قوشقار اتا قورىمىندا وتكەن سەنبىلىك تاتار ەتنومادەني بىرلەستىگى ۇيىمداستىرعان مەرەكەلىك شاراعا ۇلاستى.
ماڭعىستاۋ وبلىسىنداعى حالىقتار دوستىعى ءۇيىنىڭ كەڭ زالىنا ەتنومادەني بىرلەستىكتەردىڭ وكىلدەرى جينالدى. كەشتى اشقان «بۋلگار» تاتار ەتنومادەني بىرلەستىگىنىڭ توراعاسى فاندال ساحيبگارەەۆ, «قازاق جەرىڭدەگى دوستىق پەن تاتۋلاستىقتىن ارقاسىندا, وسىنداي شىعارماشىلىق كەش وتكىزۋ جاقسى داستۇرگە اينالدى» دەپ اتاپ ءوتتى. «عابدوللا توقايدىڭ رۋحاني مۇراسى - بۇكىل ادامزاتتىڭ يگىلىگى.
تاعدىردىڭ قالاۋىمەن ول قازاقستان تاريحى مەن مادەنيەتىنىڭ اجىراماس بولىگى, قازاق جانە تاتار حالقىنىڭ رۋحاني تۋىستىق تاريحى بولىپ ەسەپتەلەدى, دەدى ف.ساحيبگارەەۆ. شىعارماشىلىق كەش تاتار حالقىنىڭ ءانۇرانىنا اينالعان «تۋعان ءتىل» انىمەن باستالدى. سونىمەن قاتار, اقىننىڭ ولەڭدەرى تاتار, قازاق جانە ورىس تىلدەرىندە كورەرمەندەردىڭ نازارىنا ۇسىنىلدى. اسىرەسە, بالالاردىڭ قاتىسۋىمەن گ. توقايدىڭ تۋىندىلارىنان قويىلعان قىسقاشا ۇزىڭدىلەر كورەرمەندەردىڭ كونىلدەرىنەن شىقتى.
كەش سوڭىندا قوناقتار تاتار ەتنومادەني بىرلەستىگى مۇشەلەرىنە ريزاشىلىقتارىن ءبىلدىردى. «الان» وسەتيندىق ەتنومادەني بىرلەستىگىنىڭ توراعاسى فاتيما بيركلە كوپشىلىككە الان حالقىنىڭ ولەنىڭ وقىپ بەردى.
