كيىممەن قارسى الىپ, ناتيجەمەن شىعارىپ سالادى
بەيسەنبى, 3 مامىر 2012 7:40
وليمپياداعا 85 كۇن قالدى
لوندون قالاسى ءۇشىنشى ءمارتە جازعى وليمپيا ويىندارىن وتكىزۋگە مۇمكىندىك الدى. بىراق, 1944 جىلعى سوعىستىڭ اسەرى سپورتشىلاردىڭ باسقوسۋىنا كەدەرگىسىن الىپ كەلگەن ەدى. ايتسە دە, لوندون ءۇش رەت وليمپيادا وتكىزۋ ارقىلى الەمنىڭ ايتۋلى قالالارىن ارتقا تاستاعالى وتىر. ءتىپتى, وليمپ وتانى اتانعان افينانىڭ ءوزى بۇل مەجەنى باعىندىرعان ەمەس. بەيبىتشىلىك دەگەنىمىز – وليمپيادا. مۇندا بارلىق ەلدىڭ تاڭداۋلى سپرورتشىلارى مەن جانكۇيەرلەرى قاتىسادى. بايراق تىككە شانشىلىپ, رۋح كوكتە قالىقتايدى. ەرەجەمەن بەكىتىلگەن مايدان الاڭىندا سپورتشىلار ءادىل تۇردە ايقاسقا تۇسەدى. تورتكۇل دۇنيە كوز تىگىپ, الەم نازار سالادى. سپورتشىلاردىڭ الەۋەتى عانا ەمەس, ءجۇرىس-تۇرىسى, كيىمى, جەڭىس پەن جەڭىلىس ۇستىندەگى كەيپى تارازىعا تۇسەتىن شاق.
بەيسەنبى, 3 مامىر 2012 7:40
وليمپياداعا 85 كۇن قالدى
لوندون قالاسى ءۇشىنشى ءمارتە جازعى وليمپيا ويىندارىن وتكىزۋگە مۇمكىندىك الدى. بىراق, 1944 جىلعى سوعىستىڭ اسەرى سپورتشىلاردىڭ باسقوسۋىنا كەدەرگىسىن الىپ كەلگەن ەدى. ايتسە دە, لوندون ءۇش رەت وليمپيادا وتكىزۋ ارقىلى الەمنىڭ ايتۋلى قالالارىن ارتقا تاستاعالى وتىر. ءتىپتى, وليمپ وتانى اتانعان افينانىڭ ءوزى بۇل مەجەنى باعىندىرعان ەمەس. بەيبىتشىلىك دەگەنىمىز – وليمپيادا. مۇندا بارلىق ەلدىڭ تاڭداۋلى سپرورتشىلارى مەن جانكۇيەرلەرى قاتىسادى. بايراق تىككە شانشىلىپ, رۋح كوكتە قالىقتايدى. ەرەجەمەن بەكىتىلگەن مايدان الاڭىندا سپورتشىلار ءادىل تۇردە ايقاسقا تۇسەدى. تورتكۇل دۇنيە كوز تىگىپ, الەم نازار سالادى. سپورتشىلاردىڭ الەۋەتى عانا ەمەس, ءجۇرىس-تۇرىسى, كيىمى, جەڭىس پەن جەڭىلىس ۇستىندەگى كەيپى تارازىعا تۇسەتىن شاق.
سپورتشىلاردىڭ بارلىعى اتاق پەن اقشاعا ءزارۋ دەۋ ارتىعىراق. بىراق, سپورت جانە دەنە شىنىقتىرۋ iستەرi اگەنتتiگiنiڭ توراعاسى تالعات ەرمەگياەۆ وليمپيادا التىنىن العان سپورتشى 250 مىڭ, كۇمىس العاندار 150 مىڭ, قولا جۇلدەگەرلەر 75 مىڭ, ال ۇزدىك التى سپورتشىنىڭ قاتارىنا ەنگەندەر 30 مىڭ اقش دوللارى كولەمىندە سىياقى الادى دەگەن مالىمدەمە جاسادى. ارينە, ءار سپورتشى وليمپ ءتورىن باعىندىرسام دەيدى. ال, رەسەيدە وليمپيادا چەمپيونى اتانعاندارعا – 130 مىڭ, ۋكراينادا – 85 مىڭ, تاجىكستاندا 62 مىڭ دوللار سىياقى بەلگىلەنگەن. 2010 جىلى فۋتبولدان الەم چەمپيوناتى وتەر الدىندا يسپانيا باسشىلىعى فۋتبولشىلارى جەڭىسكە جەتكەن جاعدايدا بۇكىل كوماندا ۇجىمىن اقشانىڭ استىنا كومەمىز دەدى. گەرمانيا مەن گوللانديا باسشىلىعى دا فۋتبولشىلارى ءۇشىن قوماقتى سىياقى دايىندادى. نەگە ەكەنى بەلگىسىز, قارا قۇرلىقتا العاشقى ۇشتىكتەن اتالمىش ءۇش ەلدىڭ كومانداسى كورىندى. سىياقىنىڭ قانشالىقتى ءرول اتقاراتىنىن وسىدان انىق اڭعارۋعا بولادى. جەڭىمپازدارعا جەكە كورسەتىلەتىن قۇرمەت پەن مارتەبە ءوز الدىنا.
لوندون وليمپياداسىندا قازاق سپورتشىلارى ءۇشىن تەك ونەر كورسەتۋ ازدىق ەتەدى. ءماسەلەن, ءار سپورتشى مەملەكەتتىك ءانۇراندى جاتقا ءبىلۋى ءتيىس. وسى ماسەلەگە توقتالار بولساق, لوندونعا جولداما العان سپورتشىلاردىڭ 70 پايىزىن وزگە ۇلت وكىلدەرى قۇرايدى. سول كوپشىلىكتىڭ مەملەكەتتىك ءتىلدى مەڭگەرۋ دارەجەسى دە تومەن. سوندىقتان سپورتشىلارعا جۇلدە الۋ مىندەتىمەن قوسا, ءانۇراندى جاتقا ءبىلۋى ءتيىس دەگەن ماجبۇرلىك قاتار جۇكتەلۋدە.
لوندوندا كەمىندە 3 التىن الامىز دەگەن بولجام بار. ياعني, ماقسات – ءجۇلدەلەر جيىنتىعى بويىنشا العاشقى 30 مەملەكەتتىڭ قاتارىنا ەنۋ. بىراق, ءبىز كۇتكەن مەجە ودان دا بيىك. جاقىندا اقش ساراپشىلارى قازاق سپورتشىلارى لوندوندا 6 بىردەي التىن ءجۇلدەگە قول جەتكىزۋى مۇمكىن دەگەن بولجام جاسادى.
بەيجىڭ وليمپياداسىنا 132 سپورتشى اتتانىپ, بۇرىن-سوڭدى بولماعان ناتيجەگە قول جەتكىزىپ ەدى. ال, لوندونعا 150 سپورتشىنىڭ قاتىسۋ مۇمكىندىگى بار دەگەن بولجام كۇننەن-كۇنگە ازايىپ بارادى. ءدال قازىر وليمپياداعا بەت العانداردىڭ سانى نەبارى 79 عانا. ايتسە دە, سيدنەي تورىندە قازاق سپورتشىلارى سان ەمەس, ساپانىڭ تارازىعا تۇسەتىندىگىن دالەلدەگەن ەدى.
بۇگىندە وليمپيا ويىندارى جوعارى دارەجەدە وتكىزىلەدى. حالىقارالىق جارىستىڭ اشىلۋى مەن جابىلۋ سالتاناتىنا كۇللى الەم كوز سالادى. وسى ورايدا سپورتشىلارعا كورىك بەرەتىن, قاي ەلدىڭ تۇلەگى ەكەندىگىن ايعاقتايتىن سپورتتىق فورماسى دا حالىق كوڭىلىنەن شىعۋى ءتيىس. قازاقتىڭ سپورتشىسىن دا, جاتتىقتىرۋشىسىن دا كورگەن جۇرت الىستان تانيتىنداي كورىك بەرەتىن كيىم كەرەك. ول كيىمدى كىم تىگەدى؟ ماسەلە وسىندا.
سوڭعى ۋاقىتتا قازاقستاندا ايدا قاۋمەنوۆا مەن قۇرالاي نۇرقادىلوۆانىڭ ۇجىمى ۇلتتىق ديزاين ونەرىنىڭ ءورىسىن كەڭەيتىپ, الەمگە تانىتىپ جاتىر دەۋگە بولادى. بەيجىڭ وليمپياداسىنىڭ سالتاناتتى شەرۋىنە قازاقستان سپورتشىلارى كيىپ شىققان فورمانى قۇرالاي نۇرقادىلوۆانىڭ ديزاينەرلەرى تىككەن ەدى. ال, سپورتتىق كيىمدەر – ايدا قاۋمەنوۆا باستاعان ۇجىمنىڭ سۇبەلى ەڭبەگىنىڭ جەمىسى. وليمپيادا تالاپتارى بويىنشا سپورتشىلارعا ارنالعان فورماعا تاعى دا بايقاۋ جاريالانعان-تىن. تەندەرلىك كوميسسيانىڭ شەشىمىمەن بۇل جولى دا قۇرالاي نۇرقادىلوۆانىڭ جولى بولدى. ونىڭ ءونىمى قاي كەزدەگىدەي ۇلتتىق بوياۋعا قانىق ءارى بايراق تۇستەس كوگىلدىر ەتىپ تىگىلىپتى. ادەتتەگىدەي سارى جولاقتار دا وتاندىق ديزاينەردىڭ ونىمىنەن قالىس قالماعان.
سپورتشىنىڭ ونەر كورسەتۋىنە كەز كەلگەن دۇنيە اسەرىن تيگىزەدى. كيگەن جەيدەسى نەمەسە اياق كيىمى دەگەندەي. سپورتشىلاردىڭ بەس قارۋى تۇگەل بولۋى ءۇشىن ماقساتى بيىك, رۋحى كۇشتى, دايىندىعى مىعىم, جەيدەسى كوك, كوزدەگەنى ءدوپ تۇسكەنى ءجون.
الاۋ ەستافەتاسى باستالادى
10 مامىر كۇنى گرەكيانىڭ ەجەلگى وليمپ جەرىندە ححح جازعى وليمپيالىق ويىنداردىڭ الاۋى تۇتانادى.
بۇل الاۋدى ءبىرىنشى بولىپ الىپ ءجۇرۋ قۇرمەتىنە ۇلىبريتانيادا تۋعان گرەك جۇزگىشى, بىلتىر 10 شاقىرىمدىق اشىق سۋدا جۇزۋدەن الەم چەمپيونى اتانعان سپيروس ياننيوتيس يە بولدى. ول سول كۇنى وليمپيانىڭ انتيكالىق كەشەنى اۋماعىندا «ابىز قىزداردىڭ» ءبىرىنىڭ قولىنان الاۋدى الادى.
گرەكياداعى الاۋدى ۇستاپ ءجۇرۋ ۋاقىتى 17 مامىرعا دەيىن سوزىلىپ, ودان كەيىن ول لوندونداعى وليمپيالىق كوميتەتكە تاپسىرىلادى. سول كەزدەن باستاپ, الاۋ وليمپيادانىڭ اشىلۋ سالتاناتىنا دەيىن انگليا, شوتلانديا, سولتۇستىك يرلانديا مەن ۋەلستى ارالاپ كەتەدى.
كۇرەس
بايدۋاشەۆتە جولداما بار
قىتايدىڭ تايۋان قالاسىندا كۇرەستۇرلەرىنەن ءوتىپ جاتقان تۋرنيردە ەركىنكۇرەستەن 84 كيلو سالماقتاعى ازياويىندارىنىڭ جۇلدەگەرى ەرمەكبايدۋاشەۆ وليمپيادا جولداماسىنيەلەندى.
وكىنىشكە قاراي, وسى تۋرنيردە 96 كيلوداعى گرەك-ريم كۇرەسىنىڭ بالۋانى جاسۇلان سىدىقوۆ پەن 55 كيلوداعى ايەلدەر كۇرەسىنىڭ وكىلى ايجان سماعۇلوۆا جولدامادان تىسقارى قالدى. سودان كەيىن گرەك-ريم كۇرەسىندەگى تاعى ءبىر بالۋانىمىز اسحات قۇدايبەرگەنوۆ تە (55 كگ.) جەڭىلىس تاپتى. اسحات العاشقى اينالىمدا ءسۇرىندى.
ەندى ءبىزدىڭ بالۋاندار ەرتەڭ, 4 مامىر كۇنى فينليانديانىڭ حەلسينكي قالاسىندا وتەتىن كۇرەس تۇرلەرىنەن الەم چەمپيوناتىندا لوندون ليتسەنزياسىن تاعى دا ساراپقا سالىپ كورەدى. بۇل بارلىق ەلدەردىڭ وليمپياداعا جولداما الا الماعان بالۋاندارىنا بەرىلگەن سوڭعى مۇمكىندىك.
دزيۋدو
ەسەسىن جازدا قايتارادى
تاشكەنتتە دزيۋدودان وتكەن ازيا چەمپيوناتىندا قازاقستان قۇراماسى 1التىن, 1 كۇمىس جانە 1 قولا مەدالدى يەلەندى. وسى سىندا التىن جۇلدەنىسەرگەي ليم, كۇمىستى گۇلجان يسانوۆا جەڭىپ السا, ۆيكتور دەميانەنكو قولاجۇلدەنى قاناعات تۇتتى.
وسىلاردىڭ ىشىندە سەرگەي ليم مەن گۇلجان يسانوۆا ءۇشىن وليمپيادا ەسىگىن ايقارا اشاتىن بولادى. بۇل جارىستا 66 كيلوداعى ليم بارلىق بەلدەسۋلەرىن جاقسى وتكىزىپ, ءبىرىنشى ورىنعا كوتەرىلسە, يسانوۆا ءۇشىن جارىس اناۋ ايتقانداي وڭاي بولعان جوق. ول فينالدا وليمپيادالىق رەيتينگتىڭ ەكىنشى ساتىسىندا تۇرعان قىتاي چين كيانگكە ەسە جىبەردى. دەگەنمەن, گۇلجان ەلگە وليمپيادادا قىتاي قىزىنان ەسەنى قايتارامىن دەپ كەلىپ وتىر. ونىڭ ايتۋىنشا, فينالدا كۇرەسكەن قىتايدىڭ سالماعى ودان بىرنەشە ەسە اۋىر بولعان. سوندىقتان ول ودان وسىمەن ەكىنشى رەت جەڭىلىس تاپقان. دەسەك تە, يسانوۆا وسى جەڭىلىسىنە ەش وكىنبەيتىن سياقتى. «ەڭ باستىسى – لوندونعا جولداما قالتادا, سول بەلدەسۋدە قىتاي بالۋانىن جەڭۋگە تىرىسامىن», دەيدى ول.
اكادەميالىق ەسكەك ەسۋ
لوندونعا ەكى ليتسەنزيا
كورەيانىڭ چحۋندجۋ قالاسىندا اكادەميالىق ەسكەك ەسۋدەن وتكەن حالىقارالىق تۋرنيردە قازاقستان قۇراماسى ەكى جولداماعا يە بولدى.
بۇل سىندا ءبىزدىڭ ەلىمىزدەن ليتسەنزيانى سۆەتلانا گەرمانوۆيچ پەن ۆلاديسلاۆ ياكوۆلەۆ يەلەندى. العاشقى بولىپ گەرمانوۆيچ نامىستى قولدان بەرمەسە, جەكەلەي سىندا جاسوسپىرىمدەر اراسىنداعى ازيا چەمپيونى, ازيا ويىندارىنا قاتىسقان ياكوۆلەۆ تە فينالعا شىعىپ, ۇزدىك سەگىزدىككە ەندى. بۇل – ءبىزدىڭ اكادەميالىق ەسكەك ەسۋشىلەردىڭ العاشقى جولداماسى. ال جالپى, وسى تۋرنيرگە قازاقستاننان 5 ەسكەك ەسۋشى بارعان بولاتىن. وسى باسەكەدە ءبىزدىڭ ەلدەن باسقا يران, ءۇندىستان, سيانگان (قىتاي) ەكى-ەكىدەن جولداما السا, وڭتۇستىك كورەيا, مەن جاپونيا ءۇش ليتسەنزيادان, قىتايلىق تايپەي, تايلاند پەن ۆەتنام ءبىر جولدامادان يەلەندى.
بوكس
بىلعارى قولعاپتار تاعى تۇيىسەدى
وسى اپتادا الماتىدا بوكستان ەرەسەكتەر اراسىنداعى پرەزيدەنت ن.نازارباەۆتىڭ جۇلدەسى ءۇشىن حالىقارالىق تۋرنير باستالدى. وعان قازاقستان, كۋبا, ۋكراينا, رەسەي, ءۇندىستان, قىرعىزستان, تاجىكستان, تۇركىمەنستان, الجير, سيريا مەن شۆەتسيادان بىلعارى قولعاپ شەبەرلەرى قاتىسۋدا.
ءبىزدىڭ قۇرامادا بۇل سىنعا ءبىرىنشى, ەكىنشى جانە ءۇشىنشى ءنومىرلى بوكسشىلار شىعۋدا. ءتۋرنيردىڭ العاشقى كۇنى 10 بوكسشىمىزدىڭ ءبارى ءوز سالماقتارىندا جەڭىسكە جەتتى. ولاردىڭ ىشىندە كەشە عانا وليمپيادا ليتسەنزياسىن يەلەنگەن دانيار ەلەۋسىنوۆ, دانابەك سۋجانوۆ بولدى. ال كەشە كەشكىسىن رينگكە قانات ءابۋتالىپوۆ شىعىپ, قولعاپ ءتۇيىستىردى.
تۋرنيرگە رەسەي مەن ۋكراينا بوكسشىلارى ەكىنشى جانە ءۇشىنشى ءنومىرلى وكىلدەرىمەن كەلدى. ۇلتتىق قۇرامانىڭ باس باپكەرى مىرزاعالي ايتجانوۆتىڭ ايتۋىنشا, وسى تۋرنير بوكسشىلارىمىز ءۇشىن ماڭىزدى. بۇل سىنعا ەلىمىزدىڭ ۇلتتىق قۇراماسى استاناداعى ىرىكتەۋ تۋرنيرىنەن كەيىن ءۇندىستان بوكسشىلارىمەن جاتتىعىپ, جاقسى دايىندىقپەن كەلىپ وتىر.
وسى باسەكەدەن كەيىن بوكسشىلار شىلدە ايىندا الماتىنىڭ ماڭىنداعى اقبۇلاق بازاسىندا جالپى جاتتىعۋلارىن وتكىزىپ, وليمپياداعا دايىندىقتارىن تاعى ءبىر پىسىقتاپ الادى. بۇل كەزدەسۋ ولاردىڭ لوندونعا اتتانار الدىنداعى سوڭعى جاتتىعۋلارى بولادى.
دايىنداعان داستان كەنجالين.
