پاۆلوداردا سوت ۇكىمى جۇرمەي مە؟

جۇما, 14 قىركۇيەك 2012 7:42

شىنى كەرەك, ءبىز دە وسى سۇ­راق­قا جاۋاپ تابا الماي وتىرمىز. نەگە دەسەڭىز قو­لى­مىزدا جوعار­عى سوتتىڭ ەكى جانە پاۆلودار وبلىس­تىق كاسساتسيالىق سوتىنىڭ قاۋلىسى بار, بىراق, سەن­سە­ڭىز دە, سەن­بە­سەڭىز دە, سول قاۋ­لىلاردان پاۆلودار وب­لى­سىن­دا قاي­ران از سەكىلدى. ءبىز­دىڭ ءما­سە­لەمىز بويىنشا ءادىل­دىك­تىڭ اق وتاۋى – جو­عارعى سوت­تىڭ ەكى قاۋلىسى جانە پاۆلودار وبلىس­تىق كاسساتسيا­لىق سوتىنىڭ  قاۋلىسى شىق­سا دا, ونىڭ ورىن­دال­ماۋى كوڭىل­گە كۇدىك ۇيا­لا­تا­دى.

جۇما, 14 قىركۇيەك 2012 7:42

شىنى كەرەك, ءبىز دە وسى سۇ­راق­قا جاۋاپ تابا الماي وتىرمىز. نەگە دەسەڭىز قو­لى­مىزدا جوعار­عى سوتتىڭ ەكى جانە پاۆلودار وبلىس­تىق كاسساتسيالىق سوتىنىڭ قاۋلىسى بار, بىراق, سەن­سە­ڭىز دە, سەن­بە­سەڭىز دە, سول قاۋ­لىلاردان پاۆلودار وب­لى­سىن­دا قاي­ران از سەكىلدى. ءبىز­دىڭ ءما­سە­لەمىز بويىنشا ءادىل­دىك­تىڭ اق وتاۋى – جو­عارعى سوت­تىڭ ەكى قاۋلىسى جانە پاۆلودار وبلىس­تىق كاسساتسيا­لىق سوتىنىڭ  قاۋلىسى شىق­سا دا, ونىڭ ورىن­دال­ماۋى كوڭىل­گە كۇدىك ۇيا­لا­تا­دى. نەگە دەيسىز عوي؟ سەبەبى, ءبىز, ياعني, «ادامو­ۆا ن.ق» شارۋا قو­جا­لى­عى سوناۋ 1998-1999 جىل­­دارى پاۆلودار وبلى­سى­نا قا­راس­تى جەلەزين اۋدا­نىنداعى «مير­نىي» ءون­­دىرىستىك كووپەراتيۆىنەن تولەن­بە­گەن جالاقى ەسەبىنە جەتى گەكتاردان اسا جەر­گە ورنا­لاس­قان استىق قويماسىن, استىق قىر­مانىن, ەكى تارازى عيماراتىن, جىلىجاي, كەڭسە, اسحانا, اۋىل­شا­رۋاشىلىق تەحنيكالار مەن قۇ­رال-ساي­مان­دار­دى ساتىپ العان­بىز. الايدا بۇل قۋانىشىمىز ۇزاققا بار­ما­دى. 2003 جىلى اۋدان اكىمى مەن جەر كوميسسيا­سى­نىڭ جانە ت.ب. مەكەمە باسشىلارى ءبىزدىڭ, ياعني «اداموۆا ن.ق» شارۋا قوجالى­عى­نىڭ 7,104 گەكتار جەر تەلىمىن م ۇلىكتەرىمەن قوسا   س.اۋشەۆ­تىڭ قولاستىنداعى «ماكو» شارۋا قو­جالىعىنا قۇجات­تا­رىن دايىن­داپ, وتكىزىپ قويىپتى.

سودان ءبىز دە ارىزداندىق, بىتپەس داۋ باستالدى. جۇمىس ىستەۋ جايىنا قالدى. ءبارى «ماكو» شق-عا جەرلەرىڭدى ءۇنسىز عانا بەرە سالىڭىزدار دەيدى. ءبىز ەڭبەك اقى­مىزعا ساتىپ العان دۇنيەمىزدى نەگە بەرەمىز دەپ سوتقا باردىق. بىراق نەگە ەكەنى بەلگىسىز «ماكو» شق سويىلىن سوعۋشىلار كوپ بولدى. ارينە, وسىنىڭ سال­دارىنان ءبىز پاۆلودار وبلى­سى­نىڭ مامان­دان­دىرىلعان اۋدان­ارا­لىق ەكو­نو­ميكالىق سوتىندا جانە پاۆلودار وبلىستىق ازا­مات­تىق سوتىندا جەڭىلىس تاپتىق. بىراق «اققا قۇ­داي جاق» دەگەن, جوعارعى سوت اقيقاتتى اشىپ, شىڭدىقتى اي­تىپ, بارلىق جال­عان قۇجاتتار مەن وتكەن سوت شە­شىمدەرىنىڭ كۇشىن جويدى.
ماسەلەن, سوناۋ 2008 جىلدىڭ 24 جەلتوقسانىندا جوعارعى سوت ءوزىنىڭ قاۋلىسىمەن اۋداندىق اكىم­نىڭ 2003 جىلدىڭ 13 قارا­شا­سىندا شىعارعان «اداموۆ ن.ق» شق-نىڭ 7,104 گەكتار جەر تەلىمىن «ماكو» شق بەرۋ تۋرالى شە­شىمىنىڭ جانە ونى زاڭداستىرعان باسقا دا بارلىق قۇجاتتاردىڭ كۇشىن جويۋ تۋرالى قاۋلى ەتتى. مۇنداي شەشىمدى اناۋ-مىناۋ ەمەس جوعارعى سوت شىعاردى عوي, سوندىقتان دا ەندى بار ماسەلەگە وسىمەن نۇكتە قويىلعان شىعار دەپ ويلاعانبىز. جوق, بۇعان پاۆلودار وبلىستىق, اسىرەسە جەلەزين اۋدانىنىڭ سالا باسشىلارى پىس­قىرىپ تا قارامادى. سەبەبى, بۇل داۋ ودان ءارى تاعى جالعاسىپ, 2010 جىلى پاۆلودار وبلىستىق كاس­سا­تسيالىق سوتىنا تاعى جەتتى. بۇعان دەيىن قارسى تاراپ جاقتان تالاي قۇجات جاڭا­دان دايىندالىپ, ەسكىسى بۇرما­لا­نىپ تۇزەتىلدى. بىراق, اتالعان سوت  جالعاندىقتى تەز اڭعا­رىپ, ادىلدىكتى اشىپ بەردى. ءبىزدىڭ تالاپ ارىزىمىز قانا­عاتتاندى­رىل­دى. ەندى بۇل داۋعا وسىمەن نۇكتە قويىلعان شىعار دەيسىز عوي. جوق.
سونىمەن جوعارعى سوتتىڭ جانە پاۆلودار وبلىستىق سوتى­نىڭ, ياعني ەكى بىردەي سوت قاۋلىسى دا ورىندال­مادى. اۋدان اكىمى زاڭ تالابىنا ساي وڭ ارەكەت جا­سا­مادى. جەلەزين اۋدا­نىنىڭ پروكۋرورى ۆ.دا­ۆى­دەنكوعا جۇگىن­گە­نى­مىز­بەن تۇك شىق­پا­دى. جە­لە­زين اۋدانى جەر كو­ميس­­سياسىنىڭ مۇشە­لە­رى بو­لىپ تابىلا­تىن, ياعني جەلەزين اۋدا­نى­نىڭ اكىمى ج.شۇعاەۆ, جەر قاتى­ناس­تارى ءبولىمى­نىڭ باستىعى پ.لامپارتەر, ميحايلوۆ اۋىلدىق وكرۋگىنىڭ اكىمى گ.گورياچەۆا, اۋداندىق ءادى­لەت باسقار­ما­سىنىڭ باس­تى­عى ۆ.گۋرينا جانە بىرقاتار سالا باسشى­لا­رى, نەگە ەكەنى بەلگىسىز, اتال­عان جەر تەلىمىن سوت قاۋ­لىسىنا ساي «اداموۆا ن.ق» شارۋا قوجالىعىنا, ياعني بىزگە رەسىمدەۋدەن باس تارت­تى. سودان جوعارعى سوتتىڭ ازاماتتىق جانە اكىمشىلىك ءىس بويىنشا قاداعالاۋ القا­سى­نىڭ سوتى 2011 جىلدىڭ كۇ­زىندە تاعى ءوتتى. ونىڭ شىعارعان شەشىمىندە تايعا تاڭدا باسقان­داي, جەلەزين اۋداندىق ادىلەت باسقارما­سىنىڭ جەر تەلىمىن تىركەمەۋى دۇرىس ەمەستىگىن, «اداموۆا ن.ق» شارۋا قو­جا­لى­عىنا جو­عارىدا اتالعان جىلجى­مايتىن م ۇلىكتەر­دى مەملەكەتتىك قۇقىق­تىق تىركەۋ جۇرگىزۋ ءۇشىن مەملەكەتتىك تىركەۋ ورگانىن مىندەتتەۋ قاجەت ەكەندىگى قاۋلى ەتىلدى. ءبىزدىڭ, ياعني «اداموۆا ن.ق» شق ءوتىنىشى تاعى دا قانا­عات­تان­دىرىلدى. الايدا, باياعى جارتاس – سول جارتاس قال­پىن­دا تۇر. نەلىكتەن پاۆلودار وبلى­سىندا جوعارعى سوتتىڭ قاۋ­لىلارى ورىن­دالمايدى؟ وب­لىس اكىمىنە دە كىردىك. باس پروكۋراتۋراعا دا ارىز بەردىك. بارىنە باردىق. باس­قا ەندى ءبىزدىڭ بارار جەرىمىز قالمادى. نە ىستەۋ كەرەك, اعايىن؟
ءنازيزا اداموۆا,
«اداموۆا ن.ق» شق جەتەكشىسى.
پاۆلودار وبلىسى,
جەلەزين اۋدانى.