەڭگە قارجى ءبولىندى. سونىمەن بىرگە, الەۋمەتتىك عيماراتتار سالۋدا دا ناقتى جوبالار بار. وسكەمەندەگى اباي, پۋشكين ەسكەرتكىشتەرى, بيىل پايدالانۋعا بەرىلەتىن جامبىل اتىنداعى قازاق دراما تەاترى, باسقا دا قۇرىلىستار قالانىڭ كەلبەتىن جاڭارتىپ تۇر. الداعى ۋاقىتتا كەندى التاي تۇرعىندارى مەملەكەتتەن سۋبسيديا الماي, ءوز بەتىنشە وزدەرىن قارجىلاندىرسا دەگەن ويعا بەرىلەمىن.
بۇگىنگى جەتىستىك ەرتەڭگە ولشەم ەمەس. ەلباسىنىڭ قازاقستان حالقىنا جولداۋىندا ەڭ الدىمەن حالىقتىڭ تۇرمىسىن جاقسارتىپ, ولارعا بارلىق جاعدايدى جاساۋ قاجەتتىگى ايتىلعان. ول ءۇشىن نە ىستەۋ كەرەك؟ ەڭبەك ادامدارىنىڭ الاڭسىز دەمالىپ, بوس ۋاقىتتارىندا بۇقارالىق سپورتپەن شۇعىلدانۋى ءۇشىن باعىتتى دا باعدارلى جۇمىستاردى جۇزەگە اسىرىپ جاتىرمىز. بىلتىردىڭ وزىندە وڭىردە بىرنەشە سپورت مودۋلدەرى, وتىزعا تارتا حوككەي قوراپشالارى, تەننيس كورتتارى سالىندى. «كازتسينك» جشس عانا التى تەننيس كورتىن سالىپ بەردى. قازىر بارلىق قالالار مەن اۋدان ورتالىقتارىندا مۇز الاڭدارى بار. وندا ادامدار دەمالىپ عانا قويماي, دەنساۋلىقتارىن تۇزەيدى. مەن وسىعان قۋانامىن. حالىقتىڭ الەۋەتى ارتىپ, ادام جانىن شۋاققا بولەيتىن جاقسى جاڭالىقتار ءجيى بولا بەرسە دەپ تىلەيمىن.
بەردىبەك ساپارباەۆ,
شىعىس قازاقستان وبلىسىنىڭ اكىمى.
وسكەمەن.
