ماڭعىستاۋدا اسسامبلەيا وكىلدەرى قوشقار اتا قاۋىمىنا سەنبىلىك جۇمىستارىن جۇرگىزدى

- سەنبىلىككە ماڭعىستاۋ وبلىسى قازاقستان حالقى اسسامبلەياسىنىڭ وكىلدەرى, «جاڭعىرۋ جولى» وڭىرلىك شتابىنىڭ, «نۇر وتان» پارتياسى وبلىستىق فيليالى جانىنداعى «جاس وتان» جاستار قاناتىنىڭ, «بەلسەندى ۇزاق ءومىر ءسۇرۋ ورتالىعىنىڭ» جانە «E&W Mangystau» وكىلدەرى قاتىستى. الدارىنا قالامەن قاتار تاريحي ورىنداردى دا تازا ۇستاۋ ماقساتىن قويعان سەنبىلىككە قاتىسۋشىلار جاستارعا قورشاعان ورتانى قورعاپ, تاريحي ەسكەرتكىشتەردى قاستەرلەپ ساقتاۋعا ۇيرەتەدى, دەيدى «دوستىق» ءۇيىنىڭ ديرەكتورى ا.جايىلحانوۆا.

اقتاۋ قالاسىنان 20 شاقىرىم قاشىقتىقتا ورنالاسقان قوشقار اتا قورىمى -كونە ءداۋىردىڭ  كۋاسى. دەرەكتەر بۇل جەردە بۇدان ون عاسىر بۇرىنعى قويىلىمدار بار ەكەندىگىن ايتادى.

ەڭبەك مەرەكەسى دۇعا وقۋمەن باستالدى. جينالعاندار دىنىنە نەمەسە ۇلتىنا بولىڭبەستەن, ءبىر ءۇيدىن بالاسىنداي الاقاندارىن جايىپ, زيارات ەتتى. سەنبىلىككە قاتىسقان اقساقال - «ۋيگۋرى اكتاۋ» ۇيعىر ەتنومادەني بىرلەستىگىنىڭ توراعاسى ءاسيمجان ءالىمجانوۆ «وسىنداي كورىنىستەر ادامدى قۋانتىپ, جىگەرلەندىرەدى» دەپ, بۇل دوستىق پەن تاتۋلاستىقتىن بەلگىسى ەكەندىگىن ايتتى.

- مەنىڭ وسى وڭىردە تۇرعانىما 42 جىل بولدى, دەدى «ساكارتۆەلو» گرۋزين ەتنومادەني بىرلەستىگىنىڭ توراعاسى اۆتانديل گاۆاشەليشۆيلي, -ماڭعىستاۋ وبلىسى قازاقستان حالقى اسسامبلەياسى ۇيىمداستىرعان بارلىق ءىس-شارالارعا ءبىزدىڭ ەتنومادەني بىرلەستىگىمىز بەلسەندى تۇردە اتسالىسادى. ءبارىمىزدى ءبىر شاڭىراق استىنا بىرىكتىرەتىن وسىنداي ۇيىم قۇرعانى ءۇشىن ەلباسىنا العىس ايتامىز. بۇگىنگى وتىرىزىلعان جاس بۇتاقتار بولاشاقتا ۇلكەن اعاش بولىپ وسەتىنى ءسوزسىز. بىزبەن بىرگە سەنبىلىككە جاستاردىڭ دا كەلگەنى كوڭىلگە قۋانىش ۇيالاتىپ تۇر.

- ەلىمىزدىڭ تۇڭعىش پرەزيدەنتى ن.نازارباەۆتىڭ «رۋحاني جانعىرۋ» باعدارلامالىق ماقالاسىندا حالىقتىڭ مادەني مۇراسى, سيمۆولدىق, قاسيەتتى جانە مادەني-تاريحي زاتتار تۋرالى تاقىرىپ قوزعالدى. جالپى العاندا, بۇل ماڭىزدى ولكەتانۋ جۇمىستارى باستالعانىن بىلدىرەدى. ماڭعىستاۋ وبلىسىنىڭ قازاقستان حالقى اسسامبلەياسى ۇيىمداستىرعان اكتسياسى وسى تاقىرىپتىڭ كورىنىسى بولىپ جانە ۇلت كوشباسشىسىنىڭ باعدارلامالىق يدەيالارىن ىسكە اسىراتىن ۇلگى بولىپ تابىلادى, دەدى «نۇر وتان» پارتياسىنىڭ وبلىستىق فيليالى جانىنداعى «جاس وتان» جاستار قاناتىنىڭ توراعاسى باعدات قۋاندىق.

قولدارىنا تىرما, سىپىرتقى, كۇرەك العان بەلسەندىلەر قىستان قالعان ءشوپ, اعاش جاپىراقتارىن تىرمالاپ, جاس كوشەتتەر وتىرعىزدى. سونىمەن قاتار تەمىر قورشاۋلار سىرلانىپ, اعاش تۇپتەرى اكتەلدى. ارينە, تۇرىپ جاتقان قالامىزدى, باباكۇلدىك جەرىمىزدى تازا ۇستاۋ ءۇشىن مۇنداي شارالاردىڭ ءجيى ۇيىمداستىرىلۋى ماڭىزدى. سەنبىلىككە ءبىر كىسىدەي ۇيىمداسا قاتىسقان ءار ۇلتتىڭ وكىلدەرى بارشا ادام قورشاعان ورتاعا جاناشىرلىقپەن قاراسا ەكەن دەگەن تىلەكتەرىن ايتىپ جاتتى.