ولجالى ورالۋلارىنا تىلەكتەسپىز
سەيسەنبى, 17 شىلدە 2012 7:23
ءتورت جىلدا ءبىر اينالىپ كەلەتىن وليمپيا ويىندارىندا تورتكۇل دۇنيەنىڭ سپورتشىلارى جينالىپ, باقتارىن سىنايدى. وليمپياداعا قاتىسۋدى ارماندامايتىن سپورتشى بولمايدى. ءارينە, ءار سپورتشىنىڭ وسىناۋ الەم جۇرتشىلىعى كوز تىككەن سپورت دوداسىندا ءوز ەلىنىڭ بايراعىن جەلبىرەتىپ, مەملەكەتىنىڭ مەرەيىن ءۇستەم ەتۋگە تىرىساتىنى دا ءسوزسىز.
لوندون وليمپياداسىنا جولداما العان 100-دەن استام سپورتشىنىڭ ىشىندە ءبىزدىڭ ءوڭىردىڭ نامىسىن 62 كيلو سالماقتاعى شتانگاشى فارحاد حاركي مەن 100, 200 مەتر قاشىقتىقتا جانە 4ح100 مەتر ەستافەتادا سىنعا تۇسەتىن سۋدا ءجۇزگىش الەكساندر ءترابريننىڭ قورعاۋى كوڭىلىمىزدى مارقايتادى. بۇل ءبۇكىل سپورتشى قاۋىمىن قۋانىشقا بولەيدى, كەيىنگى تولقىن بالعىن سپورتشىلاردىڭ جاڭا بيىكتەردى باعىندىرۋعا قوزعاۋ سالادى.
سەيسەنبى, 17 شىلدە 2012 7:23
ءتورت جىلدا ءبىر اينالىپ كەلەتىن وليمپيا ويىندارىندا تورتكۇل دۇنيەنىڭ سپورتشىلارى جينالىپ, باقتارىن سىنايدى. وليمپياداعا قاتىسۋدى ارماندامايتىن سپورتشى بولمايدى. ءارينە, ءار سپورتشىنىڭ وسىناۋ الەم جۇرتشىلىعى كوز تىككەن سپورت دوداسىندا ءوز ەلىنىڭ بايراعىن جەلبىرەتىپ, مەملەكەتىنىڭ مەرەيىن ءۇستەم ەتۋگە تىرىساتىنى دا ءسوزسىز.
لوندون وليمپياداسىنا جولداما العان 100-دەن استام سپورتشىنىڭ ىشىندە ءبىزدىڭ ءوڭىردىڭ نامىسىن 62 كيلو سالماقتاعى شتانگاشى فارحاد حاركي مەن 100, 200 مەتر قاشىقتىقتا جانە 4ح100 مەتر ەستافەتادا سىنعا تۇسەتىن سۋدا ءجۇزگىش الەكساندر ءترابريننىڭ قورعاۋى كوڭىلىمىزدى مارقايتادى. بۇل ءبۇكىل سپورتشى قاۋىمىن قۋانىشقا بولەيدى, كەيىنگى تولقىن بالعىن سپورتشىلاردىڭ جاڭا بيىكتەردى باعىندىرۋعا قوزعاۋ سالادى.
ءبىز جەرلەستەرىمىزگە عانا ەمەس, بۇكىل قازاقستاندىق وليمپياداشىلارعا جانكۇيەرمىز, ولاردىڭ تابىستى ورالاتىنىنا سەنىمدىمىز. سەبەبى, ەگەمەن ەلىمىزدە كاسىبي جانە بۇقارالىق سپورتتى دامىتۋعا باسىمدىق بەرىلۋدە, جان-جاقتى جاعداي جاسالۋدا. سپورت حالىقتار اراسىنداعى بىرلىك پەن ىنتىماقتى بەكىتەتىن ەلشى دەسە دە بولعانداي. سونداي-اق, جاس, تاۋەلسىز مەملەكەتىمىزدى الەم جۇرتشىلىعىنا كەڭىنەن تانىتۋدىڭ دا ءبىر مۇمكىندىگى دەپ ويلايمىن. مەن سپورتشى رەتىندە وليمپياداعا قاتىساتىن ارىپتەستەرىمدى ءتۇسىنەمىن. ولار ۇلكەن تولقۋ ۇستىندە. وليمپيادادا ەلىمىزدىڭ كوك بايراعىن جەلبىرەتسەم دەگەن ارمان قاناتىندا جۇرگەندەرىنە سەنىمدىمىن.
«بالاسى اتقا شاپسا, اناسى تاقىمىن قىسىپ وتىرادى» دەگەندەي, ءبىز دە ءار جارىستى اسىعا كۇتەمىز. الىستا بولساق تا ىشتەي وڭىردەن ۇكىلى ۇمىتپەن اتتانعان فحاركي مەن ترابرينگە قولداۋ كورسەتىپ, كوكەيلەرىندە قوناقتاعان بيىكتەردەن كورىنۋلەرىنە تىلەكشى بولىپ وتىراتىنىمىز ءسوزسىز. ءبىزدىڭ بىلۋىمىزشە, ەكەۋى دە جاس سپورتشىلار. بابى كەلىسسە, باعى جانادى دەگەن ويدامىز. اسىرەسە, فارحاد حاركيدىڭ ەل ءبىرىنشىلىگىندە جۇلقا كوتەرۋدە 137 كيلو, سەرپە كوتەرۋدە 180 كيلو ناتيجە كورسەتىپ, قوسسايىستا 317 كيلو كوتەرگەنى وليمپيادادا ءجۇلدەگەرلەر قاتارىنا ىلىگۋدەن ۇمىتتەندىرەدى.
مەن ءوزىم گىر سپورتىمەن اينالىسامىن. گىر سپورتىنان الەمنىڭ ءبىرنەشە دۇركىن چەمپيونىمىن. سوندىقتان دا سپورت جارىستارىن جىبەرمەي قارايمىن. سول ءدۇبىرلى دودالاردا قازاقستاندىقتاردىڭ ءبايگە تورىنەن كورىنگەنىنە ءىشىم بۇرىپ تۇرادى. بۇل جولى دا قازاقستاندىق سپورتشىلار بۇرىنعى وليمپيادادا قول جەتكەن جەتىستىكتەردەن جوعارى بيىكتەردى باعىندىرادى دەپ ويلايمىن. بۇعان بەرىك نەگىز بار. وليمپياداشىلارىمىزدىڭ تالابى وڭ, جولى جارقىن بولسىن, لايىم.
ەۆگەني گونچاروۆ,
گىر سپورتىنان الەمنىڭ ون ءبىر دۇركىن چەمپيونى.
اقتوبە وبلىسى.
