ارالاس نەكەنى اشىق ناسيحاتتاعانى قالاي؟
سەنبى, 19 مامىر 2012 7:42
قازاق «جولى جىڭىشكە», «جارتجۇرتتىققا جارالعان» قىز بالانى قانشا ماپەلەسە دە, قىرىق ۇيدەن تىيىم سالا بىلگەن. سوعان وراي ۇلتتىق ءتالىم-تاربيەنى تال بويىنا ۇيالاتىپ, زەردەسىنە توقىپ وسكەن. ەلى مەنەن ەرىنىڭ تىلەۋىن تىلەپ, اسىل جار, جاقسى كەلىن, ونەگەلى انا بولۋدى ءپىر تۇتقان.
سەنبى, 19 مامىر 2012 7:42
قازاق «جولى جىڭىشكە», «جارتجۇرتتىققا جارالعان» قىز بالانى قانشا ماپەلەسە دە, قىرىق ۇيدەن تىيىم سالا بىلگەن. سوعان وراي ۇلتتىق ءتالىم-تاربيەنى تال بويىنا ۇيالاتىپ, زەردەسىنە توقىپ وسكەن. ەلى مەنەن ەرىنىڭ تىلەۋىن تىلەپ, اسىل جار, جاقسى كەلىن, ونەگەلى انا بولۋدى ءپىر تۇتقان.
وكىنىشتىسى سول, بۇگىندە قىزدارىمىزدىڭ كەي قىلىقتارى قاراداي تۇڭىلدىرەدى. جات ادەتتەرگە ەلىكتەپ, تاعىلىمدى داستۇرلەردەن الشاقتاپ كەتكەنى سونشالىق, ونىڭ سوڭى وپا بەرمەس نەشە ءتۇرلى كەلەڭسىزدىكتەرگە ۇلاسىپ بارادى. بۇلاي تۇڭىلە سويلەۋىمە مىنا وعاش جايت تۇرتكى بولىپ, قولىما ەرىكسىز قالام الدىرتتى. وبلىس ورتالىعىندا قازاقستان حالقى بىرلىگى مەيرامى تويلانىپ جاتقان. ۇلتتىق-مادەني بىرلەستىكتەرگە گرانت تاپسىرۋ راسىمىنەن كەيىن ورتاعا جاس جۇبايلار ۇلكەن سالتاناتپەن شاقىرىلىپ, ارنايى سىي-سياپات جاسالدى. وسى كەزدە مەرەكەلىك كوڭىل-كۇيىم سۋ سەپكەندەي باسىلىپ سالا بەردى. ءاپ-ادەمى قارىنداسىمىزدىڭ وزگە ۇلت وكىلىنىڭ ەتەگىنەن ۇستاعانى ەرسى, وعاش كورىنگەنىنە ەمەس, ارالاس نەكەنى اشىق ناسيحاتتاپ, مەملەكەتتىك ساياساتتىڭ ءبىر باعىتىنا اينالدىرىپ جىبەرگەن پەتروپاۆل قالالىق اكىمدىگى مەن ىشكى ساياسات ءبولىمىنىڭ ۇستانىمىنا قاتتى قاپالاندىم. جەرگىلىكتى ازاماتتىق حال اكتىلەرىن تىركەۋ مەكەمەسىنىڭ دەرەكتەرى شوشىندىرادى. وعان قاراپ قازاق قىزدارىنىڭ باسقا ۇلت وكىلدەرىنە تۇرمىسقا شىعۋى, ولاردىڭ جەتەگىندە تەڭىز, مۇحيت اسىپ كەتۋى قالىپتى ۇردىسكە اينالعان با دەپ قالاسىڭ.
ولاي بولسا, جەرگىلىكتى ورىنداردىڭ ۇلاعاتتى ۇرپاق ءوسىرىپ وتىرعان التىن قۇرساقتى, ناعىز قازاقى انالار مەن وتباسىلاردى ۇلگى ەتۋدىڭ ورنىنا ارالاس نەكەنى اشىق دارىپتەپ, جۇرتشىلىققا جار سالۋىنا جول بولسىن؟!.
باقىت رامازان.
پەتروپاۆل.
