- بيىلعى جىلى جۇگىرۋ ەڭ جاپپاي بولدى جانە قازاقستاننىڭ بارلىق وڭىرلەرى مەن شەتەلدەن ءۇش مىڭعا جۋىق قاتىسۋشىنىڭ باسىن قوستى. قاتىسۋشىلارعا 42, 21, 10, 3 جانە 1,2 شاقىرىمدى جۇگىرىپ وتۋگە تۋرا كەلدى, دەيدى «باتىس» وڭىرلىك قولباسشىلىعىنىڭ ءباسپاسوز قىزمەتىنەن كاپيتان رۋستەم يگيسينوۆ.
3 شاقىرىم قاشىقتىقتا «باتىس» وڭىرلىك قولباسشىلىعى اسكەرلەرى قولباسشىسى باسقارماسىنىڭ وفيتسەرى پودپولكوۆنيك تايلان احمەتوۆ جەڭىمپاز اتاندى. جۇلدەگەرلەر ۇشتىگىنە اتىراۋ گارنيزونى اسكەري پوليتسيا بولىمشەسىنىڭ اسكەري قىزمەتشىسى اعا سەرجانت امانگەلدى يمانوۆ ءىلىندى. ال ەڭ اۋىر 42 شاقىرىمدىق ديستانتسيادا 41433 اسكەري ءبولىمىنىڭ اسكەري قىزمەتشىلەرى 3 ورىندى يەلەندى. اعا لەيتەنانت سەرگەي سادريەۆ 26-36 جاس ارالىعىندا 3 بولىپ مارە سىزىعىن كەسسە, اعا سەرجانت جاسۇلان جۇماعۇلوۆ 18-25 جاس ارالىعدا ۇشتىككە كىردى. بارلىق قاتىسۋشىلار ەستەلىك مەدالدارعا, اقشالاي جۇلدەلەر مەن سىيلىقتارعا يە بولدى.
