-مەملەكەتتىك قىزمەتكەرلەردى ىنتالاندىرىپ, ەرەكشە ىقىلاسىن وياتۋ ماقساتىندا ۇيىمداستىرىلاتىن كونكۋرستىڭ بۇگىنگى تاڭدا اۋقىمى وتە كەڭ. ونى اۋدان جانە وبلىس ورتالىقتارىنان قاتىسۋعا نيەت بىلدىرگەن ۇمىتكەرلەردىڭ سانىنىڭ ارتۋىنان بايقاۋعا بولادى. 2018 جىلدىڭ قورىتىندىسى بويىنشا 27 ۇمىتكەر وڭىرلىك كەزەڭدە باق سىناسا, ونىڭ 20-سى رەسپۋبليكالىق كەزەڭگە جولداما الدى. ولاردىڭ ىشىندە ماڭعىستاۋ وبلىسىنىڭ اتىنان قاتىسقان ەكى قاتىسۋشىمىز باۋىرجان تۇياقوۆ پەن رامير الەكبەروۆ جەڭىمپاز اتاندى. قاتىسۋشى ءبىر ساتكە بولسىن جۇمىسباستىلىقتان ارىلىپ, ءبىلىم مەن بىلىكتىلىگىن كورسەتىپ, تاجىريبەسىن شىڭدايدى. سوندىقتان مەملەكەتتىك قىزمەتكەرلەردىڭ وڭ ءيميدجىن قالىپتاستىرىپ, وسى سالاعا قىزىعۋشىلىعىن ارتتىرۋ قاجەت, دەيدى قر مەملەكەتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ مەملەكەتتىك قىزمەت باسقارماسىنىڭ جەتەكشى مامانى حاكيمبەك اتادۋسوۆ.
اتالعان كونكۋرسقا 1 جىل مەملەكەتتىك قىزمەتتە ءوتىلى بار, اكىمشىلىك جانە ءتارتىپتى جازالارى جوق مەملەكەتتىك قىزمەتشىلەر قاتىسا الادى. بۇل ورايدا ۇمىتكەر ءوز قىزمەتىندەگى وزەكتى ماسەلەلەردى شەشۋگە قوسقان جەكە ۇلەسى, العا قويعان ماقساتتارىن جۇزەگە اسىرۋ بارىسىندا جەتكەن جەتىستىكتەرىمەن ەرەكشەلەنەدى.
-بۇل كونكۋرس ماعان ەرەكشە موتيۆاتسيا بولدى. سانامدا جەڭىسكە دەگەن ۇمتىلىس, قىزمەتىمە دەگەن زور ىقىلاسىم بيىككە شىعاردى. ۇيقىسىز وتكىزگەن كۇندەرىم تەككە كەتپەگەنىن, بۇگىندە ارىپتەستەرىمنىڭ ماعان ماقتانىشپەن قاراعانىنان تۇسىنەمىن. ءبىر تۇيگەنىم, ادام ءوزىن دامىتۋدان ەشقاشان جالىقپاۋ كەرەك. بۇل سايىستىڭ ارقاسىندا كوپ نارسە ۇيرەندىم. رەسپۋبليكالىق كەزەڭدە وبلىسىمىزدىڭ اتىن اسقاقتاتقانىما قۋانامىن, دەيدى «ۇزدىك قىزمەتكەر- 2018» جەڭىمپازى, ماڭعىستاۋ وبلىسى جاستار ماسەلەسى جونىندەگى باسقارما باسشىسى باۋىرجان تۇياقوۆ.
وڭىرلىك جانە رەسپۋبليكالىق كەزەڭدە وتكىزىلەتىن كونكۋرسقا قۇجاتتار 5- ءساۋىر مەن 5- مامىر ارالىعىندا قابىلدانادى. ۇمىتكەردىڭ كونكۋرسقا قاتىسۋ تۋرالى ءوتىنىشى, سونداي-اق «نە سەبەپتى مەن ۇزدىك مەملەكەتتىك قىزمەتشى اتاعىنا لايىقتىمىن؟» تاقىرىبىندا جازىلعان موتيۆاتسيالىق ەسسەسى بولۋى مىندەتتى.
قاتىسۋشىلاردى باعالاۋ ءۇشىن كونكۋرستىڭ ءبىرىنشى كەزەڭىندە وڭىرلىك كوميسسيا قۇرىلادى. وزا شاۋىپ, ۇزدىك دەپ تانىلعان جەڭىمپازدار 23-ماۋسىم «مەملەتتىك قىزمەتكەرلەر كۇنى» قارساڭىندا ماراپاتتالىپ, رەسپۋبليكالىق كەزەڭگە جولداما الادى.
-جىل سايىن ءار مەكەمە جاس ماماندارمەن تولىعۋدا. ولاردىڭ «ادەپ كودەكسىنەن» باستاپ, زاڭنامالاردى ءبىلۋ دەڭگەيىن سارالاۋ ءۇشىن بۇل كونكۋرستىڭ ماڭىزى زور. بىلتىرعى جىلمەن سالىستىرعاندا قاتىسۋشىلار دەنى ارتىپ, كونكۋرسقا دەگەن قىزىعۋشىلىق باسىم بولعانى ءبىزدى قۋانتادى. بۇل شارا مەملەكەتتىك قىزمەتكەردىڭ ءوزىن باسقا قىرىنان تانىتىپ, شىعارماشىلىق تۇرعىدان دامىپ, كوپتەگەن مۇمكىندىكتەرگە قول جەتكىزۋىنە مول مۇمكىندىك. سوندىقتان بۇل شارانىڭ جوعارى دەڭگەيدە وتۋىنە قوعام بولىپ اتسالىسۋىمىز كەرەك, دەگەن پىكىردە كوميسسيا مۇشەلەرى –«FORTE BANK» اق فيليالىنىڭ ديرەكتورى اببات ورىسباەۆ جانە «ماڭعىستاۋ مەديا» جشس ديرەكتورى ايسۇلۋ دۋتباەۆا.
ماڭعىستاۋ وبلىسى
