نە ءوزى جاراتپايدى, نە وزگەگە قيمايدى
بەيسەنبى, 13 قىركۇيەك 2012 7:15
قازىر بىلاي قاراعاندا, ەگىن ەگىلەتىن, مال جايىلاتىن جەر جەتكىلىكتى-اق كورىنەدى. الايدا پايدالانۋعا كەلگەندە بوس جەر جوقتىعى الدان شىعا كەلەتىنى بار. اياق استىنان قوجايىنى تابىلا كەتەدى, الىستاعى بىرەۋدىڭ مەنشىگىندە ەكەنى ەسكەرتىلىپ, ماڭايىنا جولاتىلمايدى. ءبىرنەشە جىل بويى جۋسان بويلاپ, ءارامشوپ قاۋلاپ جاتقانىنا قاراپ يەسىز بولار دەپ بولجانادى عوي. ءايتپەسە جايدان-جاي جۇعىسۋعا كىم شاتاق ىزدەر دەيسىز.
بەيسەنبى, 13 قىركۇيەك 2012 7:15
قازىر بىلاي قاراعاندا, ەگىن ەگىلەتىن, مال جايىلاتىن جەر جەتكىلىكتى-اق كورىنەدى. الايدا پايدالانۋعا كەلگەندە بوس جەر جوقتىعى الدان شىعا كەلەتىنى بار. اياق استىنان قوجايىنى تابىلا كەتەدى, الىستاعى بىرەۋدىڭ مەنشىگىندە ەكەنى ەسكەرتىلىپ, ماڭايىنا جولاتىلمايدى. ءبىرنەشە جىل بويى جۋسان بويلاپ, ءارامشوپ قاۋلاپ جاتقانىنا قاراپ يەسىز بولار دەپ بولجانادى عوي. ءايتپەسە جايدان-جاي جۇعىسۋعا كىم شاتاق ىزدەر دەيسىز.
ەل ءىشى تىرلىگىنىڭ تىرەگى مال بولعان سوڭ كوسىلگەن شابىندىق كەرەك, جايقالعان جايىلىم قاجەت. كەيىنگى كەزدە تۇياق قاراسى ۇلعايعان سايىن جان-جاققا كوز سۇزۋشىلەر كوپ. شىركىن, اناۋ توسكەيگە, مىنا ويپاڭعا ءت ۇلىگىمدى ورىستەتسەم دەگەن وي كەلەر ەمەس پە اركىمگە. ماسەلەن, قاراعاندى ايماعى اۋىلدارىنىڭ ءارقايسىسىنان كەم دەگەندە 1 مىڭنان سيىر, 2 مىڭنان قوي, 500-دەن جىلقى ورەدى. الايدا باعاتىن جايىلىم جىلدان-جىلعا تارىلىپ بارادى. اسىرەسە, ەگىنى مەن كوكونىس القابى ىرگەسىنە دەيىن تىرەلگەن مەكەندەر مالدارى ارىگە اتتاپ باسا المايدى. قورا جانىنان ۇزارلىق بوس جەر قالماعان. مىسال ءۇشىن, نۇرا اۋدانىنداعى پرجەۆال سەلوسى مال يەلەرىنىڭ وسىنداي قيىندىققا ۇشىراعانىنا بىرنەشە جىل. ارنايى ءورىس ءبولىنۋ, جاراتىلماي جاتقان جەرلەردى قايتارۋ جونىندە اۋداندىق اكىمدىك مازالانىپ باققانىمەن قاشان قۇلاق اسىلارى بەلگىسىز ءالى. بۇل وڭىردەگى قاراوي اۋىلىندا دا وسىنداي جاعداي. اينالاسىن ادام بويىمەن بىردەي جۋسان باسىپ كەتكەن اتىراپ مالعا دا جۇعىمسىز, ەگىنگە دە زالالدى. جۋسان ءيىسى سىڭگەن بيداي ءوتىمسىز بولىپ جاتادى.
وسىلايشا ەشكىمگە پايداسى تيمەي, ەشكىمگە قيىلماي, جۇرتتىڭ يگىلىگىنە جاراتىلماي جاتقان جەرلەر كولەمى باسقا ايماقتاردا دا از ەمەستىگى بايقالىپ ءجۇر. بۇلاي بولا بەرۋى ەندى جاراسپايتىندىعىن ايتۋدىڭ ارتىقتىعى جوق سياقتى. بۇل رەتتە جەردى تۇگەندەۋ شاراسىنان ءۇلكەن قوزعاۋ كۇتىلەدى دەسەك, سونى ەستە ۇستاعان ءجون-اۋ. تۇگەندەلسىن, باقىلاۋعا قويىلسىن, كادەگە اسىرىلماسا قايتارىلسىن, ىرىزدىعىنا مال-جان كەنەلۋىن ءتىلەيدى كوپشىلىك.
ايقىن نەسىپباي,
«ەگەمەن قازاقستان».
قاراعاندى.
