كۇيەۋگە شىققان قىز
سەنبى, 14 ءساۋىر 2012 7:05
ول قىزىقتان قۇر قالا ما؟
«مەنىڭ قىزىم اناۋ-مىناۋ ەمەس, ەۋروپادا ءبىلىم الدى…» دەپ, كۋپەدە كۇپىنىپ وتىرعان كەكسەلەۋ ايەلگە:
– قىزىڭىزدىڭ جاسى نەشەدە؟ – دەپ, توتەدەن ساۋال تاستادىم.
كۇيەۋگە شىققان قىز
سەنبى, 14 ءساۋىر 2012 7:05
ول قىزىقتان قۇر قالا ما؟
«مەنىڭ قىزىم اناۋ-مىناۋ ەمەس, ەۋروپادا ءبىلىم الدى…» دەپ, كۋپەدە كۇپىنىپ وتىرعان كەكسەلەۋ ايەلگە:
– قىزىڭىزدىڭ جاسى نەشەدە؟ – دەپ, توتەدەن ساۋال تاستادىم.
– جيىرما بەستە.
– تۇرمىسقا شىقتى ما؟
– جوعا…
– نەگە؟
– ويباي-اۋ, كۇيەۋ قايدا قاشادى, سونشا اسىعاتىن نە بار, قىزىم جاس, ءالى دە ءومىردىڭ قىزىعىن كورسىن… ويىن-تويعا بارسىن, ارمانسىز ك ۇلىپ-ويناسىن…
ءسال ويلانىپ وتىردىم دا: «ءومىردىڭ قىزىعى دەگەن نە؟ ويناپ-كۇلسىن دەيسىز, سوندا ول قانداي قىزىق؟» دەپ ادەيىلەپ سۇراق قويدىم.
كەكسە ايەل ءسال توسىلىڭقىراپ بارىپ: «ءومىردىڭ قىزىعى دەگەن… ەندى ءارتۇرلى ءنارسەلەر عوي… جەر كورىپ, ويناپ-ك ۇلىپ, ماشينا ءمىنىپ, جۇمىس ىستەپ, ءساندى كيىم كيىپ, دەگەندەي…» دەپ ءسوزىنىڭ اياعىن جۇتىپ قويدى.
مەن:
– قىزىڭىز سوندا كۇيەۋگە تيمەي قانداي قىزىق كورۋ كەرەك؟ كۇيەۋگە تيگەن قىز ك ۇلىپ-ويناي الماي ما, الدە ءساندى كيىم كيە الماي ما, ماشينا مىنە الماي ما؟ الدە كۇيەۋگە ءتيدىڭ دەپ استىنداعى ماشيناسىن گاي تارتىپ الا ما؟ تۇرمىسقا شىققان قىز قانداي «قىزىقتان» قۇر قالۋى ءمۇمكىن؟ – دەپ باستىرمالاتا جونەلدىم.
بايقايمىن, مەنىڭ سوزدەرىم كورشىمنىڭ جۇرەگىنە كىلكىگەن مايداي ءتيىپ وتىر. جاقتىرماي قالدى. ۇيقىسىنان ويانعان ايداھار سياقتى ماعان ىزبار شاشا قارادى. جۇزىنە قاراسام, الا جازداي سارى شىركەي ۇيالاعان سارى سۋدىڭ تۇسىندەي سازارىپ العان…
– ەلدەن اتتاپ شىقپاعان سەندەر نە بىلەسىڭدەر, قىزىقتىڭ ءبارى شەتەلدە عوي. ەشتەڭەدەن قۇر قالمايدى. كۇيەۋ دە سول جاقتان تابىلادى.
وسىنى ايتتى دا كەكسە ايەل كۋپەدەن شىعىپ كەتتى. مەن جاۋتاڭداپ, كورشى وتىرعان سارىكىدىر كوكەمە قارادىم. كوكەم مىڭق ەتپەيدى. الدەن كەيىن ىڭىرانىپ: «مەنىڭ دە قىزىم شەتەلدە وقيدى, كۇيەۋ بالام دا سول جاقتان…» دەدى. مەن تىنىش وتىرماي: «قازاق شىعار؟», دەدىم. كوكەم الدىنداعى سەمىز قازىدان ءبىر كەرتىپ اساپ الدى دا, ماعان اجىرايىپ قارادى. «جوق» دەدى, «قازاق ەمەس».
ال, ايتارعا ءسوز تاپشى! پويىزدان ءتۇسىپ قالماسىڭ انىق. ءارى قاراپ اۋناپ ءتۇسىپ, كوكىرەگىڭدى ۇلىتاسىڭ-اۋ ءبىر.
ۇلاربەك نۇرعالىم ۇلى.
استانا.
