“قازاقستان رەسپۋبليكاسى الماتى قالاسىنىڭ وڭىرلىك قارجى ورتالىعىنىڭ قىزمەتىن رەتتەۋ اگەنتتىگى كورسەتەتىن مەملەكەتتىك قىزمەتتەر ستاندارتتارىن بەكىتۋ تۋرالى” قازاقستان رەسپۋبليكاسى پرەزيدەنتىنىڭ 2010 جىلعى 4 ناۋرىزداعى №932 جارلىعىنا تۇسىنىكتەمە

2010 جىلعى 4 ناۋرىزدا مەملەكەت باسشىسى “قازاقستان رەسپۋبليكاسى الماتى قالاسىنىڭ وڭىرلىك قارجى ورتالىعىنىڭ قىزمەتىن رەتتەۋ اگەنتتىگى كورسەتەتىن مەملەكەتتىك قىزمەتتەر ستاندارتتارىن بەكىتۋ تۋرالى” جارلىققا قول قويدى. اتالعان جارلىقپەن زاڭدى تۇلعالارعا قازاقستان رەسپۋبليكاسى الماتى قالاسىنىڭ وڭىرلىك قارجى ورتالىعىنىڭ قىزمەتىن رەتتەۋ اگەنتتىگى (بۇدان ءارى – اگەنتتىك) كورسەتەتىن مەملەكەتتىك قىزمەتتەردىڭ مىناداي بەس ستاندارتى بەكتىلدى: 1) “زاڭدى تۇلعالاردى – الماتى قالاسىنىڭ وڭىرلىك قارجى ورتالىعىنىڭ قاتىسۋشىلارىن مەملەكەتتىك تىركەۋ (قايتا تىركەۋ)”; 2) “الماتى قالاسىنىڭ وڭىرلىك قارجى ورتالىعىنىڭ قاتىسۋشىلارىن اككرەديتتەۋ”; 3) “الماتى قالاسىنىڭ وڭىرلىك قارجى ورتالىعىندا قىزمەتىن جۇزەگە اسىرۋ ءۇشىن قازاقستان رەسپۋبليكاسىنىڭ اۋماعىنا كەلەتىن شەتەلدىكتەر مەن ازاماتتىعى جوق ادامدارعا ۆيزالار بەرۋ تۋرالى ءوتىنىشحات بەرۋ”; 4) “الماتى قالاسىنىڭ وڭىرلىك قارجى ورتالىعىنىڭ ارنايى ساۋدا الاڭىنا جىبەرىلگەن قارجى قۇرالدارى ەميتەنتتەرىنىڭ اۋديتىنە جۇمسالعان شىعىنداردى وتەۋ”; 5) “الماتى قالاسىنىڭ وڭىرلىك قارجى ورتالىعى قاتىسۋشىلارىنىڭ قۇجاتتاماسىن قارجى ورتالىعىنىڭ ورگاندارىن قوسپاعاندا, مەملەكەتتىك ورگاندارعا بەرۋ ءۇشىن اعىلشىن تىلىنەن مەملەكەتتىك جانە ورىس تىلدەرىنە اۋدارۋ”. بەكىتىلگەن ستاندارتتارمەن اگەنتتىكتىڭ زاڭدى تۇلعالارعا مەملەكەتتىك قىزمەتتەر كورسەتۋ (بۇدان ءارى – قىزمەت كورسەتۋ) ءتارتىبى بەلگىلەنەدى. قىزمەت كورسەتۋ ۇدەرىسىنىڭ, نىسانىنىڭ, مازمۇنى مەن ناتيجەسىنىڭ سيپاتتامالارىن قامتيتىن تالاپتار ايقىندالعان. وسىلايشا, ستاندارتتارمەن قىزمەتتەردى الۋ ءۇشىن زاڭدى تۇلعالار ۇسىناتىن قاجەتتى قۇجاتتاردىڭ ءتىزىمى, قىزمەتتەر كورسەتۋدىڭ مەرزىمى, قىزمەتتەردى رەسىمدەۋ كەزىندەگى اگەنتتىكتىڭ ىشكى قىزمەتىن ۇيىمداستىرۋ مەن ونىڭ ءتارتىبى ايقىندالعان. قىزمەت كورسەتۋلەردى توقتاتا تۇرۋ نە ودان باس تارتۋ ءۇشىن نەگىزدەمەلەر بەلگىلەنگەن. ستاندارتتاردا اگەنتتىكتىڭ قىزمەتتى رەسىمدەيتىن قىزمەتكەرلەرى باسشىلىققا الاتىن جۇمىس قاعيداتتارى, ولاردىڭ ارەكەتىنە (ارەكەتسىزدىگىنە) شاعىمدانۋدىڭ ءتارتىبى كورسەتىلگەن. ءاربىر قىزمەت ستاندارتىنا ساپا مەن قولجەتىمدىلىك كورسەتكىشتەرى جانە نورماتيۆتىك ءماندى كورسەتكىشتەر قوسا بەرىلگەن. وسى جارلىق اگەنتتىك كورسەتەتىن قىزمەتتەردىڭ ساپاسىن ارتتىرۋعا مۇمكىندىك بەرەدى جانە الماتى قالاسىنىڭ الەمدىك ستاندارتتارعا ساي باسەكەگە قابىلەتتى قارجى ورتالىعى رەتىندە قالىپتاسۋىنا سەپتىگىن تيگىزەتىن بولادى. جارلىقتىڭ تولىق ءماتىنى “ەگەمەن قازاقستان” جانە “كازاحستانسكايا پراۆدا” گازەتتەرىنىڭ 2010 جىل­عى 12 ناۋرىزداعى نومىرلەرىندە جاريالانىپ, اگەنت­تىكتىڭ www.rfca.gov.kz ينتەرنەت-رەسۋرسىندا ور­نالاستىرىلعان جانە قازاقستان رەسپۋبلي­كاسىنىڭ پرەزيدەنتى مەن قازاقستان رەسپۋبليكاسى ۇكىمەتىنىڭ اكتىلەر جيناعىندا جارىق كورەتىن بولادى. قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى.